10 piratet femra më manhitëse të historisë (mes tyre edhe Teuta e Ilirisë)

June 20, 2017 16:40

10 piratet femra më manhitëse të historisë (mes tyre edhe Teuta e Ilirisë)

Mund të jetë e vështirë të besohet, por të kesh një mjekër të madhe nuk është domosdoshmëri për të qenë pirate. Disa pirate femra kanë thyer stereotipin se vetëm meshkujt janë piratë. Duke nisur nga Roma e Lashtë deri tek Marina Mbretërore, këto femra pirate  konsiderohen më të këqijat e të më këqinjve.

Sayyida al Hurra

Sayyida al Hurra

Sayyida al Hurra ishte vajza e një familje të shquar myslimane me bazë në Mbretërinë e Granadës. Ata u detyruan të iknin nga shtëpia e tyre në vitin 1492, pas ripushtimit të Spanjës nga të krishterët. Sayyida dhe familja e saj u vendosën në Chaouen, Marok. Pas vdekjes së burrit të saj biznesmen në 1515, Sayyida u bë guvernatore e Tetouan. Ajo u takua dhe u martua me Mbretin e Marokut, Ahmed al-Wattasi. Zemërimi i saj ndaj të krishterëve që e kishin detyruar atë të largohej nga shtëpia e saj ishte i vazhdueshëm për Sayyida. Ajo lidhi kontakt me Barbarossan e Algjerit, dhe iu fut piraterisë. Gjatë misionit për kapjen e anijeve kristiane, Sayydia u bë mbretëresha më e pushtetshme mbi detin Mesdhe në sytë e të krishterëve.

Mbretëresha Teuta e Ilirisë

Teuta-the-Untameable-768x453

Të paktë kanë qenë ata meshkuj që kanë pasur këllqet për të mundur forcën e Romës. Por ishte një mbretëreshë pirate si Teuta e Ilirisë që arriti t’i sfidonte romakët. Pas vdekjes së bashkëshortit të saj, Mbretit të Ardianëve, Teuta trashëgoi Mbretërinë Ardiane në vitin 231. Me mbështetjen e mbretëreshës së tyre, ilirët morën qytetin fenikas dhe atë të Dyrrahut (Durrësin). Për të zgjeruar shtrirjen e tyre, piratët e saj sulmuan anijet tregtare të Romës dhe Greqisë. Në vitin 229 Roma u detyrua t’i shpallte luftë Ilirisë dhe Teutës. Një forcë prej 20 mijë trupash romake e detyruan Teutën të dorëzohej.

Anne Bonny

Anne-Bonny-e1380133847867

Anne Bonny ishte një pirate irlandeze e lindur mes viteve 1697-1700. Pas zhvendosjes së familjes së saj në Botën e Re, nëna e Anne vdiq, dhe babai i saj akumuloi një pasuri të vogël. Anne u mohua nga babai i saj. Ajo lëvizi për në Bahamas ku takoi kapitenin e një anije pirate Jack Rackham. Anne ndihmoi në ngritjen e një ekuipazhi të ri dhe arriti të kapte shumë anije, disa prej të cilave transportonin çaj. Si një kërcënim për tregtinë e çajit që ishin, guvernatori i Xhamajkas bëri apel kundër Jack Rackham dhe Anne Bonny. Anija e tyre u kap dhe Rackham u ekzekutua. Ndërsa Bonny u zhduk e fat ii saj mbetet i panjohur.

Jeanne de Clisson

Jeanne de Clisson

E lindur në vitit 1300, Jeanne ishte pasardhëse e një familjeje britanike. Në vitin 1330 Jeanne u martua me Olivier III de Clisson. Si fisnik i pasur që ishte, atij iu desh të mbronte vendin e tij, por u kap në Paris, dhe u ekzekutua nën urdhrat e Mbretit Filip VI. Jeane e mbushur me mëri, u betua për hakmarrje. Ajo ia shiti tokat e saj fisnikëve të pasur dhe bleu tre luftë-anije. Anijet e saj u quajtën “Flota e Zezë” dhe filluan të shkatërronin anijet që i përkisnin Mbretit Filip. Ajo linte vetëm disa marinarë gjallë të anijeve kundërshtare për t’i dërguar mesazhin Mbretin se Luanesha e Anglisë kishte goditur sërish. Edhe pas vdekjes së mbretit Filip ajo vazhdoi të luftonte anijet franceze derisa vendosi të kthehej në Angli.

