Një guidë për seksin sipas moshës. Por në fund, kini parasysh që…

March 11, 2018 10:50

Një guidë për seksin sipas moshës. Por në fund, kini parasysh që…

Seksualiteti  te burrat dhe gratë manifestohet në forma të ndryshme në varësi të moshës – raporton Dita.

Nga 15 – 22 vjeç, femrat duan romantizmin, kurse meshkujt seksin. Femrat janë më të dëshiruara për kortexhimin, puthjet, përqafimet. Meshkujt, përkundrazi kanë një fiksim me dëshirën seksuale dhe erotizmin.

Gjatë kësaj periudhe deri në moshën 25 vjeç, burrat dhe gratë e jetojnë seksualitetin në mënyra shumë të ndryshme. Prandaj dhe lidhja me diferencë moshe mes femrave dhe meshkujve është e zakonshme në këtë periudhë.

25 – 35 vjeç, burrat bëhet më të kujdesshëm, kurse te gratë lulëzon seksualiteti i vërtetë.

Burri është më i vëmendshëm për të mësuar si të krijojë një raport ku nuk ka vetëm seks. Për këtë arsye në këtë moshë seksualiteti tek burrat dhe gratë është thuajse në të njëjtin nivel.

Por në këtë segment të jetës duhet vënë në dukje që raportet influencohen shumë nga tabuja e krijimit të familjes dhe të pasurit fëmijë. Shpesh kjo nevojë nuk e le seksualitetin të dalë në sipërfaqe, por e fsheh atë nën presionin e mitit social të martesës.

Gratë sidomos kanë shumë frikë se mos mbeten jashtë barkës së përbashkët me emrin “martesë” dhe kjo shpesh i çon raportet në këtë moshë drejt tensionit, që manifestohet sigurisht edhe në jetën seksuale.

Nëse ndodh martesa, prioritetet e gruas ndryshojnë në mënyrë radikale: shtatzania, rikuperimi pas lindjes, kujdesi për foshnjen, u merr grave energji të mëdha për vite me radhë. Dëshira për jetë seksuale bie dhe shtrati bëhet vendi i preferuar për pak çlodhje, pra nuk është më ai vendi i gëzimeve të pazëvendësueshme të dashurisë.

Megjithatë, nëse të dy partnerët dinë t’i ndajnë mirë shqetësimet, pas disa viteve kur fëmija rritet disi, jeta seksuale mund të riparohet dukshëm. Në të gjitha rastet, kjo periudhë është një test force për të gjitha çiftet.

35 – 45 vjeç:  Gratë kanë pikun e seksualitetit, kurse për burrat nis rënia.

Gratë në këtë moshë janë më eksperte, njohin preferencat e tyre, kanë studiuar trupin dhe kanë nevojë për një jetë seksuale të rregullt.

Për burrat ndryshojnë prioritetet. Bëhen selektivë dhe e duan raportin të shoqëruar me shumë ndjenja dhe ngrohtësi.

Por në këtë segment kohor, të dy mund të kenë një jetë seksuale të paprecedentë nëse kanë arritur kënaqësinë ekonomike dhe atë emotive, pra janë në gjendje të mirë pa telashe financiare dhe nuk kanë pretendime reciproke mbi ndjenjat ndaj njëri tjetrit.

45 – 55 vjeç: Nisin ndryshimet hormonale tek gratë, kurse burrat janë ende aktivë seksualisht.

Natyra përshkon rrugën e saj. Gratë nisin të shqetësohen për shëndetin dhe nuk ndihen tërheqëse, çka e ul vetëbesimin dhe natyrisht interesin për seksin.

Natyra ka vendosur që gratë duhet të superojnë pengesa më të mëdha se burrat për një jetë seksuale të mirë.

Por nëse një grua arrin të pranojë si normale ndryshimet në trupin e saj, ka shumë shanse për një jetë seksuale të kënaqshme.

Teorikisht sipas mjekëve, jeta seksuale e një gruaje mund të vijojë relativisht e shëndetshme deri në 70 vjeç.

Si përfundim, një këshillë nga ne që meremi me këtë rubrikë në DITA: Sa më pak vrarje të tepruara të mendjes, si për burrat dhe për gratë: Shijoni çdo moment dashurie si të jetë i fundit.

Jo të gjithë kanë fatin të ndihen të dashuruar.

b.m. / dita

 

 

March 11, 2018 10:50
Komento

2 Komente

  1. Z/K March 11, 14:13

    Ndaj nuk arrihet orgazma nga i gjith ky disekuliber ne raport simbas moshave.Kur po e ka qefin njeri nuk e ka tjetri.Kjo ia imponon te gjejne individin per te kombinue me arritjet e kenaqesise.Pra tradhetia asht e imponume e detyrushme nga te dyja gjinit.

    Reply to this comment
  2. Ate thuaj ... March 11, 18:37

    Fundi o mo i pranushem .
    Zhytem e s’dal mo

    Reply to this comment
Shiko komentet

Komento

Your e-mail address will not be published.
Required fields are marked*