Marku mbledh prokurorët: Dorëzoni listën e personave në kërkim

Nga Arkiva

• 3 shtëpi dhe 20 mln lekë pasuri, zbardhet vendimi për gjyqtarin Trezhnjeva 0 12.May
• Bashkia do t’i heqë kioskën, pronari ngujohet brenda, kërcënon se do vetëdigjet 2 08.Aug
• Më gjeni një vend të Europës ku ambasadorët sillen kështu 35 10.May

Prokurorja e Përgjithshme, Arta Marku ka mbledhur në një takim gjithë drejtuesit e Prokurorive të Rretheve Gjyqësore dhe të Apelit.

Marku, kërkoi rritjen e bashkëpunimit me Policinë dhe agjencitë e tjera të ligjit, ngritjen e grupeve të përbashkëta hetimore, për hetimin e krimit në tërësi, dhe në veçanti krimit kundër jetës, pronës, korrupsionit dhe krimit të organizuar, thuhet në njoftimin e Prokurorisë.

“Kryeprokurorja ka kërkuar vëmendje të shtuar për dosjet e pezulluara pa autor, kryesisht të vrasjeve, tërheqjen dhe analizën e detajuar të tyre, me qëllim kryerjen e veprimeve të gjithanshme, me shpejtësi dhe efikasitet në drejtim të zbulimit të autorëve.

Gjithashtu, gjatë mbledhjes, nga Prokurorja e Përgjithshme u është kërkuar drejtuesve të prokurorive, të paraqesin brenda muajit shtator, listën e përditësuar të personave në kërkim dhe në bashkëpunim me Policinë e Shtetit marrjen e të gjitha masave për evidentimin dhe kapjen e tyre”, sqaron Prokuroria në njoftimin e saj.

Po ashtu, Kryeprokurorja u ka kujtuar drejtuesve të prokurorive detyrimin ligjor për raportimin dymujor të gjendjes së kriminalitetit në rrethet përkatëse.

l.h/ dita