Qeveria rikthen projektin anti-media dhe gënjen për “modelin kroat”

July 4, 2019 15:35

Qeveria rikthen projektin anti-media dhe gënjen për “modelin kroat”

Qeveria shqiptare bëri të ditur se ka miratuar dhe ka bërë gati për të dërguar në parlament të shumëdebatuarën “paketë antishpifje”, por përmbajtja e paketës dhe nëse ajo ndryshon apo jo nga draftet e shumëkritikuara të prezantuara dhjetorin e kaluar, nuk është e mundur të dihet për shkak se kryeministria duket se ka vendosur të mbajë sekret projektligjet e miratuara.

Ministrja e Drejtësisë Etilda Gjonaj deklaroi në portalin e kryeministrit në Facebook ERTV se paketa “synon rregullimin në disa ligje kryesore në medias në përgjithësi dhe medias në përgjithësi dhe publikimeve elektronike në veçanti,” si dhe se mediat në internet do të duhet të regjistrohen në Autoritetin e Komunikimeve Elektronike e Postare si dhe do të mbikëqyren nga Autoriteti i Medias Audiovizive (AMA).

Deri mesditën e së enjtes, në faqen e Këshillit të Ministrave në internet projektligjet e grupuara në togfjalëshin “paketa antishpifje” nuk janë publikuar, duke e bërë të pamundur të kuptohet nëse variantet e miratuara janë njësoj apo janë të ndryshme nga ato të prezatuara dhjetorin e kaluar.

Por nga çfarë Gjonaj deklaroi në rrjet paketa nuk ka ndryshuar dhe as nuk ka reflektuar shqetësimet e ngritura nga organizatat e të drejtave të njeriut.

“Këto ndërhyrje sigurojnë ​procedura të shpejta administrative mbi trajtimin e ankesave për programet e publikuara nga Ofruesit e Shërbimit të Publikimeve Elektronike; reagim të shpejtë të institucioneve publike në rast të konstatimit të cenimit të të drejtave të individëve, duke parashikuar një procedurë të qartë me hapa konkretë për trajtimin e ankesave; krijimin e një regjistri që administrohet nga AKEP ku regjistrohen Ofruesit e Shërbimit të Publikimeve Elektronike, të pajisur me numër të regjistrimit të personit të tatueshëm, ose të regjistruar në regjistrat tregtarë. Po ashtu ofruesit e shërbimeve mediatike do të monitorohen nga AMA”.

Projektligjet u prezantuan fillimisht dhjetorin e kaluar dhe u kritikuan si antikushtetuese dhe dhunuese të lirisë së shprehjes.

Në veçanti, krijimi i një sistemi regjistrimi specifik për mediat u kritikua si një formë licencimi për të drejtën e fjalës ndërsa krijimi i një sistemi policimi nga ana e Autoritetit të Medias Audiovizive u kritikua si një insititucion censure.

Në dhjetor, shtatë organizata ndërkombëtare të lirisë së medias i kërkuan qeverisë të tërheqë projektligjet, duke i konsideruar ato të paprecedenta në kontinentin Europian.

“Organizatat besojnë se të dy projektligjet, në formë dhe në frymë bien ndesh me Kushtetutën e Republikës së Shqipërisë dhe me Të Drejtën Europiane. Ato përbëjnë kufizim krejtësisht të panevojshëm të lirisë së shprehjes e lirisë së medias dhe përmbajnë rrezikun e krijimit të një regjimi policor mbi median në internet,” shkruhet në letrën e firmosur nga Federata Europiane e Gazetarëve, Qendra Europiane për Liri të Medias dhe të Shtypit, PEN International dhe Reporterët pa Kufi.

Në janar edhe shtatë organizata shqiptare që veprojnë në fushën e medias apo në mbrojtje të të drejtave të njeriut dolën me një deklaratë të përbashkët, ku i përsëritën kryeministrit Edi Rama thirrjen për tërheqjen e dy projektligjeve për median online.

Deklarata e përbashkët e BIRN Albania, Shoqata e Gazetarëve Profesionistë të Shqipërisë, Lidhja e Gazetarëve të Shqipërisë, AIS/Open Data Albania, Civil Rights Defenders, Këshilli Shqiptar i Medias dhe Qendra Shqiptare MediaLook thekson se projektligjet cënojnë demokracinë në vend dhe lirinë e medias.

