Ahmetaj: Rimëkëmbja e ekonomisë ka dhënë rezultat

October 7, 2014 16:08

Ahmetaj: Rimëkëmbja e ekonomisë ka dhënë rezultat

Ministri Arben Ahmetaj deklaroi sot se tremujori i fundit ka shënuar një rritje prej 3.3 % të ekonomisë. Duke mbrojtur modelin ekonomik të qeverisë Rama, ministri Ahmetaj ka deklaruar se, masat e ndërmarra për rimëkëmbjen e ekonomisë kanë dhënë rezultat.

“Fokusi që ne kemi vënë te manifaktura, te bujqësia, tek hapja e ekonomisë dhe tek investimet e huaja. Këto janë sektorë që nëpërmjet politikave tona, qoftë duke lehtësuar procedurat, qoftë duke mbështetur drejtpërsëdrejti sipërmarrjen vendase dhe të huaj, ne tentojmë të krijojmë një masë kritike në ekonomi, e cila të bëjë atë që ne duam të arrijmë, kërcimin në ekonomi, jo më me thjesht 2.2 për qind, por të arrijmë në 2016 mbi 4 për qind. 4 për qind rritje ekonomike fillon krijon një masë kritike shumë pozitive, e cila e ka efektin drejtpërsëdrejti, në mënyrë të dukshme dhe të ndjeshme, tek konsumatori dhe tek familjet shqiptare”, tha Ahmetaj.

Ministri Ahmetaj deklaroi se të gjitha rimbursimet e prapambetura janë zeruar.

“Ky është një lajm shumë i mirë. Nuk ka asnjë detyrim për rimbursim TVSH-je të prapambetur. Paratë hidhen në ekonomi. Ato që nuk hidhen në ekonomi hidhen në sistemin bankar dhe rivijnë në ekonomi. Pra, nuk është se zhduken. Konsumi e tregon këtë, duke u rritur 8 për qind. Konsumi është shenja e drejtpërdrejtëse çfarë ndodh me aktivitetin ekonomik”, tha Ahmetaj. /E.K

October 7, 2014 16:08
Komento

3 Komente

  1. Arben October 7, 19:35

    Avash ore usta, se mos ja kaloni edhe ju Gjermanise si puna e saliut.

    jepini tallni bythen me kete popull se e ka hak

    Reply to this comment
  2. info analitike October 8, 09:33

    Edhe per kete ekonomia ecen perpara me “Te na rroje partia”.

    Reply to this comment
  3. BJORN October 8, 12:20

    Me keto drejtora te ri qe keni vendosur ne drejtorite e doganave,keni gjetur njerezit me te korruptuar e me te poshter.Nuk kishit xhaketa te vjetra me te mire,por vendoset me te keqinjt ne cdo drejtim.Do te shikoni realizimet ne dhjetor.

    Reply to this comment
Shiko komentet

Komento

Your e-mail address will not be published.
Required fields are marked*