Aksioni për mbjelljen e pemëve në fazë intensive, i bashkohen nxënësit e shkollave dhe banorët e lagjeve

Nga Arkiva

• Braçe: Lojërat e fatit, veprimtari kriminale 10 12.Oct
• Grabitet karburanti në Fier, largohet autori i maskuar 0 23.Sep
• Fushë-Krujë, burri vret gruan për xhelozi 0 14.Sep

Aksioni për mbjelljen e pemëve në kryeqytet ka hyrë në një fazë intensive.

Kur mbeten edhe më pak se 1 muaj nga 21 marsi, Dita Botërore e Pyjeve, këtij aksioni i janë bashkuar tashmë thuajse të gjitha institucionet arsimore duke filluar që nga kopshtet e deri te gjimnazet ashtu edhe qytetarë të ndryshëm që kanë vendosur që ditët e tyre të veçanta ti përjetësojnë duke mbjellë një pemë.

Kështu, fëmijët e shkollave të ndryshme të qytetit i janë bashkuar aksionit të Bashkisë së Tiranës për mbjelljen e fidanëve të rinj, duke krijuar jo vetëm një mjedis më të shëndetshëm në shkollat e tyre, por njëkohësisht edhe duke edukuar me një mentalitet të ri për t’u kujdesur për mjedisin dhe për pemët.

Paralelisht në zona të ndryshme të qytetit, Bashkia e Tiranës në bashkëpunim edhe me administratorët e zgjedhur të pallateve dhe banorët po shtojnë gjelbërimin edhe në hapësirat mes lagjeve ashtu edhe në rrugët e reja.

a.s/dita