Arvizu: Porositë e Uashingtonit për Metën, Berishën dhe Ramën

November 23, 2017 23:08

Arvizu: Porositë e Uashingtonit për Metën, Berishën dhe Ramën

Kjo është intervista e parë e Alexandër Arvizu pas largimit nga Departamenti i Shtetit. Në të shfaqen hendeqet e një interviste via email (te mungesa e pyetjeve pasuese), por gjithsesi është një bisedë, që është munduar të kapet te damarët e çështjeve që shqetësojnë, sot, dje apo nesër Shqipërinë politike, të paktën.

Intervistoi: Alfred Lela

-Z. Ambasador, ta fillojmë nga fundi: edhe pse Anne, bashkëshortja juaj, lajmëroi largimin tuaj nga Departamenti i Shtetit, disa gjëra mbetën të paqarta: U larguat, dolët në pension, apo u ngopët?

Sistemi i Burimeve Njerëzore (HR) në Shërbimin e Jashtëm amerikan është shumë i ndërlikuar, është ndryshe nga pjesët e tjera të qeverisë amerikane. Unë kam qenë në pozicionin tim të mëparshëm si DAS (Deputy Assistant Secretary) për më shumë se dy vjet dhe ishte koha që të ndërroja pozicion. Dosja ime po shqyrtohej për tre pozicione të ndryshme, një në Washington, dhe dy të tjera jashtë Amerikës. Por nuk u mor asnjë vendim. Kështu që m’u desh të largohesha. Nuk është mirë kur vendimet merren duke mos u marrë vendime. Por, nuk ka gjë.

-A mbështesni atë që Anne tha në një status në Facebook, ku ajo ishte shumë e ashpër rreth mënyrës se si po shkojnë gjërat në Departamentin e Shtetit që pas mbërritjes së z. Tillerson?

Çdokush që është i mirëinformuar do të të thotë se diplomacia amerikane po degradon nën këtë administratë. Dhe ky degradim është veçanërisht i dukshëm në Departamentin e Shtetit. Shumë diplomatëve senjorë (të karrierës) iu kërkua të largoheshin apo ikën vetë, sepse nuk mbante më. Këta janë diplomatë amerikanë me përvojë dhe shumë të trajnuar, që kanë shërbyer si në administratën Demokrate ashtu dhe Republikane përgjatë viteve. Nuk është një pamje e bukur.

– Kur ju kontaktuam në shtator, ju thatë se ‘nuk u ishte kërkuar të qëndronit”. Kështu që u larguat. Në të njëjtën kohë pati zëra se po merreshit në konsideratë si zgjedhje e mundshme për vendin e ambasadorit amerikan në Kosovë. A është kështu?

Do të kishte qenë një nder të përfaqësoja Shtetet e Bashkuara në Kosovë.

-Cili është statusi juaj aktual: A jeni një diplomat në pension, që po shihni mundësinë që përvojën e gjerë në diplomaci ta përdorni në sektorin privat, siç kanë bërë shumë diplomatë para jush dhe vazhdojnë të bëjnë?

Nuk jam i sigurt se çfarë do të bëj në të ardhmen. Kam nevojë për disa muaj pushim dhe për t’u menduar. Jam 59 vjeç, kështu që kam edhe disa vite të tjera të mira (qesh). Fatmirësisht situata jonë financiare është e mirë dhe jam mirënjohës për këtë.

-I ndiqni rregullisht zhvillimet në Shqipëri?

Po, mundohem të informohem me sa më lejon koha, kryesisht duke hapur portale të ndryshme online herë pas here, megjithëse siç ti e di, unë nuk lexoj apo flas shqip, gjë që mbetet një problem. Jam në kontakt me miq atje dhe ata më ‘ndihmojnë’ të kuptoj se çfarë po ndodh (qesh).

-Cilët janë disa prej njerëzve me të cilët mbani kontakte në Tiranë?

(Qesh) Ndoshta nuk do t’ju bëja ndonjë shërbim atyre po t’ua përmendja emrat publikisht. Janë rreth 30-40 njerëz me të cilët mund të them se mbaj kontakte të rregullta ose deri diku të tilla. Përfaqësojnë profesione të ndryshme dhe pikëpamje të ndryshme politike, gjithashtu. Jam përpjekur të bëj të njëjtën gjë kur kam qenë në Tiranë.

-A ka diçka për të cilën ju merr malli posaçërisht nga Shqipëria?

Pothuajse gjithçka, me thënë të drejtën. Të jesh ambasador i Amerikës në Shqipëri duhet të jetë një prej punëve më të mira në botë. Më pëlqente të ngrihesha në mëngjes dhe të mendoja për ditën që kisha përpara. Çdo ditë ishte një lloj aventure e re, sepse ka kaq shumë sfida përballë shqiptarëve, dhe ata të bëjnë të ndihesh i vlerësuar, sepse kaq shumë shqiptarë duan të besojnë në një të nesërme më të mirë. Dhe Shtetet e Bashkuara mund të jenë një pjesë e kësaj.

-Cila është gjëja që të mungon më pak nga Shqipëria?

Ndoshta cinizmi dhe hipokrizia. Sigurisht të politikës, por jo vetëm në politikë. Ngado.

