Aksident në Fier, makina përplas për vdekje gruan

May 22, 2018 21:54

Aksident në Fier, makina përplas për vdekje gruan

 

Një grua 51-vjeçare mbeti e vdekur mbrëmjen e sotme në Fier teksa u përplas nga një automjet.

Aksidenti u shënua rreth orës 20:45, në lagjen “Sheq i Madh”,  ku shtetasi Hysen Shehu, 25 vjeç duke drejtuar automjetin tip “Audi”, ka përplasur shtetasen Lindita Kola, 51 vjeçe, e cila ishte duke lëvizur në këmbë.

Si pasojë e përplasjes, Kola ka ndërruar jetë rrugës për në Spitalin Rajonal Fier.

Ndërkohë drejtuesi i mjetit Hysen Shehu është shoqëruar në Komisariatin e Policisë Fier dhe po kryen veprimet proceduriale.

Grupi hetimor po punon për zbardhjen e plotë të rrethanave të ngjarjes.

Dyshohet se automjeti ka qenë me shpejtësi të madhe, teksa viktima ka qenë duke kaluar nga njëra anë e rrugës në tjetrën.

a.s/dita

May 22, 2018 21:54
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*