“Këto dy projektligje rrezikojnë ta kthejnë Shqipërinë në një vend jodemokratik, cënojnë rëndë lirinë e shprehjes dhe nuk zgjidhin asnjë nga problematikat ekzistuese të medias, përfshirë gjuhën e urrejtjes, shpifjen, propagandën apo dizinformimin,” vërejtën organizatat firmëtare.

Ndonëse qeveria i prezantoi projektligjet si të frymëzuara nga “ligji kroat”, një verifikim nga BIRN zbuloi se asnjë lloj sistemi i tillë nuk ekziston në Kroaci.

Projektligjet supozohet se do të shkojnë për miratim në Kuvendin e Shqipërisë ku mund të votohen në shtator.

Marrë nga BIRN

July 4, 2019 15:35
Komento

13 Komente

  1. Erioni July 4, 15:57

    Obezitet shumeformesh.I mori te gjitha.
    Po vjen momenti qe do ti ndaloje pulsi.

    Reply to this comment
    • Nik July 4, 21:46

      Erion e ke mprehur mire briskun? Mbaje me shkume. Ke lene nje tufe qimesh poshte boleve te Dashit.

      Reply to this comment
  2. demo July 4, 16:13

    Shif Skandalet me PPP,Koncessionet miljardere,tenderat e unazes,tenderin e Balldrenit,Macukul;lit,
    Ju ka ngel mendja tek mediat,Platformat,transmetimet..
    Po mos jene keto media,ku do ti marrim vesh ne tepalarat tuaja,Skandalet e vjedhjeve te popullit.

    Reply to this comment
  3. Arben July 4, 16:17

    I ke buzet e bukura, tej e tej, duket qe ke punuar fort per ate post.

    Reply to this comment
  4. intelektuali July 4, 16:58

    Edin Droga i Kristaqit po kthen Kohen e Qepes te Enverit,

    me:

    LIGJIN PER AGJITACION DHE PROPAGANDE

    bashke me:

    PIRAMIDEN FAMEKEQE NE MES TE TIRANES

    qe:

    U kall daten edhe femijeve ne barkun e nenave kur i kalojne prane.

    Reply to this comment
  5. Xha Teme July 4, 17:21

    Organizatat e te drejtave te njeriut qenkan te shqetesuar per shpifesit???? Gjuha e neperkes te prihet me gersheret e Ligjit. Prandaj portale apo gazeta anonime hidhen perpjete se do tu duhet te perballen gjyqeve per shpifjet e tyre monstruoze qe i leshojne pa dogane

    Reply to this comment
  6. rrockodani July 4, 17:29

    Kuc er dreq ,hani byrekun e pijeni dhallin dhe vazhdoni me me shume ritem se skeni neser gje.duhen paret per te henen.

    Reply to this comment
  7. AM July 4, 17:57

    Te jesh i lire eshte dicka , te abuzosh me lirine qe te demtosh te tjeret eshte tjeter. Neqoftese eshte e rendesishme liria e medias atehere eshte e rendesishme qe te kete rregulla qe mos re abuzohet. Ti kur je peraonazh publik apo ke licence per te shperndare lajme ne gjithe territorin ke dhe detyrimin qe mos te demtosh askend me laime te rreme. Liri fjale eshte te thuash miremengjes dhe liri fjale eshte te shkruash” neser do vras filanin se eshte qen bir qeni”. Po kuptohet qe e dyta nuk mund te zeje faqet e lajmeve kombetare.

    Reply to this comment
  8. . July 4, 19:02

    Ore sa mire piktori si i ben keto ligje per te denuar gjithkend qe e demton.
    Vetem per Saliun “nuk eshte prokuror e gjykates” ky dredharaku.
    He kokrra mashtrusit

    Reply to this comment
  9. info analitike July 5, 07:48

    Shokë këto kohë po me kënaqnin sepse nuk është nevoja as të komentosh pasi kapaciteti i vetëdijes fitimit të idhujve tuaj ka arritur maksimumin. Vazhdoni me karvanin se ka nevojë për të shtyrë derisa të gremiset përfundimisht nën peshën e vet.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim