Armëpushimi në Siri ka filluar në ditën e Kurban Bajramit

September 12, 2016 10:54

Armëpushimi në Siri ka filluar në ditën e Kurban Bajramit

Në ditën e Kurban Bajramit, kë hyrë në fuqi armëpushimi në Siri, raporton Anadolu Agency (AA).

Një gjë të tillë më herët e paralajmëroi sekretari amerikan i Shtetit, John Kerry i cili në një konferencë të përbashkët për mediat me ministrin e Jashtëm të Rusisë, Sergej Llavrov në Gjenevë theksoi se të hënën më 12 shtator do të hyjë në fuqi armëpushimi.

Armëpushimin e arritur, sekretari amerikan i Shtetit e quajti “kthesë” për të shtuar se bashkë me Rusinë besojnë në uljen e dhunës në Siri dhe se vendi do të ecë drejt një tranzicioni politik. Ai shtoi se demilitarizimi i disa zonave do të hapë korridore humanitare.

Armëpushimin në Siri e përshëndeti shumica e liderëve botërorë, ndërsa ministri i Jashtëm i Gjermanisë, Frank-Walter Steinmeier u bëri thirrje të gjitha palëve ndërluftuese në Siri që të respektojnë armëpushimin për të cilin u pajtuan Shtetet e Bashkuara të Amerikës dhe Rusia.

Në pesë vitet e kaluara Siria ka qenë vatër e luftës pasi presidenti i vendit Bashar al Asad shtypi me dhunë protestat paqësore kundër sundimit të tij.

Sipas të dhënave të Qendrës për Hulumtime Politike, së paku 470.000 sirianë kanë humbur jetën prej kur filloi lufta në vitin 2011.

September 12, 2016 10:54
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim