Bojkoti i Superiores, reagon Liga Profesioniste: Nuk morëm përgjigje, kërkesë kryeministrit për zgjidhjen e 4 kërkesave

September 16, 2020 13:22

Bojkoti i Superiores, reagon Liga Profesioniste: Nuk morëm përgjigje, kërkesë kryeministrit për zgjidhjen e 4 kërkesave

Liga Profesioniste ka reaguar për konferencën e zhvilluar ditën e djeshme nga ministrja e Financave, Anila Denaj dhe Fidel Ylli, në lidhje me kërkesat e klubeve dhe bojkotin e Superiores.

Në reagimin për mediat, Dritan Kadia kërkon takimin me kryeministrin për 4 kërkesat që kanë klubet e futbollit, të cilat kanë bojkotuar kampionatin.

Deklarata e plotë:

I dashur zoti Fidel!

E ndoqa me vëmendje konferencën e shtypit që ju dhe Ministria e Financave, zonja Denaj dhatë dje për mediat.

T’ju them të drejtën prisja një qëndrim më mbështetës për kërkesat e Ligës, të cilat në fakt janë premtime të drejtpërdrejta e të bëra fjalë për fjalë, nga Kryeministri përpara 18 muajsh.

Sigurisht që është e drejta juaj të bëni politikë me gjithçka, por komuniteti i futbollit nuk ndihet i nderuar nga kjo prirje. Konferenca e djeshme e shtypit nuk i dha përgjigje disa pyetjeve:

1) Pse nuk i përmbushni, derisa i konsideroni të drejta kërkesat e Ligës?

2) A janë prej kohësh të njohura për qeverinë kërkesat e ligës?

3) Përse ministria e financave do të bisedojë me ne, kur ajo dhe qeveria, siç deklaroi edhe dje, janë kundër kërkesave të ligës?

4) Pse qeveria bën një të ashtuquajtur ligj për sponsorizimet që nuk e ka asnje vend europian e ballkanik? Pse nuk miraton një ligj si Maqedonia, Kosova, Hungaria, Gjermania etj etj, “Ligjin për sponsorizimin”, që propozon Liga?

Unë si Sekretar i Ligës mbetem ne dispozicionin tuaj për çdo informacion që ju kërkoni. E përsëris edhe një herë ftesën në adresën tuaj, të vini për një takim në selinë e ligës.

Gjithashtu, ju lutem t’i përcillni Kryeministrit si i vetmi person që mund të krijojë një vullnet politik të shumicës për zgjidhjen e katër kërkesave, gatishmë e përfaqësuesve të tryezës së presidentëve për t’u takuar e biseduar me të.

j.l./ dita

September 16, 2020 13:22
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim