11 epigrame

Nga Arben Duka June 15, 2013 23:34

11 epigrame

E mësova të vërtetën,
tani që më erdhën mentë:
“Sa më shumë që i njoh njerëzit,
aq më shumë i dua qentë!.”

Do të dal në mes të ditës,
porsi Diogjeni i hershëm,
do dal me qiri në dorë,
të gjej një njeri të ndershëm!

Të them ty o burrë i thinjur,
dhe ty o djalosh i ri:
“Jo çdo gjë që ndrin e verdhë,
është domosdo flori!”

A e dini ju o njerëz,
një fjalë plot ëmbëlsirë:
“Erë e hudhrës e mbyt keq,
dhe parfumin më të mirë!

O qymyr s’të bëj dot mik,
s’kam lindur për vetëmohim,
kur je i ndezur më djeg,
kur je i shuar më nxin!

Këto fjalë të arta që qëndrojnë mirë,
s’i ka thënë aspak një gojë memece:
“Më mirë rro në shpellë me një egërsirë,
se sa në shtëpi me një grindavece!”

Kur më shajnë aq më bën,
aq më bën e s’më prish punë,
se kur më kafshon një qen,
nuk mund ta kafshoj dhe unë!

Një fjalë të urtë dhe të artë,
as topi dot nuk e luan:
“Shqiponja-ky zog kryelartë,
për mizat e dheut nuk gjuan!

Ul kokën dhe shpinën gjithmonë,
ti bir i mjerë robërie:
“Se dielli nuk del për të verbërinë,
kambana për shurdhin nuk bie!.”

E hodhën në kosh të plehut,
t’i merrnin nderin të mirit,
po ai kosh i shëmtuar,
mori vlerën e floririt!

Njerëzit mund të jenë,
të liq e të mirë,
po pa drejtësinë,
askush s’është i lirë!

Nga Arben Duka June 15, 2013 23:34
Komento

7 Komente

  1. Gramoz June 16, 01:18

    bukur ke qelluar si gjithmone ne shenje o yll

    Reply to this comment
  2. ARUSHA June 16, 12:54

    Ausgezeichnet SHEKSPIRI SHQIPTAR

    Reply to this comment
  3. linda June 16, 18:55

    je nje artist i madh

    Reply to this comment
  4. marina June 16, 21:35

    vargje gjigante….. cdo fjale qe mund te them eshte shume pak krahasuar me ndjesine qe na jepni z.duka. ju uroj shendet.

    Reply to this comment
  5. miri June 17, 09:37

    ben duka ste krahasoj me diamantin se te humbas vleren.

    Reply to this comment
  6. ciko-nili June 17, 11:44

    Arben eshte koha per thirrje
    Se erdh dita e kerkuar
    Erdhi 23 Qershori
    Rilindjen per ta bekuar

    Bej apel me penen tende
    Te ngrihen te gjithe ne kembe
    Qe me vote e te bashkuar
    Qeverine ta perzene

    Shkruaj e beju apel
    Me zemren hapur ne dore
    Si dikur ne 24-en
    Vet Noli liberator

    Reply to this comment
  7. Mark uk June 17, 15:12

    Cfar do rilind PS vetveten,qe mbajn ala zerin e popullit qe nga viti 1942.

    Reply to this comment
Shiko komentet

Komento

Your e-mail address will not be published.
Required fields are marked*