Izet Haxhia: 12 pyetje borgjezit Fevzo

March 6, 2016 01:10

Izet Haxhia: 12 pyetje borgjezit Fevzo

Nga Arkiva

Pasi ka ndjekur një emision të Blendi Fevziut mbi vrasjen e Azem Hajdarit, ku është përmendur dhe emri i tij, Izet Haxhia ka reaguar nga Turqia.

Ai tregon edhe një herë se çfarë ka ndodhur në mbrëmjen e 12 shtatorit 1998…

 

Ja çfarë shkruan Haxhia:

“Pasi ndoqa një debat (jo live, kuptohet) sepse nuk e ndjek kurrë një program të tillë, por pasi më thanë që ishte përmendur emri im në debatin që po bëhej ne lidhje me të ashtuquajturën ‘vrasje e shekullit’, po shkruaj disa të dhëna nga dora e parë apo nga një ‘pjesëmarrës’ në vrasje, sipas prokurorisë së Giut dhe gjykatës së Mickos .

Fevzo, në këtë vrasje nuk kanë marrë pjesë 90 veta, siç pretendon ti dhe tutori yt Berisha, por vetëm tre veta kanë qenë pjesëmarrës të drejtpërdrejtë: Fatmir Haklaj që është i vetmi që ka qëlluar në atë vrasje të dyfishtë, Jaho Mulosmani që ka qenë në timonin e Mercedesit me targa vlore dhe Naim Çangu që ka qenë i pranishëm në këtë makinë pa asnjë veprim aktiv nga ky ngeli i vrare gabimisht nga plumbat e kallashnikovit të Fatmir Haklajt.

Feriz Kërnaja nuk ka qene as në Tiranë, lere pastaj të ketë qenë pjesëmarrës në atë vrasje. Futja e këtij emri në këtë listë është bërë me djallëzi nga tutori yt dhe ti e perserit si papagall i zellshëm. 

Në distancë të kësaj vrasje kanë qenë katër persona: një nga këta edhe isha edhe unë. Ishin edhe Halil Haklaj, Elez Haklaj dhe shoferi i furgonit të policisë, Agim Logu.

Vendndodhja e furgonit të policisë me targa “policia 202” që i përkiste komisariatit të Tropojës ka qenë përballë monumentit të Ushtarit të Panjohur.

Në momentin e krismave, unë bashkë me Halil Haklajn kemi qenë duke dalë nga kafe “Aroma” pasi kishim pirë kafe. Elez Haklaj bashkë me shoferin kanë qenë në furgonin “Iveko” të policisë.

Kjo është ‘pjesëmarrja’ ime në këtë vrasje.

Në qoftë se të pish kafe, qoftë edhe me vëllain e vrasësit apo xhaxhain e tij 80-vjeçar, mund të cilësohesh si vrasës apo pjesëmarrës në vrasje, atëhere mund të them që atë që e kanë thënë apo e përsërisin këtë, ose janë idiotë të lindur, ose (ajo që është më e vërtetë) mundohen të fshehin diçka të rëndë e komprometuese të tutorit.

Blendi Fevziu

Blendi Fevziu

Ti, o Fevzo, je edhe goxha i zgjuar. Berisha të quan pjesë e klasës së re borgjeze që lindi në këto 25 vjet të sulltanatit të tij te madhërishëm. Edhe ai e trashëgoi gjakun blu prej borgjezi pasi kishte pirë qumështin e dhive që ruante në rininë e tij në Prifç të Viçidolit. Këtë gjak blu të borgjezit, Berisha nuk e turbulloi as nga gjaku i kuq prej komunisti 25-vjeçar.

Përse more borgjezi Fevzo nuk pyet se nga cila zyre doli Hajdari për të shkuar tek makina me targa vlore?

Përse u thirr (Hajdari) me urgjencë nga Fieri atë pasdite të kthehej në Tiranë dhe nga kush…?

Përse nuk e përmend Fisnik Sinën që mori telefonatën në zyrën e Azemit nga punonjësi i SHIK-ut Bujar Daja, për ta njoftuar për praninë e kësaj makine të dyshimtë afër PD-së?

Përse nuk pyetet se a kishte dijeni Berisha para se të thërriste Azemin në zyrë, gjoja për ta pyetur për takimet në Lushnje e Fier…?

Përse u shlyen (fshinë) tabulatat e tel. të Azemit në Amc?

Përse u zhduk telefoni celular i Azemit, që përfundoi më vonë në duart e Petro Koçit?

Çfarë i tha mbesa e dashur e Berishës, Shpresa Breçani kur u ngjit dy herë me urgjencë në zyrën në katin e dytë të PD-së dajës Berishë?

A mos i tregoj dajës Berishë se përballë kafes ku po rrinte përballë saj ndodhej brenda në një makinë me targa vlore Fatmir Haklaj dhe distanca e saj me këtë makinë ishte vetëm pesë metra?

Sepse nuk e kam parë asnjëherë më parë që mbesa të ngjitet në zyrën e dajës… Pyete Kuqon apo Pollon, sepse Linda Ihsanin nuk ke ku ta marrësh për ta pyetur, sepse ka vdekur nga një sëmundje e “papritur” si shumë të tjerë që dinë çfarë i tha Berisha Azemit pas lajmit të dhënë nga Fisnik Sina.

Pyete Petro Koçin pse e fshehu telefonin e Azemit dhe nuk ia dha prokurorëve plepistë apo atyre norvegjezë?

Pyete Muharrem Haklajn, se jeton akoma, se çfarë bisedoi me Azemin?

Kush rrinte në zyrën e katit të dytë për të cilën Azemi i tha Muharremit se ka dorë në vrasjen e djalit tuaj.

Kam edhe shumë pyetje të tjera për të bërë, o borgjezi Fevzo, që në kohë të Dullës mbaje të lidhur në krahun tënd shiritin e anëtarit të GBV.

Karakteri yt prej bythëlëpirësi është shumë më i dobët se ata që mbajnë emrin LGBT. Të më falin anëtarët e shoqates që ka stemë ngjyrat e ylberit, po ketu po flasim per karakterin…

March 6, 2016 01:10
Komento

3 Komente

  1. FAN,RRESHEN Albania March 6, 01:27

    KUJDRS NGA SALI KRIMINELI SE EDHE UNE AFER TROPOJES JAM NGA RRESHENI

    Reply to this comment
  2. Mark uk March 6, 19:08

    Mos ki frig se nuk bjen rrufeja ne hale.

    Reply to this comment
  3. Goni March 6, 20:05

    Po ti o kriminel a ke ndonje pyetje per veten tende.
    Ti me ata qe shoqreronit prisnin qe Fatmiri ta kryente vrasjen per ti ndihmuar te largoheshin………
    Kush ti shkruan keto o pis se ti nuk di ti lidhesh dy fjale bashke……..Funderrine

    Reply to this comment
Shiko komentet

Komento

Your e-mail address will not be published.
Required fields are marked*