Caktohet vendi, Takimi Trump – Jong-un do të zhvillohet në Singapor

June 6, 2018 10:42

Caktohet vendi, Takimi Trump – Jong-un do të zhvillohet në Singapor

Takimi i shumëpritur mes presidentit amerikan, Donald Trump dhe liderit koreano-verior, Kim Jong-un do të zhvillohet në një hotel në ishullin Sentosa të Singaporit, ka njoftuar Shtëpia e Bardhë.

Samiti historik është planifikuar të mbahet më 12 qershor, mirëpo detajet tjera mbeten ende të pakonfirmuara.

Ky do të jetë takimi i parë i një lideri koreano-verior me një president amerikan në detyrë.

Trump ka thënë të martën se planet “po shkojnë  shumë mirë”.

“Shumë marrëdhënie janë duke u krijuar, shumë negociata janë duke u bërë përpara takimit”, u ka thënë ai gazetarëve.

“Është takim shumë i rëndësishëm, do të jenë disa ditë tejet të rëndësishme”.

Sekretarja e Shtëpisë së Bardhë, Sarah Sanders, ka konfirmuar përmes një postimi në Twitter, se samiti do të zhvillohet në Hotelin luksoz, Capella.

Sentosa është një nga 63 ishujt që përbëjnë Singaporin.

Ishulli me territor prej 500 hektarësh është vend i hoteleve luksoze, klubeve të golfit dhe zonave detare private.

Ishulli po ashtu ka një histori të zymtë luftërash dhe gjakderdhjesh.

o.j/dita

 

June 6, 2018 10:42
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*