“Bomba” e Newsweek: Putin po komploton, që të destabilizojë Gjermaninë

May 17, 2016 11:01

“Bomba” e Newsweek: Putin po komploton, që të destabilizojë Gjermaninë

E përjavshmja amerikane Newsweek, në edicionin e saj në internet, ka publikuar një artikull, në të cilin hedh hipotezën se presidenti rus, Vladimir Putin, është duke planifikuar në fshehtësi për rrëzimin e kancelares së Gjermanisë, Angela Merkel. “Mes krizave të shumta që kanë pllakosur kontinentin europian, një tjetër rrezik serioz po shpaloset”, shkruan Newsweek. “Rusia po përpiqet aktivisht që të dëmtojë dhe destabilizojë Gjermaninë”.

Sipas të përjavshmes amerikane, veprimet e Rusisë kundër Gjermanisë të marra së bashku, “përbëjnë një tjetër shembull të një lufte hibride që vë në shënjestër legjitimitetin e një qeverie europiane. Kjo bëhet edhe më e rrezikshme, sepse Rusia e ka shënjestruar fushatën e saj kundër Gjermanisë: një udhëheqëse e rëndësishme e BE-së, e cila aktualisht po përpiqet fort që të mbajë Europën të bashkuar përballë disa rreziqeve për sigurinë, të brendshëm dhe të jashtëm”.

Përgjatë gjithë kohës së krizës në Ukrainë, Rusia e ka rritur shumë aktivitetin e saj të spiunazhit në Gjermani dhe në shtete të tjerë europianë. Janis Sarts, drejtori i Qendrës së Komunikimit Strategjik të NATO-s, ka deklaruar se Rusia qëllimisht po përdor këto taktika për të nxitur pakënaqësi në Gjermani, me synimin final, rrëzimin e kancelares Merkel.

E përjavshmja amerikane shkruan se përpjekjet e Rusisë për destabilizimin e Gjermanisë, përfshijnë edhe nxitje të trazirave atje ku më parë nuk kanë ekzistuar, por sidomos duke shfrytëzuar pakënaqësitë e mëparshme. “Për shembull, në shkurt të këtij viti, shefat e zbulimit të brendshëm dhe të jashtëm gjerman, paralajmëruan se Rusia do të shfrytëzonte “potencialin e madh mobilizues” të popullsisë ruse në Gjermani, duke ditur se Rusia mund të ndikojë tek kjo popullsi, për ta angazhuar në demonstrata të fuqishme publike”.

Për ta ilustruar këtë, jo më larg se një muaj më parë, një grup i quajtur “Kongresi ndërkombëtar i ruso-gjermanëve” demonstroi kundër qeverisë së Merkelit. Shfaqja misterioze dhe e papritur e një organizate për të cilën nuk ishte dëgjuar më parë, është e ngjashme me veprimtaritë e mbështetura nga Rusia në Ukrainë, në vitin 2014.

Newsweek shkruan se Rusia po shfrytëzon edhe krizën e refugjatëve për të rritur pakënaqësinë dhe ndarjet brenda shoqërisë gjermane. Propaganda ruse e ka paraqitur perëndimin si të paqëndrueshëm dhe më pak të sigurtë, për shkak të ardhjes së imigrantëve, duke nxjerrë kështu një panoramë ku siguria e qytetarëve nuk mund të garantohet më prej qeverive europiane.

May 17, 2016 11:01
Komento

4 Komente

  1. gazetare May 17, 11:38

    po vendoseni burimin

    Reply to this comment
  2. Gjata May 17, 17:10

    Keshtu ka bere gjithmone Rusia kunder Gjermanise.

    Reply to this comment
  3. Patriot May 17, 18:22

    Po mor i dashtun gazetare,perse nuke thua qe Putini po nveston per ta mabajtur kancelaren Merkel,apo nuke ju vjen per shtat.
    Europes po i krijone probleme me emigantet treshja Putin-Erdoghan-Merkel,Shikoni ne vite origjinat e tye, leizjet dhe praktikat politike dhe do te bindeni katerciperisht se ato jane anet e te njejtes medalje,komunizmit.
    Te gjithe te jeni te bindur se Europen Bashkuar askush nuke mund ta dobesoje sado te ninvestoje putini me spiunet e KGB-se,ai me shoke e shoqe shume shpejt do te perfundoje cullaq.
    Bota pa to, do e jet me e paqeshme,dhe e shendeteshme.

    Reply to this comment
  4. Cuxhaven, D. May 18, 09:46

    Destabilizimi gjerman dhe europian njekohesisht vazhdon sa kohe eshte ne pushtet kanzelarja Merkel. Nuk ka efekt me destabilizues per gjermanet se ardhja pa mbarim e refugjateve te ftuar nga Merkel,/

    Reply to this comment
Shiko komentet

Komento

Your e-mail address will not be published.
Required fields are marked*