Besimtari mysliman me dy gra: Marrëdhënia treshe çoi në krim

July 29, 2016 10:38

Besimtari mysliman me dy gra: Marrëdhënia treshe çoi në krim

Një ditë pas ngjarjes së rëndë në Dibër ku një gruaja goditi 6 herë me thikë burrin e saj mësohen detaje të reja të jetës së kësaj familje. Ajo ishte gruaja e një myslimani “të devotshëm” që jetonte me dy gra. Ka qenë pikërisht gruaja e dytë ajo që kreu krimin 15 vite pasi kishte kaluar një marrëdhënie të vështirë “treshe”.

Ngjarja ndodhi në Bulqizë dhe fatmirësisht, 45­vjeçari, Besnik Basha, ka arritur t’u mbijetojë plagëve të rënda. Ndërsa gruaja e tij, Rudina Basha, 36 vjeçe, dhe nënë e gjashtë djemve, është arrestuar.

I plagosuri me thikë, Besnik Basha, kishte me gruan e dytë, Rudina Basha, gjashtë fëmijë, të gjithë djem. Më i madhi është 14 vjeç dhe më i vogli 5 vjeç. Ata janë martuar 15 vjet më parë, në vitin 2001, shkruan gazeta “Panorama”.

Sakaq me gruan e parë ai kishte dy vajza dhe dy djem. Fëmija më i madh i gruas së parë është 22 vjeç dhe më i vogli 12 vjeç. Me gruan e parë Besniku ishte martuar në vjeshtën e vitit 1993, por siç mësohet, nuk kishte kryer celebrim me të. Banorë të fshatit të tij thonë se Besnik Basha ishte “betuar” se do të merrte deri në shtatë gra, siç thuhet në Kuran.

Ai ishte besimtar i devotshëm, me mjekër, ndërkohë që edhe gruaja e tij e dytë mbante ferexhe. Gruaja e ligjshme, Rudina, prej kohësh kishte mosmarrëveshje dhe konflikte me bashkëshortin, Besnik Basha, lindur e banues në fshatin Dragu të njësisë administrative Fushë Bulqizë. Ky i fundit i mbante të dyja gratë në banesën e tij, në fshatin e largët të Bulqizës, por, me sa duket, ajo nuk e ka kapërdirë dot më faktin se i shoqi bënte më shumë për gruan e parë. Referuar riteve të hershme, ai kishte caktuar një “kalendar” për të fjetur me dy gratë, herë me njërën e herë me tjetrën. Me siguri kjo gjë ka shkaktuar xhelozi te 36­ vjeçarja.

Të afërm të saj i thanë Policisë se Rudina kohët e fundit ishte rënduar psikologjikisht për shkak të debateve në familje. Banorë të fshatit malor bënë të ditur se dy muaj më parë, Rudina Basha e kishte braktisur bashkëshortin Besnik Basha dhe ishte vendosur në një shtëpi me qira në Qytetin e Ri, në Bulqizë.

“Rudina, pas sherrit që pati me burrin dhe gruan e parë të tij, u largua nga fshati. Nuk duroi varfërinë dhe keqtrajtimin e tij. Donte të rriste fëmijët. U largua pa bërë zë, pa u ndjerë”, thanë banorë të fshatit Dragu për “Panoramën”.

Pasi u vendos në qytetin e Bulqizës, ajo nisi kujdesin për gjashtë djemtë e saj, më i madhi 14 vjeç dhe i vogli 5 vjeç. Grumbullonte krom, trajtohej me ndihmë ekonomike nga bashkia dhe ndihmohej nga të afërmit.

July 29, 2016 10:38
Komento

1 Koment

  1. NGA NJE MUSLIMAN July 29, 15:13

    Nuk eshte e vertete se ne KURANIN E MADHERISHEM lejohet qe te marresh 7 gra . Ne SUREN EN-NISA thuhet :3. Nëse keni frikë se nuk bëni drejtësi ndaj jetimeve, atëherë,
    martohuni me ato gra që ju pëlqejnë: me dy, me tri apo me
    katër; e, nëse frikësoheni se nuk do të jeni të drejtë ndaj të gjithave
    njësoj, atëherë mjaftohuni me një grua ose me atë që e keni në
    pushtetin tuaj. Në këtë mënyrë do t’i ruheni padrejtësisë më lehtë. Pra kur ti nuk mundesh te jesh i drejte njesoj me te gjitha duhet te mjaftohesh vetem me nje grua .Mos shkruani cfare ju don qejfi .KURANI I MADHERISHEM eshte fjale e ZOTIT DHE ZOTI NUK ESHTE I PADREJTE ME ASNJE .

    Reply to this comment
Shiko komentet

Komento

Your e-mail address will not be published.
Required fields are marked*