-Mendoj se mund të flisni më lirshëm tani që nuk jeni më i kufizuar nga kushtëzimet e Shërbimit të Jashtëm. A do të thotë kjo se mund të jeni më kritik ndaj qeverisë Rama?

A po thoni se nuk kam qenë kritik gjatë kohës që isha në detyrën time zyrtare? Jam i sigurt se z. Rama nuk do të ishte dakord.

-Z. Rama arriti të merrte një mandat të dytë, por zotat nuk e donin të lumtur. Shpërthimi i skandalit ku përfshihet ish-ministrit i tij i Brendshëm, z. Tahiri, e tronditi qeverinë e tij, e cila tani po përpiqet të mbledhë copat. Qeverisja e vendit është kthyer në ‘menaxhim të krizës’. Çfarë mendonit për z. Tahiri gjatë kohës që ishit Ambasador?

Menaxhim krize? Nuk jam i sigurt se bie dakord me këtë vlerësim. Sa i takon z. Tahiri Ambasada amerikane kishte një raport shumë të afërt dhe bashkëpunues me të kur ai ishte ministër i Brendshëm. Dhe jo vetëm me të, por me zyrtarë të tjerë të lartë të asaj ministrie, përfshirë Elona Gjebrenë dhe Genc Gjonçajn. Dhe, sigurisht, të gjithë strukturën e Policisë së Shtetit. Bashkëpunimi ishte i shkallës së parë.

Çfarë mendoni për të tani?

I kam lexuar disa prej akuzave kundër tij dhe ato janë serioze. Dhe nuk e di se çfarë është e vërtetë dhe çfarë jo. Nëse ka bërë diçka të gabuar dhe kjo mund të provohet në gjykatë, atëherë ai patjetër që duhet të përballet me pasojat. Por, siç e thashë, nuk e di nëse ai është fajtor.

-Partia Socialiste në pushtet refuzoi t’i hiqte imunitetin parlamentar z. Tahiri. Pati nga ata që e panë këtë si një fillim shumë të keq të procesit të vetingut, pasi jepet ideja sikur ‘makina e vetingut’ do të kapë vetëm politikanë të anës tjetër, apo gjykatës dhe prokurorë që nuk janë në ‘zonën e miqësisë’…

Deputetët gëzojnë imunitet sipas Kushtetutës dhe ligjeve të Shqipërisë, për arsye të ndryshme. Por imuniteti nuk duhet të jetë mburojë nga hetimet, nëse ka prova të besueshme për aktivitet kriminal.

-Në një tjetër lëvizje të çuditshme, z. Rama zgjodhi si kryetar të Parlamentit z. Gramoz Ruçi (në fakt, ai pëlqen t’i drejtohesh me shoku Gramoz). Si ju duket kjo zgjedhje?

Pse është e çuditshme? E kam takuar Ruçin disa herë kur isha Ambasador. Bisedat tona ishin gjithnjë produktive dhe të sjellshme. Socialistët kanë shumicën, kështu që është e natyrshme që një ligjvënës veteran i socialistëve të bëhej kryetar Kuvendi.

-Ambasadori Lu refuzoi të merrte pjesë në seancën e parë plenare të Kuvendit të ri, hera e parë për ceremoni të tilla. Disa e panë këtë si mënyrën e tij për të shprehur mosdakordësi me zgjedhjen e Ramës për kreun e Kuvendit. A është e drejtë të thuhet se ambasadorët amerikanë nuk veprojnë si persona privatë, por si përfaqësues të Uashingtonit, duke e bërë rrjedhimisht pozicionin  zyrtar të Shteteve të Bashkuara të shkojë përkundër zgjedhjeve të tilla: komunistë të linjës së ashpër të përfaqësuar në pozicione të tilla pushteti?

Ambasadorët amerikanë në Shqipëri kanë shumë fleksibilitet për të bartur detyrat e tyre, por gjithnjë si përfaqësues zyrtarë dhe jo si persona privatë. Kam dëgjuar se Ambasadori Lu nuk ishte i pranishëm në seancën e parë plenare. Jam i sigurt se ka pasur arsyet e veta; ndoshta ka pasur një angazhim tjetër. Duhet të pyesni atë.

-Ndërkohë z. Meta është bërë President. A jeni në pozita miqësore me të? A ishte ai zgjedhja e duhur për këtë post? A bëri ai një zgjedhje të mirë duke e pranuar këtë post?

Kam shumë respekt për z.Meta. Po, ne jemi në kontakt, megjithëse ai është gjithnjë një person i zënë me punë si Kryetar Shteti dhe unë e kam parasysh këtë. Për shkak të staturës së tij politike, z. Meta nuk është peng i asnjërës prej partive politike kryesore dhe kjo është një gjë e mirë. Po, mendoj se ai është një zgjedhje e mirë si President. A ishte një zgjedhje e mirë për të? Duhet të pyesni atë. Më lejoni të shtoj diçka për z. Meta. Si çdo lider tjetër politik në Shqipëri, ai ka të mirat dhe të metat e tij. Por ka pasur një prirje për ta ‘demonizuar’ z. Meta dhe LSI dhe për t’i fajësuar ata shpërpjestimisht për problemet e politikës shqiptare. Kjo është gjithashtu e vërtetë edhe për të ashtuquajturin faktor ndërkombëtar, përfshirë edhe Uashingtonin zyrtar. Ishte frustruese të dëgjoje nga Departamenti i Shtetit gjëra të tilla si: “pse të merremi me Metën dhe LSI? Sigurohuni që Berisha (më vonë Basha) dhe Rama të pajtohen për këtë apo atë gjë”. Dhe unë u thosha: “Nuk e kuptoni, apo jo? Berisha dhe Rama (apo Basha dhe Rama) NUK do të bien dakord dhe ky është problemi!”. LSI është pjesë e dinamikës. Është realiteti politik i Shqipërisë sot. Çdo zgjidhje që nuk e përfshin konstruktivisht LSI nuk është serioze.

