Basha në PPE: Drejtësia dhe zgjedhjet e lira, kusht për integrimin

May 5, 2016 13:12

Basha në PPE: Drejtësia dhe zgjedhjet e lira, kusht për integrimin

Kryetari i Partisë Demokratike, Lulzim Basha mori pjese në Samitin e Partisë Popullore Europiane për Ballkanin Perëndimor në Bruksel.

Në këtë takim, drejtues të PPE dhe grupit të saj parlamentar e vunë theksin tek garantimi i shtetit ligjor, luftës kundër korrupsionit, zbatimin e dekriminalizimit dhe zgjedhjet e lira dhe të ndershme, si kusht për avancimin e vendit drejt Bashkimit Europian.

Në fjalën e tij, zoti Basha vlerësoi si historike për demokracinë shqiptare 4 majin, ditë në të cilën nis zbatimi i ligjit të dekriminalizimit për pastrimin e politikës dhe administratës nga të inkriminuarit.

“Zbatimi i ligjit të dekriminalizimit është shumë i rëndësishëm për të sotmen dhe të ardhmen e një vendi që beson në vlerat demokratike e që i ndan këto vlera me vendet e BE dhe promovon njerëz me integritet dhe jo trafikantë, kriminelë e të korruptuar”, deklaroi Basha.

Zoti Basha u ndal edhe tek korrupsioni galopant i përhapur kudo në Shqipëri, duke theksuar se, “2.2 miliardë euro janë vjedhur në dy vjet, tendera janë dhënë vetëm për miqtë e kryeministrit, 90 milionë euro janë shpenzuar për luks qeveritar, ndërsa qytetarët shqiptarë shohin eksodin si të vetmen shpresë”.

 

“Ne jemi në familjen tonë politike dhe nga kjo familje kemi kërkuar gjithmonë mbështetje maksimale për qytetarët shqiptarë. Kam marrë dhe një mbështetje shumë të madhe për monitorimin e zbatimit të ligjit të dekriminalizimit që hyn sot në fuqi, për largimin e parlamentarëve dhe kryebashkiakëve me rekorde kriminale dhe çdo zyrtari publik me rekorde kriminale siç  e parashikon ligji. Për një reformë në drejtësi që nuk mbron por lufton krimin dhe korrupsionin. Por jo një reformë në letër për të cilën ka kaluar koha, ka dy vjet e gjysëm kjo qeveri që është angazhuar dhe nuk prodhon, madje nuk jep asnjë mundësi të prodhojë një dokument, sigurisht konsensual bazuar mbi parimet europiane, mbi normat e aprovuara nga Venecia. Më e rëndësishmja është implementimi i reformës në drejtësi. Sepse vetëm një reformë që implementohet, vetëm një BKH dhe një SPAK që krijohen do të jenë në gjendje të hetojnë ministrat e korruptuar, zyrtarët e korruptuar shqiptar, t’i çojnë para drejtësisë. Dhe natyrisht për reformën zgjedhore dhe për të cilën koha tashmë ka ardhur. Shqipëria nuk do të mund të hapë negociatat pa treguar se është në gjendje të ketë zgjedhje të lira dhe të ndershme e në veçanti me një qeveri që u kap dy herë në flagrancë duke shkatërruar zgjedhjet, në zgjedhjet lokale të vitit 2015 dhe zgjedhjet parciale në Korçë në vitin 2013”, deklaroi Basha.

May 5, 2016 13:12
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*