BE-ja dërgon ushtri në kufirin greko-maqedonas

February 7, 2016 20:02

BE-ja dërgon ushtri në kufirin greko-maqedonas

Bashkimi Evropian po planifikon dërgimin e forcave ushtarake në kufirin greko-maqedonas, si përpjekje për të ndalur disi valën e refugjatëve që nisen drejt Evropës.

Prestigjozja britanike “Financial Times” bën me dije se plani i propozuar nga Sllovenia po merr mbështetjen e udhëheqësve në Berlin dhe Bruksel.

Kjo lëvizje vjen në një kohë që Greqia e ka të pamundur të ruajë kufijtë e saj të jashtëm të BE-së. Plot 67 mijë refugjatë llogariten të kenë hyrë në kontinent gjatë vitit 2016 përmes Turqisë.

Kancelarja gjermane Angela Merkel, ka kërkuar mbrojtje të fuqishme të kufijve të jashtëm të BE-së, pas vizitës që ajo pati në Ankara. “Kemi nevojë të mbrojmë kufijtë tanë të jashtëm, sepse duam të ruajmë ‘Shengen’-in. Nëse nuk mbrojmë kufijtë tanë të jashtëm, lëvizja e lirë në tregjet e brendshme ,që është edhe burimi i pasurisë sonë, është në rrezik, ndaj dhe duhet ta parandalojmë këtë. Unë mendoj se të gjitha shtetet anëtare të BE-së janë dakord për këtë gjë”, tha Merkel.

Krijimi i një brezi mbrojtës në kufijtë e Greqisë me Bullgarinë dhe ish-Republikën Jugosllave të Maqedonisë është mbështetur edhe nga ministri i Jashtëm hungarez.

February 7, 2016 20:02
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*