40 gjyqtarë dhe prokurorë luftojnë në KPA për të qëndruar në detyrë

May 5, 2019 12:42

40 gjyqtarë dhe prokurorë luftojnë në KPA për të qëndruar në detyrë

Procesi i Vetingut, i konsideruar nga ndërkombëtarët si unik në Evropë dhe shembull për vendet e tjera, ka hyrë në një fazë të rëndësishme. Vëmendja është zhvendosur tek Kolegji i Posaçëm i Apelimit, organi fundor i Vetingut, i cili vendos përfundimisht për fatin prokurorëve dhe gjyqtarëve nëse duhet të vijojnë të shërbejnë në drejtësinë e re apo duhet të qëndrojnë për 15 vite larg saj. Aktualisht, 40 gjyqtarë dhe prokurorë luftojnë në Kolegjin e Apelimit, një pjesë për të qëndruar në detyrë dhe pjesa tjetër për t’u kthyer në detyrë, pasi janë shkarkuar nga Komisioni i Pavarur i Kualifikimit, organi bazë i Vetingut.

Ndërkaq, Këshilltarja pranë Kushtetueses Valbona Bala kundërshton në Kolegj vendimin e KPK për ndërprerjen e Vetingut ndaj saj, ndërsa gjyqtari Genci Sinjari kërkon t’i bëhet Vetingu, pasi KPK ka ndërprerë procesin e Vetingut, për shkak të dorëheqjes së tij nga sistemi. Me këto dy subjekte, numri i dosjeve në Kolegj shkon në 42. Nga ana tjetër, Kolegji i Posaçëm ka marrë deri më sot 18 vendime mbi kërkesat e Komisionerit Publik dhe të vetë subjekteve të rivlerësimit.

Beteja për të qëndruar në detyrë

14 prokurorë dhe gjyqtarë janë konfirmuar në detyrë nga KPK, por Komisioneri Publik i ka kërkuar Kolegjit të Posaçëm të Apelimit që t’i shkarkojë nga detyra. Fati i tyre nëse do të do jenë apo jo pjesë e drejtësisë së re do të vendoset nga Kolegji i Posaçëm i Apelimit. Tre prej tyre, Besnik Cani, Arben Dollapaj dhe Gentjan Osmani, janë anëtarë të Këshillit të Lartë të Prokurorisë. Gjithashtu, vazhdojnë betejën në Kolegj për të qëndruar në detyrë prokurorët Besnik Muçi, Adnand Kosova dhe Donika Prela. Kjo e fundit është edhe drejtuese e Prokurorisë për Krimet e Rënda.

Vijojnë betejën për të qëndruar në detyrë kryetari i Gjykatës së Lartë Xhezair Zaganjori, anëtari i kësaj gjykate Edmond Islamaj, kryetarja e Gjykatës së Krujës Alma Kolgjoka si dhe gjyqtarët e tjerë Artur Malaj, Nertina Kosova, Gentian Medja, Astrit Faqolli dhe Alma Brati. Deri më sot, Kolegji i Apelimit ka marrë vendim vetëm për dy kërkesa të Komisionerit Publik për shkarkimin nga detyra të kryetarit të Gjykatë Kushtetuese Bashkim Dedja si dhe anëtaren e Këshillit të Lartë të Prokurorisë, Antoneta Sevdari. Kolegji pranoi dy kërkesat e Komisionerit, duke shkarkuar nga detyra dy subjektet, të cilët ishin konfirmuar në detyrë nga KPK. Ky standard i krijuar nga Kolegji i Apelimit mund të jetë një sinjal negativ për fatin e 14 subjekteve që luftojnë për të qëndruar në detyrë.