-Në pranverë, kur ju vizituat Shqipërinë, u bëtë pjesë e negociatave të cilat u pasuan nga një vizitë finale e z. Hoyt Yee dhe një marrëveshje ndërmjet z. Basha dhe z. Rama, e quajtur ‘Paketa McAllister Plus’. Në retrospektivë, çfarë mendoni për atë marrëveshje?

Përshkrimi që i bëni rolit tim është bujar; Ambasadori Lu ishte i sjellshëm që më la të merrja pjesë në ato takime. “Pakti” apo çfarëdo tjetër që ju doni ta quani, shtroi rrugën për zhvillimin e zgjedhjeve. Zgjedhjet nuk ishin perfekte, por ato ishin të pranueshme. Kështu që ‘pakti’ ishte një gjë e mirë.

-A është e vërtetë se marrëveshja ishte e llojit ‘merre ose lëre’ dhe nëse z. Basha nuk do ta pranonte, Uashingtoni do t’i njihte zgjedhjet e përgjithshme edhe pa pjesëmarrjen e opozitës?

A kishte ndonjë zgjedhje Basha? Nëse PD nuk do të merrte pjesë në zgjedhje, ato do të zhvilloheshin gjithsesi dhe hamendësimi im është se rezultati, me shumë mundësi, do të ishte njohur nga pothuaj të gjithë në komunitetin ndërkombëtar.

-Pjesë e marrëveshjes Rama-Basha ishte gjithashtu një Task force speciale, e cila pas zgjedhjeve hartoi një raport të gjatë ku thuhej se zgjedhjet e 25 qershorit u njollosën nga shumë shkelje. Z. Rama e refuzoi raportin si të njëanshëm duke zgjedhur në thelb prishjen e marrëveshjes politike të majit. Çfarë mendoni për qeverinë me disa parti, e cila përfshinte disa ministra të opozitës, dhe a e keni lexuar apo keni dëgjuar për raportin në fjalë?

Kam dëgjuar për raportin, por nuk e kam lexuar dhe kështu që nuk mund të komentoj.

-Partia Demokratike i humbi zgjedhjet dhe disa vëzhgues apo palë të prekura, ia hodhën fajin listës së z. Basha dhe zgjedhjes së tij për të përjashtuar nga listat ‘gardën e vjetër’ dhe zgjedhjen në vend të tyre të emrave të rinj….

Partia Demokratike ishte në një pozicion të vështirë për disa arsye dhe një humbje në vitin 2017 ishte e pashmangshme. Strategjia elektorale ishte një problem madhor, por disa prej vendimeve të diskutueshme të PD për listën e kandidatëve e bënë edhe më keq situatën. Për shembull, moskandidimi i Jozefina Topallit ishte i panevojshëm dhe fyeu shumë besnikë të PD në Shkodër, ku ajo është një figurë simbolike. Në një rrafsh më të gjerë, është e rëndësishme që përpjekjet reformuese ta çojnë PD në erën post-Berisha, në mënyrë që të bëhet kompetitive sërish. Është e rëndësishme për qindra mijëra votues shqiptarë që e konsiderojnë veten ‘konservatorë’, të kenë një zë të besueshëm që i përfaqëson interesat e tyre, të tillë që të mund të sfidojë të majtën në zgjedhje. PD-së i duhet punë.

-Z. Basha e pa një prej arsyeve të humbjes te kriminalizimi i procesit elektoral dhe parave të drogës të përdorura për të tjetërsuar apo blerë vota. Kishte nga ata që nuk pajtoheshin me këtë, deri kur u bë publik një hetim i policisë dhe prokurorisë italiane. Trafikantë droge u përgjuan duke thënë se Saimiri (mendohet se bëhet fjalë për ish-ministrin) ka bërë 5 milionë euro, por atij i duhen nja 20 milion për t’i përdorur në zgjedhje. Ata që ishin skeptikë ndaj argumenteve të z. Basha tani po e pranojnë idenë se para të shumta, të ardhura nga droga u përdorën në fakt në zgjedhje.

Problemi i drogës dhe krimit të organizuar është absolutisht serioz dhe qeveria duhet të bëjë punë më të mirë. A janë përdorur para nga aktivitete të jashtëligjshme në zgjedhje? Jam i sigurt se po. Por nuk është kjo arsyeja e tkurrjes së PD.

-Vendimi i Top Channel për ‘të ulur në stol’ drejtorin e lajmeve, Sokol Balla, dhe për të marrë hapur një qëndrim kritik ndaj qeverisë së Ramës, u bë lajm i madh javën e shkuar. A është ky rasti i Top Channelit në ditën e vet më të mirë (media në opozitë me pushtetin); a është luftë mes mediash për territore; apo është një lëvizje e Ramës për të bërë aleatë të rinj dhe për të harruar të vjetrit?

Kam lexuar për disa nga shumë ndryshimet në TCh qëkur iku Kel Joti, disa kohë më parë, por nuk e di historinë e plotë. Për shembull, ata nuk ishin në anën e lajmeve por të argëtimit. Por u trishtova kur dëgjova se artistë të talentuar si, Adi Krasta dhe Eneida Tarifa, kishin ikur nga TCh. Ndoshta kanë ikur për arsye profesionale, nuk e di. Sa i takon Departamentit të lajmeve, përveç Sokol Ballës disa gazetarë profesionistë impresivë kanë shërbyer më parë si drejtorë lajmesh atje, përfshirë Kel Demin dhe Bledar Zaganjorin. Nuk e njoh drejtorin e ri të lajmeve. Shpresoj që Balla të vazhdojë të drejtojë Top Story-n. Më pëlqenin, si Top Story, ashtu dhe Opinioni.

– Ambasadori Lu ka bërë zhurmë duke thënë se, në janar, për herë të parë do të bien në rrjetë ca peshq të mëdhenj. Shumë janë skeptikë, sepse në të shkuarën shumë peshq të  mëdhenj u kanë kaluar anash rrjetave dhe disa pyetën ‘pse në janar, dhe jo tani? Gjë e cila na sjell disi te thirrja juaj e famshme Act Now!

Faleminderit që e rikujtoni ACT Now!  Jam krenar për atë që u përpoqëm të bënim. Sa i takon përmasës së peshqve që do të kapen, shpresoj se do të bëhet progres serioz me reformën në drejtësi, përfshirë vetingun.

-Gjatë shërbimit tuaj në Tiranë, jam i sigurt se keni pasur momente të mira dhe të këqija me krerët e lartë të politikës shqiptare. A ju kujtohet ndonjë?

Kishte plot nga të dyja. Një gjë që shumë shqiptarë nuk e kuptojnë, janë ecejaket ndërmjet Ambasadës dhe Departamentit të Shtetit në Uashington. Shumicën e herëve komunikimi dhe koordinimi është i mirë, por jo gjithmonë. Gjatë katër viteve të mia në Tiranë, ndjeva se vetëm një zyrtar i lartë në DSh kishte një pamje të qartë dhe objektive të situatës në Shqipëri dhe ky ishte Tom Countryman. Ai nuk ishte gjithmonë dakord me mua, por unë gjithnjë kisha shumë respekt për të.

-Në disa qarqe shqiptare ju konsideroheni ‘sorosian’. A jeni i tillë? Pse flitet kaq shumë për ndikimin e Sorosit?

(Qesh) e keni seriozisht? Unë, sorosian? Kushdo e mendon apo e thotë këtë është një idiot dhe shpresoj se do ta botosh këtë. Siç e di çdo shqiptar, Instituti Republikan Amerikan, Instituti Demokrat Amerikan, bashkë me Shoqërinë e hapur të Sorosit janë tri prej organizatave më prominente amerikane, që janë angazhuar në ndërtimin e institucioneve demokratike, bazuar në modele perëndimore që nga rënia e komunizmit. Nëse shohim mbrapa përgjatë 25 viteve të shkuara, nëse do më pyesje nëse Sorosi dhe ShH ishin ndoshta shumë të përfshirë, apo se kishin shumë kontrata për OJF-të, ndërtimin e kapaciteteve…etj, përgjigja ime do ishte: ndoshta. Ndoshta. Të gjitha këto kontrata janë kompletuar dhe jam i sigurt se përgjatë viteve të gjithë ata që janë përfshirë në procesin përzgjedhës, qoftë Ambasada amerikane, USAID, Departamenti i Shtetit etj., janë përpjekur të ishin sa më objektivë të mundeshin.

Por Soros, IRA apo IDA  janë organizata të mëdha dhe kanë shumë burime, kështu që po, është krejtësisht e mundur, që ata të kenë gëzuar ndonjë avantazh herë pas here. Por, të fajësosh Sorosin për këtë apo atë gjë, nuk ka kuptim. Ky është rasti klasik i fenomenit të gogolit. Në Shqipëri, ashtu si në Amerikë, ka teoricienë konspirativë që shpikin gogolin për të tërhequr vëmendjen.

-Nëse do të evidentoje një problem të vetëm shqiptar, cili do të ishte ai? Është politik, shoqëror, kulturor apo çfarë?

Shqetësohem për Shqipërinë. Shqetësohem sepse them, ja ku jemi, më shumë se 25 vjet pas rënies së komunizmit dhe njerëzit po humbin shpresën. Shoh që cinizmi po rritet gjithandej. E shoh të pasqyruar në qëndrimet e njerëzve, në kulturën popullore. Ndonjëherë, Tirana i ngjan Panairit të Kotësive të njeriut të varfër dhe është në fakt shumë e sikletshme.

