Betohet Kryeministri i populistëve! Telashe në horizont për Brukselin

June 1, 2018 16:43

Betohet Kryeministri i populistëve! Telashe në horizont për Brukselin

 

Kriza politika disamujore në Itali ka marrë fund në skenarin më të keq për Brukselin. Dy partitë populiste, 5 Yjet dhe Lega Nord do të qeverisin Italinë.

Giuseppe Conte u betua këtë të premte si Kryeministër i vendit.

Përpjekja e presidentit Sergio Matarella për t’i dhënë një tjetër zgjidhje ngërçit disamujor, dështoi. Profesori i Juridikut, Giuseppe Conte këmbëngul se ka me vete ekipin më të mirë të ministrave.

Me të marrë detyrën, ai prezantoi listën e 19 pjesëtarëve të kabinetit, 5 nga të cilët janë gra. Njeriu që trembi Bashkimin Europian e u refuzua nga Matarella në postin e ministrit të Ekonomisë, Paolo Savona do të drejtojë ministrinë më pak të rëndësishme të Komuniteteve.

Vetë Savona u shpreh i kënaqur që tabloja politike u plotësua, edhe pse jo shumë. “Nëse arritën kompromis mbi emrin tim, – u shpreh ai -, do të thotë se e kuptuan që në fund të fundit, nuk jam dhe aq antieuropian”.

Ekzekutivi i ri do të përbëhet nga 6 teknikë, 7 pjesëtarë të “5 yjeve” dhe 6 të Lega-s. Do të punojmë me vendosmëri për të përmirësuar cilësinë e jetesës së të gjithë italianëve, ishte deklarata e parë e Contes si kryeministër i caktuar. Në këtë mënyrë, morën fund katër ditë krize politike dhe institucionale në Itali, por ndonëse ministri i ri i zgjedhur i Ekonomise Giovanni Tria, e favorizon vazhdimin e anëtarësimit në zonën e monedhës së përbashkët, konflikti i populistëve me BE-në nuk është mbyllur plotësisht.

“5 yjet” dhe Lega kanë premtuar shpenzime të reja të ndihmës sociale dhe shkurtim taksash, çka mund të bjerë ndesh me rregullat e shpenzimeve të bllokut. Vetë Matteo Salvini nga ana tjetër do të mbaje portofolin e Ministrisë së Brendshme dhe një nga premtimet e tij të para ishte një politikë e re e ashpër mbi emigracionin, që mund të ngjallë dhe kjo debate në Europë.

Dy partitë, që para zgjedhjeve kishin ndasi të thella në programin e tyre, arritën që të sheshojnë këto ndasi dhe të formojnë një koalicion të përbashkët. E përbashkëta tjetër e tyre është qëndrimi ndaj Brukselit.

Si 5 Yjet, ashtu edhe Lega Nord kundërshtojnë një sërë politikash shtrënguese të imponuara nga Bashkimi Europian për daljen nga kriza financiare dhe ekonomike./tch

l.h/ dita

June 1, 2018 16:43
Komento

1 Koment

  1. asd June 1, 17:43

    Po te jete qe edhe keta duan te dalin nga EU, do te thote qe endrra per bashkimin behet cope. Egoizmi i shtyn njerezit te mendojne me mire “te gjithe te varfer” se sa “ca te varfer e ca me te pasur”. Keta kane hall me shume te shikojne barin te thahet ne kopshtin e Gjermanise se sa ta bejne jeshil te vetin. Me budallenj si Salvini nuk ecet perpara.

    Reply to this comment
Shiko komentet

Komento

Your e-mail address will not be published.
Required fields are marked*