Atentati me tritol në makinë, kamerat filmojnë momentin e shpërthimit (VIDEO)

April 22, 2018 15:52

Atentati me tritol në makinë, kamerat filmojnë momentin e shpërthimit (VIDEO)

 

Ky është momenti kur Ervin Memo del i plagosur nga automjeti i tij, që u shkatërrua pas një shpërthimi me eksploziv. Ngjarja ndodhi në orët e vona të mbrëmjes të së shtunës në lagjen ’29 Nëntori’ në Fier.

Makina ishte e parkuar poshtë shtëpisë dhe Ervin Memo donte ta lëvizte.

Sapo 38-vjeçari u fut brenda, makina u hodh në erë. Këto janë pamjet në momentin e shpërthimit të siguruara nga Tv Klan. Janë pamje të një kamere sigurie të një lokali aty pranë.

Kallëpi i tritolit ishte vendosur poshtë mjetit, në anën e pasagjerit. Shpërthimi ishte i fuqishëm, por Memo mori vetëm disa plagë në gjymtyrë dhe ndodhet jashtë rrezikut për jetën. Policia thotë se bëhet fjalë për një shpërthim me telekomandë.

Autorët e atentatit me eksploziv e kanë ruajtur 38–vjeçarin dhe besohet se kanë qenë pranë vendit të ngjarjes.

Sasia e tritolit të përdorur nuk është përcaktuar ende. Ekspertët vazhduan edhe ditën e diel duke këqyrur vendin e ngjarjes. Në kamerat pranë nuk është parë ndonjë person duke iu afruar makinës dhe ka dyshime se tritoli mund të jetë vendosur në një tjetër vend.

Memo, një ish-emigrant, merrej me vreshtari.

Grupi hetimor po mbledh të dhëna mbi të shkuarën e tij, në përpjekje për të zbuluar ndonjë konflikt të vjetër. Po hetohet edhe mbi një konflikt për pronat, pasi familja Memo është në procese gjyqësore për disa prona, shkruan Tv Klan.

a.s/dita

April 22, 2018 15:52
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*