Kërkoi në një postim në FB “hakmarrje” për gjeneralin iranian, arrestohet gruaja nga Kosova

January 9, 2020 01:55

Kërkoi në një postim në FB “hakmarrje” për gjeneralin iranian, arrestohet gruaja nga Kosova

Policia e Kosovës ka konfirmuar se njësia e tyre e antiterrorizmit arrestoi një grua të quajtur Ikballe Berisha-Huduti të martën pasi ajo bëri thirrje për hakmarrje për vrasjen e gjeneralit iranian Qassem Suleimani.

Ndër postimet e saj në Facebook përfshihej edhe një që e përshkruante hakmarrjen “si detyrim” që “nuk ka kufi”.

Më 4 janar, një ditë pasi forcat amerikane vranë gjeneralin iranian Qassem Suleimani në një sulm në Irak, Berisha-Huduti e dënoi këtë akt me anë të një postimi në Facebook.

Duke i përshkruar vrasësit si anëtarë të një “kombi kriminel”, ajo shkroi: “Duke vrarë të zotin e shtëpisë, keni vrarë të gjithë anëtarët e familjes dhe kështu që hakmarrja është një detyrim, por nuk ka kufij.”

Ajo më vonë e fshiu postimin kur ai u shpërnda gjithandej në Kosovë.

Megjithatë, të martën, kreu i Prokurorisë Speciale të Kosovës, Blerim Isufaj, tha për BIRN se Berisha-Huduti ishte arrestuar për nxitje dhune.

“Vendosëm ta arrestonim atë të hënën për një akuzë penale, thirrjen e saj për hakmarrje, sepse ajo e bëri atë thirrje publikisht”, tha Isufaj.

Berisha-Huduti pritet të dalë para një gjyqtari të mërkurën ose të enjten. “Do të kërkojmë masa që garantojnë praninë e saj në procedurë”, tha kreu i Prokurorisë Speciale.

Bashkësia Islame e Kosovës, në një deklaratë të bërë të martën, mohoi që Berisha-Huduti të ketë punuar ndonjëherë për ta dhe shtoi se komentet e saj nuk duhej të shiheshin si islame.

“Kryesia e Bashkësisë Islame të Kosovës njofton opinionin e gjerë se znj. Igballe Berisha- Huduti, asnjëherë nuk ka qenë punëtore e Bashkësisë Islame të Kosovës dhe rrjedhimisht deklaratat, qëndrimet, opinionet dhe predikimet e saj nuk kanë asgjë të përbashkët me Bashkësinë Islame të Kosovës dhe as me interpretimin dhe mësimet tradicionalet të fesë islame të aplikuara ndër ne me shekuj.”

Berisha-Huduti është e njohur për shërbimet e sigurisë që nga viti 2015, kur një operacion policor bastisi OJQ të lidhura me Iranin, si pjesë e një strategjie për të luftuar ekstremizmin fetar.

Në vitin 2016, një organizatë islamike që ajo e kishte themeluar u mbyll, edhe pse nuk u ngrit asnjë akuzë. Ajo mbetej një mbështetëse e fortë e elementeve anti-amerikanë në Iran dhe ka një fotografi publike në llogarinë e saj në Facebook të ish-presidentit Mahmoud Ahmadinejad.

January 9, 2020 01:55
Komento

8 Komente

  1. migena January 9, 02:13

    Qyqa o gru
    Mbake dhe foton e Naim Frasherit ne zyre
    Per tu veshur ti me callme luftoi Naimi apo per te kunderten??

    Reply to this comment
    • Zeri January 9, 04:09

      Pse di shqip kjo?!

      Reply to this comment
    • Arben January 9, 07:44

      Qyqa moj “nuk të gjej dot emër”.

      Naim Frashëri hero i Iranit, kanë monedha me fotot e tij.

      Se të është bërë mendja pordhë me përrallat sllavo-europiane se “si duhet të jenë shqipëtarët”, nuk është faji i Naim Frashërit.

      Allahu Ekber.

      Reply to this comment
  2. Arben January 9, 07:40

    Irani shtet sovran dhe e zgjidhi vetë situatën, por antiislamizmi perëndimor na tërheq prej hunde.

    Policia e Kosovës në shërbim të ambasadës usa, jo të popullit.

    Reply to this comment
  3. ? January 9, 09:04

    Ka hyre fara e isllit brenda, hajt ta heqesh, por sja vlen as te komentosh…

    Reply to this comment
Shiko komentet

Komento

Your e-mail address will not be published.
Required fields are marked*