Arrini t’i kapni gishtat e këmbës? Ja çfarë do thotë kjo për shëndetin tuaj

November 13, 2017 11:11

Arrini t’i kapni gishtat e këmbës? Ja çfarë do thotë kjo për shëndetin tuaj

“Arrin t’i kapni gishtat e këmbës? Është kjo pyetja që bëhet shpesh kur tema e bisedës ka të bëjë me gjendjen fizike, gjimnastikën, elasticitetin e trupit…

“ Jo, pse duhet ta bëj? Për më tepër, jo të gjithë munden”, dëgjohet një përgjigje.

Në fakt për shkak të anatomisë së trupit, një person ka më shumë vështirësi se një tjetër për të kapur majat e gishtave të këmbëve.

Por të fajësosh natyrën, nuk është zgjidhja, përveç se një nga justifikimet kryesore për të shmangur përballjen me realitetin: mungesa e fleksibilitetit të trupit.

Por sa i rëndësishëm është ky ushtrim? A tregon mos realizimi i tij diçka për gjendjen fizike apo shëndetin e një personi?

Dy nga studimet më të fundit në lidhje me përfitimet e streçingut dhe në veçanti kapjen e gishtave të këmbës jo vetëm që mund të tregojë fleksibilitetin e trupit, por edhe atë të arterieve koronare.

Një hulumtim i vitit 2009 i udhëhequr nga Dr. Kenta Yamamoto, i Universitetit të Veriut të Teksasit në SHBA, arriti në përfundimin se një trup më pak fleksibël tek njerëzit mbi 40 vjeç tregon një “ngurtësi” më të madhe të arterieve.

Në një rezultat të ngjashëm arriti edhe studim i bërë nga Masato Nishiwaki, Haruka Yonemura, Kazumichi Kurobe dhe Naoyuki Matsumoto në vitin 2015.

Sipas studimit, tek personat e moshës së mesme mund të reduktohet ndjeshëm ngurtësia arteriale me një rutinë streçingu që zgjat katër javë.

Të dy studimet pohojnë se duhet të thellohen edhe më shumë në këtë temë dhe bëjnë të qartë se njerëzit që nuk mund të prekin gishtat e këmbëve nuk do të thotë domosdoshmërisht se janë në rrezik të pashmangshëm dhe të afërt për të pasur probleme me zemrën, edhe pse arteriet më pak të ngurtësuara i bëjnë mirë funksionimit të saj.

Pse është e rëndësishme të kapësh gishtat e këmbës

Dërgohet më shumë gjak në artikulacione, si tek ato që nuk përdoren gjatë ushtrimeve ashtu dhe tek artikulacionet e dëmtuara nga mbipesha.

Falë streçingut dhe efekteve pozitive të tij, është më e thjeshtë të parandalohen lëndimet, përshpejtohet rikuperimi muskulor pas praktikimit të sportit, redukton frekuencën kardiake dhe numrin e frymëmarrjeve për minutë dhe përmirëson funksionimin e organeve të brendshme (sistemi tretës, i frymëmarrjes, endokrin).

I cilësuar si ushtrimi që neglizhohet më shumë gjatë seancave stërvitore, streçingu duhet të jetë pjesë e rutinës së përditshme pasi, po aq sa është e rëndësishme të digjni yndyrnat është e rëndësishme edhe që muskujt të jenë mjaftueshëm fleksibël për t’iu përgjigjur aktivitetit të përditshëm.

Vetëm në këtë mënyrë mund të arrini të ekzekutoni me më shkathtësi lëvizjet e përditshme si ngritja nga shtrati, kapja e një objekti etj..

Sipas ekspertëve është e rekomandueshme të realizoni ushtrime specifike fleksibiliteti të paktën katër herë në javë dhe sidomos nuk duhet harruar pas stërvitjes.

Kohëzgjatja varet nga gatishmëria dhe motivimi i gjithsecilit, por në çdo rast nuk duhet të bëhet më pak se pesë minuta. Çdo pozicion duhet të mbahet 20 sekonda pa u bërë i dhimbshëm në asnjë moment; dhe të përsëritet tre herë.

Ekspertët këshillojnë të bëni streçing duke dëgjuar mesazhet e trupit pa e sforcuar dhe as duke iu nënshtruar një stresi të panevojshëm.

Çdo grup muskujsh kërkon një dedikim të veçantë për të arritur përfitimet më të mëdha të mundshme. Më e rëndësishme është t’i tërhiqni kur të jenë të ngrohtë pas një aktiviteti kardiovaskular. o.j/Dita

November 13, 2017 11:11
Komento

1 Koment

  1. KORÇARI November 13, 15:15

    E paskeni “VRARË” fare gjuhën Shqipe.
    Kardiake në vend të Zemrës ,Fleksibël në vend të Zhdërvjellët.

    Reply to this comment
Shiko komentet

Komento

Your e-mail address will not be published.
Required fields are marked*