Britania nis sulmet kundër ISIS

December 3, 2015 17:49

Britania nis sulmet kundër ISIS

Menjëherë pas bekimit të Parlamentit, Britania e Madhe nisi ofensivën ajrore kundër Shtetit Islamik në Siri.  Katër avionë Tornado, që u ngritën nga baza në Akrotiri, në Qipro vunë në shenjestër  “territoret naftëmbajtëse në Omar, në lindje të Sirisë, të cilët janë nën kontrollin e Shtetit Islamik”.

Sekretari britanik i Mbrojtjes Michael Fallon, e cilësoi sulmin ajror “të suksesshëm”. Ai kishte miratuar shenjestrat përpara votimit në Dhomën e Komunëve.

Deputetët britanikë mbështetën ofensivën ajrore kundër Shtetit Islamik në Siri, me 397 vota “pro” dhe 223 “kundër”, pas një debati që zgjati 10 orë, të mërkurën.

Mëngjesin e së enjtes, gazetat në Damask kritikuan vendimin e Britanisë së Madhe për ofensivën kundër ISIS. Zyrtarët sirianë këmbëngulin që Britania e Madhe dhe aleatët e saj duhet të ndjekin shembullin e Rusisë për ta koordinuar fushatën me qeverinë siriane, sepse përndryshe nuk do të kenë sukses.

Aktivistët dhe grupet opozitare ndjehen të braktisur nga Perëndimi, që nuk i dha një mbështetje të tillë ushtarake për të rrëzuar Al Asad, ndërsa sirianët në Damask mbështesin çdo sulm kundër Shtetit Islamik.

December 3, 2015 17:49
Komento

1 Koment

  1. @ December 3, 19:52

    Po nuk i hyte me tanke ta shperthiqni Allahun.Allahu nuk do shuhet.Asht ma keq se macja qe ka 9 shpirten.

    Reply to this comment
Shiko komentet

Komento

Your e-mail address will not be published.
Required fields are marked*