Akti normativ për buxhetin, Kushtetuesja pranon të shqyrtojë ankimimin e PD

February 19, 2014 09:12

Akti normativ për buxhetin, Kushtetuesja pranon të shqyrtojë ankimimin e PD

Gjykata Kushtetuese merr në shqyrtim ankimimin e Partisë Demokratike për shpalljen si të papajtueshëm me Kushtetutën të Aktit Normativ nr. 6, datë 04.10.2013 të Këshillit të Ministrave, për disa ndryshime dhe shtesa në ligjin nr. 119/2013 “Për buxhetin e vitit 2013”. Në seancën e djeshme morën pjesë përfaqësuesit e PD dhe PS, ndërsa nuk ishin të pranishëm përfaqësuesit e Bankës së Shqipërisë. Pas vendimit, ish-ministri i Drejtësisë, Eduard Halimi, në një dalje për mediat u shpreh besimplotë se gjykata Kushtetuese do ta analizojë me profesionalizëm këtë rast. Halimi theksoi edhe njëherë se akti normativ i qeverisë për të rritur borxhin në kufi historik është antikushtetues dhe rrezikon ekonominë. Nënkryetari i grupit parlamentar demokrat tha se është me rëndësi që qeveria të kthehet në binarët kushtetues, në mënyrë që vendi të mos rrëshqasë drejt recesionit.

February 19, 2014 09:12
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*