Arrihet akordi, Mbappe dhe Donnarumma tek Real Madrid

June 22, 2017 13:36

Arrihet akordi, Mbappe dhe Donnarumma tek Real Madrid

 

Real Madrid hedh një hap të madh për dy nga goditjet më të mëdha të verës në merkato.

Klubi merengues ka arritur të marrë miratimin e sulmuesit francez të Monaco, Mbappe dhe portierit të Milanit, Donnarumma.

Sipas asaj që raporton gazeta “Marca”, tashmë Florentino Perez do të nisë bisedimet me dy klubet që zotërojnë kartonët e lojtarëve, për t’i bindur sa më shpejt.

Më i lehtë do të jetë misioni për portierin italian, të cilit i kanë mbetur vetëm 12 muaj kontratë me Milanin dhe sigurisht që klubi nuk dëshiron ta humbasë me parametra zero në muajin janar.

Shifra për transferimin e 18-vjeçarit është rreth 35 milionë euro dhe Reali ka gati një kontratë afatgjatë sepse Donnarumma konsiderohet portieri që mund të sigurojë të ardhmen e skuadrës për të paktën 10-15 vitet e ardhshme.

Ndryshon situata për sulmuesin e Monaco, Kilian Mbappe. Talenti i skuadrës së Leonardo Jardim ka një çmim disa herë më të lartë dhe transferimi i tij në “Bernabeu’ mund të thyejë çdo rekord.

Monaco kërkon të arkëtojë 130 milionë euro nga shitja e tij, por kampionët e Europës nuk shkojnë më shumë se 110 milionë.

Marrëveshja favorizohet nga marrëdhëniet e mira mes dy klubeve pasi në të shkuarën transferimet në aksin Montekarlo-Madrid kanë rezultuar të suksesshme.

Vendos Zidane

Gjatë ditëve të ardhshme, presidenti Perez dhe trajneri Zidane do të takohen për të vendosur pikat mbi “I”, por me shumë mundësi, ish-mesfushori francez do t’i pranojë me kënaqësi dy dhuratat e presidentit për skuadrën e tij që sezonin e ardhshëm synon të përsërisë sukseset në Kampionat dhe Champions League.

June 22, 2017 13:36
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*