 

Ching Shih, nga prostitutë në një lorde pirate

Ching-Shih-nga-prostitutë-në-një-lorde-pirate

Ching Shih lindi në provincën Guangdong të Kinës në 1775. Ajo u bë një prostitute që punonte në bordello të ndryshme. Pirati Zheng Yi, i cili komandonte një grup anijesh, vuri re bukurinë e Ching Shih dhe e mori atë për grua. Me çiftin në krye, “Flota Flamuri i Kuq” nga 200 anije arriti në 1700. Zheng Yi vdiq në vitin 1807, vetëm pas 6 vitesh martesë. Ching Shih mori fronin dhe njihej si një pirate e rreptë dhe e disiplinuar. Ajo u fokusua më shumë në strategjitë ushtarake dhe biznesin. Ajo gjithashtu krijoi disa ligje që mbronin piratët e saj. Skllevërit femra që konsideroheshin të shëmtuara liheshin të lira e të padëmtuara. Nëse një pirate donte të merrte për grua një skllave të bukur, kjo gjë i lejohej. Në fund të karrierës së saj si pirate, Ching Shih u rikthye në Canton dhe hapi një shtëpi kumari ku qëndroi deri në fund të jetës.

Anne Dieu-Le-veut

Anne Dieu-Le-veut

E lindur rreth vitit 1650, Anne ishte një kriminele e deportuar nga Franca në Tortuga diku mes 1665 dhe vitit 1675. Në Tortuga, Anne u martua me piratin Pierre Length. Në vitin 1683, Pierre u vra gjatë një përleshje. Anne e sfidoi vrasësin e burrit të saj në një duel.  Laurens që refuzoi të luftonte me një grua, u impresionua nga guximi i Anne dhe i propozoi asaj. Anne pranoi. Ata lundruan së bashku duke kapur shumë anije dhe duke bastisur Xhamajkën në vitin 1693. Ajo u kap një vit më vonë dhe u ribashkua me Laurens në vitin 1698.

Grace O Malley, mbretëresha pirate e Irlandës e shekullit 16

Grace-O-Malley-mbretëresha-pirate-e-Irlandës-e-shekullit-16

Grace O’Malley ka lindur në Irlandë rreth vitit 1530, kur Henri VIII ishte Lord i Irlandës. Babai i Grace ishte prijës detar i klanit O Maille. Pasi bashkëshorti i saj Donal u vra dhe kështjella e tij u kap, Grace ngriti një ushtri dhe e ripushtoi kështjellën. Gjatë martesës së saj të dytë, Grace mori rolin e babait të saj, që mblidhte taksa nga peshkatarët në territorin e tyre. Ajo gjithashtu filloi t’i kërkonte para kesh anijeve tregtare për një kalim të sigurtë. Kur të tjerët refuzonin ata vriteshin. Grace gjithashtu sulmonte fortesat e fisnikëve irlandezë e skocezë.

Elizabeth Killigrew

Pirate-fleet-e1380133739390

Data e lindjes së Elizabeth është e panjohur. Ajo u bë zonja Killigrew kur u martua me Sir John Killigrew të Arvenack. Kur në vitin 1540 Kështjella Pendennis u ndërtua nga Mbreti Henri VIII, Killigreë morën kontrollin e anijeve në këtë zonë, duke ngritur fortesën e tyre. Ata përdorimin pozicionin e tyre për të marrë para nga anijet që hynin në zonën e tyre të kontrollit. Kur bashkëshorti i saj vdiq, Elizabeth mori komandën e plotë të piratëve. Pasi Elizabeth u kap në vitin 1582, asaj iu dha një falje  nga Mbretëresha Elizabeth.

 

Christina Anna Skytte

Christina Anna Skytte

E lindur në vitin 1643, Christina ishte fëmijë i baronit Baronit Jacob Skytte e Duderhof, të Suedisë. Vëllai i saj, Gustav Skytte, jo  i lumtur me pasurinë e tij tashmë të çmendur, bëri një jetë të dyfishtë si pirate që nga viti 1657 e tutje duke plaçkitur anijet në Detin Balltik. Sëabshku me të dashurin e saj, Gustaf Drake, Christina u bë partnere në biznes. Christina tregoi se ajo nuk ishte një partnere pasive. Në vitin 1663 ajo ishte prezente kur sulmuan një anije tregtare holandeze,, duke bërë që i gjithë ekuipazhi i saj mbetën të vrarë. Ky sulm çoi në ekzekutimin e Gustaf dhe Christina u detyrua të largohej.

Jacquotte Delahaye

Jacquotte Delahaye

E lindur në Haiti nga një nënë haitiane dhe një baba francez, Jacquotte pati një fëmijëri të vështirë. Nëna e saj vdiq pasi lindi të vëllain e saj, ndërsa i ati iu vra, duke e lënë Jacquotte me pak para. Ajo u detyrua t’i futej piraterisë në Karaibe për t’u kujdesur për vëllain e saj. Aktive në vitin 1660, ajo falsifikoi vdekjen e saj për t’iu arratisur qeverisë që e kërkonte. Pasi jetoi për shumë vite si mashkull, ajo për shumë vite jetoi si pirate duke korrur shumë suksese.

June 20, 2017 16:40
Komento

5 Komente

  1. Besniku June 20, 18:46

    Nuk e di per te tjerat, por Teuta ka qene mbreteresha jone Ilire.
    Dhe mbretereshat, ashtu si mbreterit, ishin udheheqes dhe jo pirate.
    Por te luftoje kunder Perandorise romake e te fitoje, e per me teper nje grua, nuk mund te kaperdihej nga romaket.
    E per te justifikuar humbjet,dhe per ti bere qefin perandorit romak, pseudo-historianet romake e perkufizuan si pirate.
    Po ne toke, pirate ishte Teuta, kur udhehiqte luftetaret ilire, kunder ushtrise romake??!!
    Me vone, ishin pseudo-historianet turke, ata te cilet nuk kaperdine furine Skenderbeniane, dhe shkruajten si deshen per te justifikuar humbjet dhe per t’i bere qefin dhe qetesuar disi, sulltanin, se ndryshe u ikte koka.
    Keto dokumente kane arritur deri ne ditet tona, dhe do te kishin dominuar dhe ndryshuar ndoshta historine, nese Europa nuk do ishte rrezikuar nga pushtimi turk.
    Mburoja Shqiptare, ishte kaq e rendesishme per ta, sa nuk mund te mos i thurnin lavde dhe vepra te tera.
    Por dhe ketu kishte dallim midis raporteve psh te Venedikut, qe luante ne te dy krahet, apo Vatikanit, e sidomos veprave dhe refimeve te verteta te udhetareve e luftetareve te pa angazhuar ne interesa te ulta.
    Po te nxjerresh kuriozitete nga google, ne menyre te padiskutueshme, do japesh kuriozitete te pavlefshme, sepse shumica e te dhenave ne google, nuk mbeshtetet ne te verteta historike.
    Ne se ju intereson, ne Kroaci , ne shkolla , nxenesit mesojne se Teuta ishte mbreteresha e tyre.
    Po kete si e shpjegon stafi i “dites”??!!
    Ne Teuten è quajme pirate kurse Kroatet e quajne mbretereshen e tyre.
    Une do mendoja qe Dita, si gazete serioze, duhet te kete shume kujdes ne trajtimin e kurioziteteve , qe kane lidhje me historine dhe zakonet tona.
    Duhet te mjaftohemi me cungimin e qellinshem te saj nga fqinjet, e te mos u bashkohemi atyre ne demtimin e vehtes.

    Reply to this comment
    • po po June 20, 20:29

      Lidhur me Teuten ne Kroaci.

      Kroacia dikur ka qene territor ilir dhe kete e pranojne vete kroatet e mencem. Keshtu, ata ndonese vete jane sllave, te ardhur ne Kroaci, e perdorin Teuten per “te tyren”. Nje mekat i vogel ky, sidomos per te edukuar femijet. Po ne Greqi qe Skenderbeun e qajne grek?

      Reply to this comment
    • anticensurë25642654 June 21, 10:59

      plotësisht të drejtë!
      teuta e përdori piratërinë në rastin e rromakëve,por nuk ishte PIRATE si të tjerat!!
      ajo ishte një mbretëreshë e fronzuar në tokë dhe jo një mbretëreshë anijesh!!

      Reply to this comment
  2. Durresi June 22, 15:12

    Sa per kulture Teuta eshte titull dhe do te thote mbretereshe.

    Reply to this comment
  3. Spathiati June 25, 00:31

    Vazhdoni dhe lexoni brofkat e Beqirave arnavut per “illiret” dhe “pellazget”!

    Reply to this comment
Shiko komentet

Komento

Your e-mail address will not be published.
Required fields are marked*