Asambleja e PS, Veliaj: Vëmendja te njerëzit, kemi përmirësuar shërbimet dhe rritur investimet

September 7, 2018 12:21

Asambleja e PS, Veliaj: Vëmendja te njerëzit, kemi përmirësuar shërbimet dhe rritur investimet

 

Vëmendja jonë është tek njerëzit, që nga dita e parë e jetës deri në ditën e fundit, me gjitha shërbimet që ofrojnë bashkitë tona”.

Kështu, u shpreh kreu i Bashkisë së Tiranës, Erion Veliaj në mbledhjen e Asamblesë Kombëtare të Partisë Socialiste, ku prezantoi disa nga arritjet dhe projektet e pushtetit vendor.

Teksa vlerësoi projektin e rilindjes urbane, Veliaj nënvizoi se parimi i PS për vëmendjen tek njerëzit, ishte një zgjedhje e shkëlqyer. “Nuk besoj se ka pasur një projekt tjetër më të rëndësishëm që i ka shenjuar qytetet se projekti i Rilindjes Urbane. Nëse ka diçka që do të ngelet pas 100 viteve, besoj se do të jenë dy gjëra: Partia Socialiste dhe qendrat e qyteteve. Sheshi “Skënderbej” do të jetë aty tërë jetën, Lungomarja e Vlorës po ashtu, Pazari i Korçës do të jetë aty tërë jetën. E falënderoj kryeministrin dhe qeverinë që vendosën të vendosnin qytetet si prioritet dhe tek vëmendja për njerëzit, fillimisht nga qytetet. Sot kur shikojmë sesi kjo po ndodh në Francë dhe se si Presidenti Macron po bën diçka të ngjashme, ne si ballkanas tipikë, ose atipikë, nuk jemi ksenofob, jemi ksenofil, i duam kur i bëjnë të huajt gjërat; por, vizion të tillë dhe punë të tilla kemi bërë edhe këtu në vendin tonë”, tha ai, teksa shtoi se falë këtyre investimeve nëpër qytete, jo vetëm është përmirësuar cilësia e jetës, por kanë gjeneruar edhe ekonominë e qyteteve.

Veliaj theksoi se sfidë është programi i dytë i qeverisë, projekti “100 fshatrat”, për t’u siguruar që vëmendja për njerëzit të përfshijë edhe ata që jetojnë në fshat.

“Një punë e madhe është bërë nga bashkitë, për t’i lidhur qendrat e fshatrave me qytetin, por jo dhe aq për të krijuar një hapësirë publike brenda fshatrave ku me agroturizmin dhe iniciativat e tjera e kemi potencialin ta bëjmë me projektin e “100 fshatrave”. A mos ka ardhur momenti që të vendosim disa kritere, ku në vend të mbushim dhe t’i kthejmë në parkingje njerëzish zyrat tona të bashkisë, ndoshta një pjesë të madhe të financimeve mund t’i çojmë në investime dhe më pak njerëz? Më shumë dixhitalizim, më shumë kompjuterizim, mund të na ofrojë shërbime që pastaj na lirojnë fonde për të bërë investime publike. Ajo që unë kam vënë re si kryetar bashkie dhe si kryetar i Shoqatës, është që njerëzit nuk kanë problem të paguajnë taksat, nëse ato i paguajnë të gjithë, dhe nëse dikush nuk përjashtohet. Dhe e dyta, nuk kanë problem të paguajnë taksat tona modeste nëse marrin shërbime mbrapsht”, tha Veliaj, ndërsa kërkoi që të gjitha bashkitë në bashkëpunim edhe me Ministrinë e Bujqësisë të rrisin sipërfaqet e mbjella duke futur edhe një mentalitet të ri.

Prioritet për bashkitë do të jetë edhe çështja e furnizimit me ujë të pijshëm, në mënyrë që të gjithë qytetet të përmirësojnë cilësinë e shërbimit ndaj qytetarëve.

“Një nga shembujt më inkurajues dhe besoj se do të sfida edhe e këtyre zgjedhjeve, por edhe e mandatit tjetër, do të jetë çështja e furnizimit me ujë. Në bashkitë që drejtohen nga PS, kemi rritje me 22 për qind të furnizimit me ujë të pijshëm. Disa janë kampionë, Librazhdi, Pogradeci, Korça, Puka, me 24 orë furnizim, të tjerët kanë bërë progres, por unë besoj se me një bashkëpunim me qeverinë dhe me investime inteligjente të gjithë mund të jemi në rangun e këtyre kampionëve kur vjen puna në furnizimin me ujë të pijshëm”, deklaroi Veliaj.

e.k/dita

September 7, 2018 12:21
Komento

3 Komente

  1. Dodona mbi Tomorr September 7, 15:54

    Taksen e baneses qe me vendim qeverie u shty per vitin e ardhshem , ti vazhdon te na e marresh akoma ; vetem se i ke ndryshuar emertimin nga takse”ndertese” ne “taksa te tjera”.Kjo mungese “transparence” nuk i sherben aq shume “vemendjes tek njerzit , sic thoni ju!”Vemendja tek njerzit “do te ishte e vertete kur ta lehtesoje barren e taksave per pensionistet te cilete i paguajne te gjitha detyrimt ndaj shtetit pa pasur asnji perjashtim!Edhe biznesit ja keni ulur TVSH e i kini bere lehtesira te tjera , pensionisteve, asnji leshim!

    Reply to this comment
  2. Arben September 7, 18:11

    Ndonje bombe tek dhoma, te shpetojme nga hajdutet njehere e mire.

    Reply to this comment
  3. Loko September 7, 22:08

    Asgje nuk ke ndryshuar.
    Ti nuk pyet per qytetaret se te eshte bere mendja tendera,koncesione,prerje shiritesh,intervista,servilizma pa fund per Ramen etj!
    Je reklamaxhi i madh dhe investon ku te intereson e jo ku ka me shume nevoje!
    Do jete fatkeqesi e madhe po te jedh ti prap kryebashkiak!
    Ti i ndan banoret ne kategori,si ne mesjete e me tej!
    Te eshte mendja pedonale,turizem,peme etj,por se kane qytetaret me miliona halle e se ju behen 1 milion padrejtesi nga te korruptuarit e tu,kete nuk do t’ia dish fare,o ditezi!
    Je komplet i pa afte dhe ty te duan Rama dhe militantet ps tru te PS-se!

    Reply to this comment
Shiko komentet

Komento

Your e-mail address will not be published.
Required fields are marked*