Vendimmarrja e Kolegjit

Kolegji i Posaçëm i Apelimit, deri më sot, nuk ka kthyer në detyrë asnjë gjyqtar apo prokuror, i cili është shkarkuar nga detyra nga Komisioni i Pavarur i Kualifikimit, ndërsa e ka kundërta ka ndodhur, siç ishte rasti i Bashkim Dedes dhe Antoneta Sevdarit. Megjithatë, aktualisht, janë 26 prokurorë dhe gjyqtarë, të cilët i kanë kërkuar Kolegjit të Posaçëm të Apelimit rikthimin në detyrë, pasi janë shkarkuar nga KPK. Pjesë e listës janë edhe gjashtë drejtues gjykatash, konkretisht Alma Liçaj, Admir Belishta, Luan Dervishi, Agron Vavla, Alltun Çela, Arben Zefi dhe Alfred Gjoni. Kanë vënë në lëvizje Kolegjin e Apelimit, duke kërkuar rikthimin në detyrë edhe drejtues i Prokurorisë së Apelit për Krime të Rënda Artan Bajrami si dhe anëtari i Gjykatës së Lartë Artan Broci.

Të shkarkuar nga KPK, por që i kërkojnë Kolegjit të rikthen në detyrë

Alma Liçaj, kryetare e Gjykatës së Apelit Vlorë

Admir Belishta, kryetar i Gjykatës së Tiranës

Luan Dervishi, gjyqtar në Gjykatën e Apelit Shkodër

Agron Vavla, kryetar i Gjykatës së Beratit

Alltun Çela, kryetar i Gjykatës së Sarandës

Arben Zefi, kryetar i Gjykatës së Shkodrës

Alfred Gjoni, kryetar i Gjykatës se Rrethit Gjyqësor Kurbin

Artan Bajrami, drejtues i Prokurorisë së Apelit për Krime të Rënda

Rovena Gashi, prokurore

Bledar Abdullai, gjyqtar

Elsion Sadiku, prokuror

Artan Broci, anëtar i Gjykatës së Lartë

Arben Nela, prokuror

Bujar Hoti, prokuror

Ervin Metalla, gjyqtar

Dritan Rreshka, prokuror

Ahmet Jangulli gjyqtar

Sotiraq Lubonja gjyqtar

Ramadan Troci prokuror

Entela Prifti, gjyqtare

Artor Ylli ndihmës ligjor

Shpëtim Kurti, prokuror

Artur Selmani, prokuror

Fatos Qato, gjyqtar

Izet Kadana, gjyqtar

Ana Golloshi, ndihmëse ligjore

Të konfirmuar në detyrë nga KPK, por që Komisioneri Publik kërkon t’i shkarkojë nga detyra

Donika Prela, drejtuese e Prokurorisë së Krimeve të Rënda

Adnand Kosova, prokuror në Prokurorinë e Përgjithshme

Besnik Cani, anëtar i Këshillit të Lartë të Prokurorisë

Arben Dollapaj, anëtar i Këshillit të Lartë të Prokurorisë

Gentjan Osmani, anëtar i Këshillit të Lartë të Prokurorisë

Alma Kolgjoka, kryetare e Gjykatës së Krujës

Edmond Islamaj, anëtar i Gjykatës së Lartë

Xhezair Zaganjori, kryetar i Gjykatës së Lartë

Besnik Muçi, Prokuror i Krimeve të Rënda

Nertina Kosova, gjyqtare e Krimeve të Rënda

Gentian Medja, gjyqtar i Administratives Tiranë.

Astrit Faqolli, gjyqtar në Gjykatën e Tiranës

Alma Brati, gjyqtare në Gjykatën e Tiranës

Kërkojnë t’i nënshtrohen procesit të Vetingut

Valbona Bala, këshilltare pranë Kushtetueses, KPK ka vendosur të ndërpresë Vetingun, i kërkon Kolegjit ndryshimin e vendimit.