Shih skenën artistike, për shembull. Shqipëria ka kaq shumë artistë të talentuar, por problemi i ‘anti-vlerave’ është i keq dhe po sheh rritje. Ka vulgaritet në shumicë, sipërfaqshmëri dhe artificialitet kudo. Dhe disa prej liderëve influentë të industrisë së argëtimit duhet të kenë turp nga vetja, sepse ata e inkurajojnë këtë ‘mani’, këtë garë të turpshme ku ‘pëlqimet’ në Facebook apo YouTube blihen si karamele të lira. Për çfarë? Ndërkohë shumë talente premtuese dhe artistë të vërtetë shqiptarë vuajnë dhe janë nën trysni të përhershme për të bërë kompromise në mënyrë që të mbijetojnë. Nuk është e drejtë. Kjo është në njëfarë mënyre një përgjigje e gjatë për pyetjen tuaj, por ajo që po përpiqem të them është se prirjet (trendet) negative në kulturën popullore janë në fakt emblematike për sëmundje më të gjera që ne shohim aktualisht në Shqipëri.

Të gjithë flasin për ‘krenarinë’ shqiptare, por ajo që duhet është më shumë dinjitet shqiptar, bazuar në kulturën e mrekullueshme, traditat dhe vlerat që e bëjnë Shqipërinë speciale. Mentaliteti komunist është kudo në shoqëri dhe jo vetëm në atë që njerëzit e konsiderojnë si ‘të majtë’ tradicionale, është kaq veprues edhe në të djathtën. Po, korrupsioni duhet luftuar. Ndëshkueshmëria. Kriminaliteti. Të gjitha. Por, pas gjithë këtyre viteve ngjan si bla bla bla. Ajo që duhet bërë është kjo: kolektivisht, duhet të gjeni kurajën dhe frymëzimin për të kapërcyer mentalitetin komunist, sepse ai është çka po e pengon Shqipërinë për të përmbushur potencialin e saj të plotë.

-Një pyetje të fundit, më e lehta dhe më e vështira në të njëjtën kohë: Kush ka qenë ambasadori më i mirë amerikan në Tiranë që nga rënia e komunizmit?

(Qesh) Kjo, në fakt, është shumë e lehtë. Bill Ryerson, pa dyshim. Ndjekur nga Mariza Lino dhe John Withers. Nxitoj të them se mendoj se Donald Lu po bën një punë të shkëlqyer. Dhe e di se po flas në emër të gjithë atyre që kanë shërbyer në atë pozicion, kur them se ka qenë mundësia e një jete me kujtime që ne do t’i gëzojmë gjithnjë./Politiko.al

 

November 23, 2017 23:08
Komento

14 Komente

  1. Lili November 23, 23:35

    Vulgaritet eshte kjo interviste kot, paasnje vlere e asnje reflektim…nga nje ish ambasador aq shume i demshme per ne

    Reply to this comment
  2. ALEKSI I 21 JANARIT... November 24, 00:02

    Na hape barkun o Alfred Lela me kete servilizem klasik ashtu si dikur Zaloshnja me Edwin Rajersonin.
    .
    Ma merr mendja se kur te hapen letrat e 21 janarit pas 30 vjetesh besoj se fajtori kryesor do jete Arvizu me veprimet dhe mos veprimet e tij si njeri me i fuqishem ne Shqiperi.
    .
    Fakti qe Berishorri eshte i pandeshkuar akoma eshte turp per Ameriken qe te Rajesoni qe e pruri nga Beogradi ashtu dhe per Lune & Arvizune qe mbrojne hapur fare nje kriminel & son

    Ilir Yzeri ka bere te vetmin artikull pas 1991 qe i nxjerr masken arvizuse jo vetem si antishqiptar por dhe anti amerikan….

    Ambasadori i vockel i nje vendi te madh ILIR YZEIRI

    Ambasadori Arvizu ishte i ftuar ne nje emision televiziv dhe paraqiti edhe njehere performancen e tij si nje ambasador i vogel jo per nga shtati por per nga statura i nje vendi te madh.
    .
    Zhgenjimi kur e degjon dhe e sheh kete ambasador nuk eshte vetem menyra se si ai flet por eshte menyra se si na trajton ne shqiptareve. Zoti ambasador ka zgjedhur te heshte dhe te mos fajesoje qeverine shqiptare pse ajo sillet si nje qeveri autokratike qe eshte e pleksur me krimin e organizuar qe ka mbytur tregun dhe qe e kontrollon ate me klientet e vet qe ka mbytur median dhe qe e ka kthyer Televizionin Publik Shqiptar ne nje qender zeri te shemtuar te reparteve ushtarake te kohes se komunizmit.
    .
    Por ajo qe eshte me flagrantja ky ambasador ka zgjedhur te mbroje dhe te justifikoje nje kryeminister qe ka ne biografine e tij njehere mbi 3000 te vrare ne krizen e vitit 1997 dhe 30 te vrare te tjere ne ngjarjet e Gerdecit dhe 21 janarit.
    .
    Ambasadori i vogel i vendit te madh permendi me cinizem se edhe ne Amerike Garda ka vrare ne vitet 70. Po eshte e vertete dhe shqiptaret e dine se ne Amerike eshte vrare edhe presidenti Kenedi edhe Martin Luter Kingu por askush ne Amerike nuk ka qene ne krah te vrasesve dhe askush ne Amerike nuk ka menduar qofte edhe nje dite te vetme qe te perkrahe vrasesit dhe te denoje viktimat sic beni ju zoti Ambasador. Nga ana tjeter nuk eshte e gjetur perpjekja qe beni ju per tu treguar se jeni nje njeri i dashur me popullin. Ketyre ne shqip ne u themi kinezerira.
    .
    Ju e njihni mire psikologjine e kinezeve te Maos dhe heroin Lej Fen. Ju mund te lexoni edhe romanin Koncert ne fund te dimrit te shkrimtarit tone te madh Kadare. Atje vizatohet bukur ajo qe ne i themi kinezeri. Ne fakt historia qe treguat mbreme me ate qe ju bete kur shkuat te darkoni me zotin Kantrimen te Tajvani pra historia qe treguat ju me ate gruan me femijen qe ju e takuat dhe perkedhelet edhe femijen te me ndjeni po nuk ishte e gjetur. Ky lloj populizmi ne Shqiperi nuk ngjit perkundrazi ben efekt te kundert.

