Klosi në Elbasan, prezanton planin kombëtar të Rinisë 2015-2020

November 13, 2015 14:16

Klosi në Elbasan, prezanton planin kombëtar të Rinisë 2015-2020

Ministri i Çështjeve Sociale dhe Rinisë, Blendi Klosi prezantoi planin Kombëtar të Veprimit për Rininë 2015-2020, në një ceremoni të organizuar në Universitetin Aleksandër Xhuvani në Qytetin e Elbasanit.

Plani i miratuar sivjet nga qeveria shqiptare shpreh angazhimin e qeverisë për punësim, arsimin profesional, praktikat mësimore, ngritjen e qendrave rinore, mbrojtjen e shëndetit të të rinjve, rritjen e pjesëmarrjes në aktivitete social kulturore dhe proceset vendimmarrëse.

Synimi kryesor i këtij plani është përmirësimi i cilësisë së jetës së të rinjve dhe forcimi i statusit të tyre, përmes zhvillimit të më shumë mundësive në edukim, punësim, shëndetësi, kulturë dhe rritjen e pjesëmarrjes së plotë të të rinjve në shoqëri dhe vendimmarrje.

Zbatimi i planit Kombëtar të Veprimit për rininë 2015-2020 do të kontribuojë në krijimin e kushteve dhe një mjedisi të sigurt social, shëndetësor dhe politik, për një rini aktive dhe të barabartë në të gjitha fushat e jetës dhe me status të konsoliduar për të ardhmen e tyre.

Objektivat më të rëndësishëm të këtij plani kanë të bëjnë me: nxitja e punësimit të të rinjve përmes politikave efektive të tregut të punës; shëndeti, sporti dhe mjedisi; edukimi i të rinjve; Mbrojtja sociale.

Ky plan është hartuar pas takimeve konsultative në 12 qarqet e Shqipërisë me përfshirjen e rreth 12 mijë të rinjve studentë dhe përfaqësues të organizatave të shoqërisë civile si dhe në bashkëpunim të ngushtë me të gjitha ministritë e linjës. /Dita/

November 13, 2015 14:16
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*