Genci Sinjari, gjyqtar, KPK ka vendosur ndërprerjen e Vetingut sepse ka dhënë dorëheqjen. Sinjari i kërkon Kolegjit vijim e Vetingut.

l.h/ dita

May 5, 2019 12:42
Komento

6 Komente

  1. Epiriiiiii May 5, 13:46

    Po me kete Ndihmesen Ana Golloshi Çkeni more te Korruptuar…… kjo ska bere fare pjes VendiMarrje ne Gjyqèsor. Po digjet Druri i Njom bashke me te Thatin. Duke Njohur Personalisht kete NdimesGjyqtare dhe Familjen e saj te Pèrkryer dikur kur ishin Emigrante, kuptohet edhe ky Sistem i ‘Ri’ i Korruptuar qe ne nisje. Shpresoj qe DREJTESIA te shkoj ne vend per kete Nènpunse me Vlera te Perkryera EdukativoShoqerore.

    Reply to this comment
  2. Xhafa May 5, 15:14

    ÇUDI ME KET GENC KY SINJARIN QE KERKON VETING. KY BERATASI KA NJE HOTEL NE DURRES QE SDIHET ME ÇPARE E KA NDERTU POR O E SIGURT QE OSHT E.VETA POR AI E KA REGJISTRU NEMEN TDIKUJT. NAJ MDUKET ÇUDI QE KERKO VETING. HALLA HALLA.

    Reply to this comment
  3. Adih May 5, 17:33

    Zakanjori si kryetar i gjykates se larte , duhet te flaket jashte gjygjsorit . Ky eshte fajtori nga me kryesoret qe eshte drejtesia ne kete grade te felliqur .Peshku qelbet nga koka ,me te drejte e thote populli i mencur.
    Nje pyetje do i beja Zakanjorit privatisht ,pervec pazareve qe ka bere ,per interesa te mafjes duke i ndihmuar ,dhe te kuletes personale te tij per perfitime , me kryesorja eshte ::::
    Sa veta jane ne gjykaten e Strasbourgut ,kondra shtetit shqiptar . Sa milionera kemi paguar jo per fain tone me taksat tona ne populli i mjere e fukara ,dhe sa vendime jane akoma pa dale nga gjykata e Strasbourgut .Ku me kopetence ju them qe kane mbi 10 vite qe jane bllokuar ,eshte mbushur dengu ,nga lutjet qe Edi Rama sot e Sali Berisha dje i jane lutur Merkelit dhe ish Pr Hollande ,amani nderhyni ne gjyk e Strasbourgut se do i rregullojme ne ketu ne shqiperi .Ky Zakanjori ka shkelur Kushtetuten diten per diell . Dhe per kete duhet ta hidhni ne koshe te plehrave .Se po te ishte ky Zakanjori ne binare te drejte , nuk do ishim ketu ku jemi .Ku me e lepi qeni i rrugeve pa zot drejtesine tone e korruptuar ,ngordh me nje here nga infeksioni..

    Reply to this comment
  4. info analitike May 5, 18:08

    Mos u merzisni shoke se tani do te zgjidhin edhe keta qesen e parave qe ju kane vjedhur ne vite per te blere rikthimin ne sistemin gjyqesor. Ia kane vene emrin vetting po alla shqiptarce ama.

    Reply to this comment
  5. MH May 5, 19:38

    Cfare jane keto komisione.Njera pale i konfirmon.Tjetra pale kerkon ti shkarkoje.
    Keshtu sic po shikohen punet kjo rreforme drejtesi ka kalue ne tragjedi-komedi cmendine.
    Mjere mileti te ket pune me kete fare drejtesie.Te mbash ne pune ato qe vetingu i ka nxjerre te palarat ne shesh,njikohesisht dhe ato qe vetingu nuk kryen detyren korrekt sic duhet kryer por tyrylylyli mbylle njerin sy dhe njerin vesh duke i konfirmue ne pune,detyre.A nuk asht tallje me drejtesin e rrefromes ne drejtesi.

    Reply to this comment
  6. POPULLI May 5, 20:35

    TE GJITHE PER BURG DHE KONFISKIM PASURIE E CILA KA DALE MGA VJEDHJA E POPULLIT EDHE I TAKOM POPULLIT…!!!!!!!!!!!!!!!!!!!!

    Reply to this comment
Shiko komentet

Komento

Your e-mail address will not be published.
Required fields are marked*