“Call center” tek Tatimet. Për çdo detyrim individët lidhen me administratën

September 22, 2018 17:16

“Call center” tek Tatimet. Për çdo detyrim individët lidhen me administratën

Njohja me detyrimet tatimore mund të bëhet përmes shërbimit “call center”, pa pagesë.

Drejtoria e Përgjithshme e Tatimeve ka ngritur një qendër të posaçme për thirrjet telefonike, ku përmes numrit 0800 002 subjektet dhe individët nga gjithë vendi mund të njihen në kohë reale për detyrimet korrente dhe të papaguara, gjobat apo të dhëna të tjera që lidhen me administratën fiskale.

Erion Prifti, drejtor i qendrës së informimit, shprehet: “Informacioni ofrohet pasi jepen disa të dhëna identifikuese të tatimpaguesit për të kuptuar që është ai: NIPT-i, numri i sigurimit shoqëror dhe statusi”.

Përmes këtij shërbimi, tatimet synojnë uljen e radhëve nëpër sportele dhe shmangien e kontakteve mes administratës dhe qytetarëve, duke minimizuar kështu mundësitë për korrupsion, thotë Drejtoria e Përgjithshme e Tatimeve.

Operatorët e qendrës mundësojnë dhe komunikim me “chat online”.

M.H/ Dita

September 22, 2018 17:16
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*