Abuzimi me Tiranë-Elbasan, Gjiknuri: Çfarë dëshmova në Prokurori

Nga Arkiva

• Ndërtoi shtëpi me vlerë 300 mijë euro në Shqipëri, dënohet bosi i kokainës në Itali (Emri) 0 09.Jul
• Gjobë biznesmenit për t’i hequr gjobën, 3 inspektorë në pranga 0 25.Feb
• Elbasan, sekuestrohet kokainë dhe hashash; në pranga 21-vjeçari 0 03.Sep

Ministri i Infrastrukturës dhe Energjisë, Damian Gjiknuri, ka dëshmuar sot pasdite në Prokurorinë e Krimeve të Rënda për abuzimet me rrugën Tiranë-Elbasan.

Pas përfundimit të dëshmisë, ministri Gjiknuri nuk ka dashur të japë detaje, ndërsa i ka qëndruar kallëzimit të tij.

“Duhet të jepja shpjegimet e mia për kallëzimin. Ato që kisha për të thënë, i kam thënë edhe në raportin e auditit. Pres që hetimi të përfundojë me sukses”, ka thënë ministri.

Më parë, në lidhje me këtë çështje janë marrë në pyetje edhe ish-ministrat Edmond Haxhinasto dhe Sokol Dervishaj.

Ministri ka dorëzuar kallëzimin për abuzimet me fondet e aksit Tiranë-Elbasan referuar gjetjeve të auditit që konstatoi shkelje.

Edhe prokuroria dyshon se zyrtarë e ish-zyrtarë të Autoritetit Rrugor kanë shpërdoruar detyrën në bashkëpunim dhe kanë kryer korrupsion duke urdhëruar 12 ndryshime të kontratës fillestare mbi të cilën do të ndërtohej aksi Tiranë-Elbasan.

Këto amendime të pastudiuar i kanë sjellë shtetit një dëm ekonomik, vlerë që do të përcaktohet nga një grup ekspertesh të pavarur të kërkuar nga akuza.

a.s/dita