    Ne shqiptaret e kuptojme shume mire veshtiresine qe ka sot diplomacia amerikane per te ndikuar ne bote. Pas deshtimit ne Irak e Afganistan pas krizes se tmerrshme ekonomike Amerika nuk e ka me ate fuqi qe kishte dikur.
    .
    Natyrisht ne e dime shume mire se Amerika nuk mund te vihej ne krye te revolucioneve arabe se ajo u tregua e matur qofte me Mubarakun qofte me Ben Aline se per te nderhyre ne Libi u desh qe iniciativen ta marre Franca.
    .
    Pra te gjitha keto ne i mirekuptojme dhe jemi te vetedijshem se Amerika nuk mund te na shpetoje nga autokracizmi dhe nga mafia qe na qeveris. Ne e kuptojme shume mire se per ju eshte i shenjte stabilizimi se demokracia do kohe te mesohet ndaj edhe ju me cinizem na kujtoni shembujt me vrasje te viteve 70 qe kane ndodhur ne Amerike.
    Te gjitha keto ne i mirekuptojme ashti sic edhe ju duhet ta dini se ndjenjat tona proamerikane nuk kane te bejne me asnje ambasador te perkohshem qe vjen ne Tirane.
    .
    Vetem se ju duhet ta dini i dashur ambasador se me sjelljet tuaja dhe me mbeshtetjen qe i beni qeverise ne emer te stabilitetit po i demtoni ndjenjat proamerikane te shqiptareve. Ne ate interviste ju do te duhet te pergjigjeshit edhe per nje leter te hapur qe ju ka derguar nje shqiptaro-amerikan i njohur me emrin Geri Kokalari por ju zgjodhet te flisni me nje gjuhe konspirative duke thene shpesh e me shpesh se me kane ardhur disa njerez e me kane thene keshtu me kane ardhur ca te tjere e me kane thene ashtu.
    Cilet jane keta njerez qe vijne e ju raportojne zoti Ambasador Uroj te mos jene te pakenaqurit nga opozita.
    Do te ishte mire qe ju te mos i dekonspironit keta dashnore te stabilitetit. Nuk kam ndermend te analizoj me detaje intervisten dhe sjelljet tuaja zoti Ambasador. Ajo qe me shqeteson eshte perceptimi dhe imazhi qe ju po krijoni me shpejtesi ne kete vend. Dhe nje pyetje te fundit a e kini pare portretin e Anes vajzes se Ziverit qe u vra me 21 janar
    Ne nje shkrim timin ate e kam quajtur Perendesha e dhimbjes sone. Ajo dhimbje qe ndjeva atehere per ate vajze me buze te mbledhura dhe me dy pika lot ne sy nuk me eshte fshitur ende.
    .
    Por kur te pashe e te degjova ne ate emision televiziv mu shtua indiferenca ndaj jush dhe ndjeva dhimbje pse Amerika e madhe zgjodhi nje ambasador te vogel ne vendin tim gjithashtu te vogel.

    ….
    Nuk e di pse kjo fytyre me kujton jetimet e 21 janarit dhe thenien e tij makabre Burre Shteti per nje kriminel qe dhe koloneli gjerman ne 4 shkurt 1944 nuk do guxonte ta thoshte nje gje te tille per Xhaferr Deven

    Reply to this comment
  3. teni November 24, 07:03

    Si intervistuesi edhe i intervistuari jane ne nje nivel ku i dyti ka perparesine qe ne vazhdojme ti konsiderojme si ufo keto monstra qe e shkerdhyen keqazi kete vend!

    Reply to this comment
  4. Po,Po November 24, 08:53

    Te vleresosh kaq teper dhe pozitivisht ambasadorin me te keq , qe ka pare ndonje here Shqiperia , sikurse ishte emerkeqi Rajerson , eshte vetediskreditim . Vetem kaq , do te mjaftonte , per te njohur si duhet Arvizun dhe rolin qe ka luajtur , kur ishte ambasador nme Tirane . Fakti , qe edhe pas largimit nga posti i ambasadorit , ky vazhdon te ndikoje ne politiken shqiptare , flet shume !

