Banka në SHBA transferon gabimisht rreth 1 miliard dollarë, mund të marrë mbrapsht vetëm gjysmat

February 17, 2021 19:27

Banka në SHBA transferon gabimisht rreth 1 miliard dollarë, mund të marrë mbrapsht vetëm gjysmat

Një zyrtar i bankës amerikane Citibank ka miratuar disa muaj më parë transferimin e gabuar të rreth 1 miliardë dollarëve, por gjykata vendosi që institucioni mund të marrë mbrapsht vetëm gjysmën e tyre.

Një gjykatë vendore amerikane tha se institucioni nuk mund të pretendojë kthimin e të gjithë parave të dërguara gabimisht te kompania kozmetike Revlon dhe te disa kompani të një gruoi financiar.

Citibank është ndërmjetëse e huave për Revlon dhe po tentonte të dërgonte tek ajo $8 milionë, raporton CNN. Por në vend të kësaj shume u dërgua 100-fishi i saj. I njëjti nëpunës dërgoi edhe $175 milionë të tjerë për disa kompani të një grupi financiar. Në total paratë e dërguara arrinin në mbi $900 milionë.

Problemi u pikas një ditë më pas, por ishte tepër vonë për të rimarrë shumën mbrapsht. Në gusht Citibank ngriti padi për rikthimin e parave. Revlon refuzoi të kthejë shumën duke pretenduar se paratë janë dërguar qëllimisht dhe pozicioni i tyre mbrohet nga ligji bankar i New York-ut.

Ata thonë se paratë janë saktësisht aq sa banka Citibank duhet t’u jepte në total, për një hua, e cila ende nuk është maturuar.

Vendimi i gjykatës thotë: “Të besosh se Citibank, një nga institucionet më të sofistikuara financiare në botë, të bëjë një gabim që nuk është kryer kurrë më parë, në një shumë prej rreth $1 miliardë — është irracionale”.

Benjamin Finestone, përfaqësues i dy grupeve Brigade e HPS Investment Partners, gjithashtu përfituese të dërgesave tha: “Ne jemi shumë të lumtur me vendimin e gjykatësit [Jesse] Furman dhe argumentimin e tij të detajuar”.

Në gjykatë u diskutuan gjithashtu dhe disa biseda të brendshme të punonjësve ditën ku u bë gabimi.

Gjithsesi, kompanitë marrëse janë ndaluar të shpenzojnë paratë deri në mbylljen e procesit te apelit.

o.j/dita

February 17, 2021 19:27
Komento

3 Komente

  1. Tori February 18, 15:38

    Nuk ka asnje problem.Fatos Nano pagoi kesh 1 miljon £ nje firme per portin e Vlores qe nuk ekzistonte,po te njejten gje beri dhe Rama me nje firme qe nuk ekzistonte ne unazen e madhe.Eku eshte korrupsioni ketu ?!

    Reply to this comment
  2. Doni February 19, 01:33

    Po Saliu Likja a i di sa kane bere se kane pasur me shume se Edi, paten piramidat, paten pasurite kombetare, ushtrine hekurudhat, thesarin. Ej more lum miku Rama gjeti fundin e qypit.

    Reply to this comment
  3. mirel February 21, 19:01

    Tori more Tori ta ka fut Sala ,
    As Ilir floriri nuk ka vixhut më, pra mbaje brenda se te takon dhe asnje s’ta nxorri.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim