Agjencia franceze paralajmëron: Fikni pajisjet 5G në fluturim, rrezikojnë avionin

February 17, 2021 10:34

Agjencia franceze paralajmëron: Fikni pajisjet 5G në fluturim, rrezikojnë avionin

Autoriteti francez i aviacionit civil (DGAC) ka thënë se gjenerata e re e telefonave smart 5G mund të ndikojnë në sistemin e aeroplanëve gjatë fluturimit.

Prandaj, ky institucion rekomandon që telefonat e tillë të fiken gjatë fluturimit.

“Përdorimi i pajisjeve 5G në aeroplan mund të rrezikojë apo të ndërhyjë në atë mënyrë që të bëhen gabime në leximin e lartësisë”,  tha një zëdhënës i agjencisë.

Agjencia tha se pajisjet e tilla mund të shkaktojnë gabime në sistemin e aeroplanit që është shumë i rëndësishëm gjatë uljes. Prandaj thirrja e saj është që pajisjet 5G të fiken plotësisht ose të vendosen në “airplane mode” gjatë fluturimit.

Për shumë kohë, shumica e vendeve kanë kërkuar që telefonat smart të fiken ose të vendosen në modalitetin e aeroplanit, për shkak të shqetësimeve të sigurisë.

DGAC gjithashtu tha se ka vendosur kushte për pozicionimin e stacioneve të rrjetit 5G në mënyrë që të kufizonte rreziqet e ndërhyrjeve gjatë uljes në aeroportet franceze.

“Fuqia e këtyre stacioneve afër aeroporteve është e kufizuar”, tha agjencia.

Autoritetet kanë bërë testime duke filluar nga fundi i vitit të kaluar pasi në atë kohë operatorët e telekomunikacionit morën lejen për të filluar shpërndarjen e shërbimeve 5G. / REL

j.l./ dita

February 17, 2021 10:34
Komento

1 Koment

  1. gjermani i fundit February 18, 00:46

    Ceno, sado ta kundershtosh, i doli fjala Fredo Cakos.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim