Bashkia e Tiranës solidarizohet me Athinën, 50 mijë euro ndihmë

July 26, 2018 14:35

Bashkia e Tiranës solidarizohet me Athinën, 50 mijë euro ndihmë

Tirana është solidarizuar plotësisht pas tragjedisë që ndodhi në Athinë dhe i ka ofruar kryeqytetit grek 50 mijë euro ndihmë për përballimin e situatës që shkaktoi zjarri apokaliptik që përfshiu një lagje të kryeqytetit.

Ashtu siç edhe premtoi dy ditë më parë, kryetari i Bashkisë së Tiranës, Erion Veliaj i ka propozuar Këshillit Bashkiak që të miratojë dhënien e një ndihme financiare prej 50 mijë eurosh për lehtësimin e pasojave të dëmeve të shkaktuara nga zjarri masiv që përfshiu periferinë e Athinës.

Në fjalën e tij para Këshillit Bashkiak, Veliaj teksa bëri propozimin theksoi se kjo është një ndihmë modeste, por që tregon se Tirana i gjendet sot Athinës në krah për të përballuar këtë fatkeqësi natyrore.

“Ajo që ka ndodhur gjatë ditëve të fundit në Athinë na ka shokuar të gjithëve. Është një tragjedi e përmasave të tmerrshme që s’mund të lërë askënd indiferent. Kam ndjerë vërtet shumë dhimbje për të gjithë burrat, gratë dhe fëmijët që humbën jetën si pasojë e një zjarri aq të furishëm e masiv. Por jam ndjerë edhe shumë krenar për solidaritetin që kanë treguar të gjithë qytetarët shqiptarë me fqinjët tanë në këto ditë të vështira. Vetëm pak javë më parë unë pata rastin të vizitoj Bashkinë e Athinës ku patëm një takim shumë të mirë me homologun tim ku diskutuam për mënyrën sesi mund të rrisim bashkëpunimin mes dy qyteteve tona. I kam shprehur kolegut tim ngushëllimet më të ndjera në emër të gjithë qytetarëve të Tiranës, por vendosëm që pavarësisht mundësive tona modeste të ofrojmë edhe një ndihmë konkrete financiare për të ndihmuar sadopak në lehtësimin e pasojave të asaj tragjedie”, tha Veliaj.

l.h/ dita

July 26, 2018 14:35
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*