    Reply to this comment
  5. Amerikani November 24, 09:04

    Megjithe pyetjet e njeanshme e tendeces se tjetersimit te te verteres nga ana e gazetarit, z.ishambasador u pergjigj ne menyre korekte besoj.

    Reply to this comment
    • bureto November 24, 11:08

      Jo vetem ishte korrekt ne pergjigjet, por z. Arvizu, ia la ‘ngrehur’ Leles pyetjeve te tij ‘kurth’. Nga leximi me vemendje i pergjigjeve te Z.Arvizu, shihet qarte se ai vetem se u tregua i sjellshem (diplomatikisht) me Lelen, por ne asnje rast nuk u dakordesua me natyren dhe permbajtjen e pyetjeve te tij.

      Reply to this comment
  6. intelektuali November 24, 09:54

    SOROSIANI AVRIZU E QUAN LIKE FLORIRIN “BURRE SHTETI” NJESOJ SI SALI BERISHEN PERPARA SE TE VRISTE PROTESTUESIT NE BULEVARD.

    Po cfare mund te presesh nga nje ambasador si ky Avrizuja qe i ka sherbyer me te gjitha forcat Klanit Mafioz Clinton?

    Reply to this comment
  7. faro November 24, 10:04

    Arvizun nuk e do me Amerika, keta tonet harxhohen per t’i marre ndonje fjale ( me fal lloqe), ne favor te interesave personale.
    Sa poshte u ka rene katundi!

    Reply to this comment
  8. Viroi November 24, 10:28

    Ne presim qe nje ish ambasador te flas sic mendojme ne, qe ai te shaje nje pale e te mburr nje tjeter. Ai eshte asnjanes dhe shume me I kulturuat se ne dhe se ai qe e pyet. Ne na pelqen sherri, vetmburrjet dhe thashethemett por ata mendojne dhe punojne ndryshe. Ai e thekson fort kete fakt kur flet per kulturen dhe mentalitetin komunist qe na dominon te gjitheve, si pjelle e tij. Kjo diference ben qe kultura jone te mos kuptoje, bile ta keqkuptoje kulturen e tij.

    Reply to this comment
    • MONIKA , NEPERKA PIKA - PIKA November 24, 11:34

      Po “kulturen” rrenuese deri ne kuoten zero te Rajersonit e kuptojne edhe femijet , more zoti Viron , ti pse e paske kaq te veshtire ?! Apo te deklarosh publikisht burre shteti , nje kriminel qe vrau popullin e tij , fill pas 2-3 ditesh , kur ende nuk ishte thare nga asfalti gjaku i mjeraneve krejt te pa fajshem , te duket kaq e veshtire per te kuptuar ?!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

      Reply to this comment
  9. LORA November 24, 11:11

    Mirenjohje DASH-it qe i ka bere nje sikterisje ekzemplare arixhiut arvizu.

    Reply to this comment
  10. arvizuizmi = lulbashizmi November 24, 13:33

    Ne fakt vetingu duhet filluar me ambasdoret euro-atllantike qe kane sunduar ne Shqiperi pas 1991.
    .
    ‘Drejtesia amerikane & shqiptare duhet te marrin te pandehur Arvizune (dhe kush jane pas tij)
    .
    1-Per dhenie vize nje te denuari nga gjykata
    .
    2-per moskallxim te thenies terroriste te shkelzen berishes

    Ja dhe fakti skandaloz:

    ———————
    “Gërdeci”, Luan Hoxha fiton azil në SHBA
    .
    Ish-shefi i Shtabit të Përgjithshëm, i dënuar me 5 vjet burg nga Gjykata e Apelit në Tiranë si një nga përgjegjësit për tragjedinë e Gërdecit tashmë është azilant në Shtetet e Bashkuara të Amerikës. Hoxha sipas një kabllogrami të Ambasadës Amerikane raportoi përfshirjen në Gërdec të djalit të ish-kryeministrit Berisha. Lexoni kabllogramin e plotë.
    Ish-shefi i Shtabit të Përgjithshëm të Ushtrisë shqiptare, Luan Hoxha ka marrë statusin e azilantit në Shtetet e Bashkuara të Amerikës. Edhe pse ai është dënuar me 5 vjet burg si një nga përgjegjësit e tragjedisë së Gërdecit më 15 mars të vitit 2008, ku humbën jetën 26 persona dhe u plagosën rreth 300 të tjerë, Hoxha nuk do të mund të ekstradohet në Shqipëri. Ish-zyrtari i lartë i Forcave të Armatosura, ka lënë Shqipërinë në datën 1 janar 2012, së bashku me familjen është larguar drejt
    .
    Shtetet e Bashkuara të Amerikës. Dihet tashmë se Luan Hoxha ishte kercenuar me jete nga ‘Sypeshkaqeni” dhe I eshte thene shprehimisht..Do pësosh fatin e Kosta Trebickës
    .
    .***
    Nga sa me siper nuk ndodh as ne vendet e pushtuara dhe as ne kolonite e shekullit kaluar.
    Nqs shteti amerikan nuk dorzon koken e Berishes ne tepsi por tallet me Lute dhe Arvizute pse duhet te shajme akoma fashizmin apo komunizmin?
    .
    Jemi pushtuar ne shekuj nga armiqte jemi vrare por kurre nuk na ka poshtruar asnje armik keshtu si po poshtrojne miqte..
    .
    Ka ardhur koha “te rrasin brenda” jo vetem junten kriminale berishaine por dhe ndonje nga keto arvizute qe bashke me edi ramen I pshurren jetimet e 21 janarit qe as ne kohen e fashizmit nuk jane tallur te vraret

    Reply to this comment
  11. ETHEM November 24, 14:22

    INTERVISTUESI LELA NJE LEGEN I PD QE INTERVISTON NJE ARMIK TE DEMOKRACISE NE SHQIOERI.PSE ARMIK:
    1.KY E CILESOI SALIUN BURR-SHTETI DHE LULIN YLL NE NGJITJE PER VRASJET E 21 JANARIT.PRA KY I VARROSI PER SE DYTI 4 TE RENET ME DUAR NE XHEPA DHE SHFAJSOJ KRIMINELIN SB E LB.KJO NGJARJE E PAPRECEDENT NDODHI NE SYT E NJE POPULLI TE TERE DHE ULI IMAZHIN E SHBA DUKE E ÇUARE ATE NE NIVELIN E ENVER HOXHES.. SE SHBA ESHTE NJE IMPERIALIZME GJAKATAR QE KERKON GJAK.QE NE ATE KOHE KY BYTHEZIU DUHEJ LARGUAR NGA SHQIPERIA DHE NUK DUHET TE VIJ ME NE KETE VEND ME NJE POPULLSI 80% VITUES TE MAJT.
    2.KY E CILESON RAJERSONIN SI AMBASADOR TE MIRE.KJO ESHTE HIPOKRIZI E MADHE.POPULLI MAJT E DI MIRE SE AI NJERI +UDB+ELEZ BIBERAJ+LOBISTET NE SHBA..E PRUN SALIUN NE PUSHTET DHE RAJERSONI SHKONTE NE ÇDO METING TE PD E SALIUT.KY RAJRSONI I SERVIRI SB,A.HAJDARIT E GRAMOS PASHKOS ÇEKUN E BARDHE DHE U SERVIRI TEORINE E “..SHKATERRIMIT TE ÇDO GJEJE TE NDERTUAR NE KOMUNIZEM..”NGA KY MOSTER AMERIKANE A.HAJDARI E SB MOREN GUXIMIN TE SHKATERROJNE VENDIN E TA ÇOJNE NE NIVELIN E V.1938.
    3.ARVIZU INDINJOJ POPULLIN E MAJT SE PSE PER 1 MAJ VENDOSIN NE QAF FLAMURIN E KUQ NE VARREZAT E DESHMOREVE DHE PSE KOMUNISTET MBAJNE NE DORE POTRETIN E E.HOXHES DUKE U FUTUR THELLE NE PSIKOLOGJINE E POPULLIT DUKE I DIKTUAR ATIJ RRUGEN SIKUR NE SHBA NUK KA P.KOMUNISTE.
    4.ARVUZU DIHET SE NUK E DO PS DHE EDI RAMEN PASI E NJESON ME PK..PPSH SI FATJEQSI PER TE PASI SALIU PERFAQSON ANTARIN E PP 100 KARATESH.DHE POPULLI E DI MIRE KETE SE KUSH ESHTE SHBA ..RAERSONI..ARVIZUJA ..SB..E.BIBERAJ…LOBISTET NE SHBA..SERBI…GREQI..E KUDO QE E MBAJNE SB NE PUSHTET DHE E MBESHTESIN ATE AKOMA PER TA SHKATERRUAR KETE VEND.
    5.GAZETA D I T A BERI MIRE QE E PUBLIKOJ KETE INTERIST TE ARVUZUS,POR TE INTERVUSTUAR NGA A.LELA SI I DELEGUAR TE PD..SB E LB TREGON SE SA I LIDHUR ESHTE ARVUZU ME DREJTUESIT HAJDUT E KRIMINEL TE PD.
    6.AMB.LU DERI TANI PO PUNON MIRE DHE SFIDON ARVIZUN.POR EC-E-JAKET TE SALIU PER REF.NE DREJTESI NUK NA PELQYEN.SE TREGON QE SHBA NUK HEQ DORE NGA KY KRIMINEL E POPULLIT SHQIPETAR QE NE 97-98 VRAU MBI 5000 NJERZ PA PERMENDUR GERDECIN..21 JANARIN..SHITJEN E DETIT..RR E KOMBIT..VRASJEN E TREBICJES KU IMPLIKONTE EDHE DIVEROLIN E SHBA ME GERDECIN.ETJ.VRASJE QE DIHEN BOTERISHT.FLM

    Reply to this comment
  12. Aleksander Thana November 24, 20:13

    ky misionar i Sh.B.A qe nuk pefaqeson Ameriken e vertete (te pakten keshtu besoj), gjate gjithe qendrimit te tij ne Shqiperi, ka mbeshtetur kriminelet e ketij vendi qe vetem shkaterruan, grabiten e masakruan kombin.

    Reply to this comment
Shiko komentet

Komento

Your e-mail address will not be published.
Required fields are marked*