Çështje çame apo çështje shqiptare me Greqinë?

June 6, 2016 10:38

Çështje çame apo çështje shqiptare me Greqinë?

 

Prof.as.dr. Agim Koçillari

Trajtimi i çështjes çame ka filluar sidomos pas viteve 90, kur menjëherë në kushtet e reja të krijuara, Çamët krijuan shoqërinë  “Çamëria” dhe filluan t’a bëjnë të njohur problemin e tyre brenda dhe jashtë vendit. Krijimi i partisë çame e çoi me tej këtë njohje. Sot, problemi çam, me të drejtë njihet me hollësi brenda vendit dhe disi, sipas mendimit tim, ka filluar të bëhet i njohur edhe jashtë vendit. Për këtë mjafton të përmend studimet dhe shkrimet e bëra nga studiues të huaj si Prof. Xheims Petifer dhe Miranda Vickers (autorë anglezë)

Çështja çame është një problem i drejtë dhe duhet zgjidhur patjetër, por për mua, kjo është pjesë e një problemi po kaq të rëndësishëm dhe të mprehtë, fatkeqësisht i harruar, ai i popullsisë shqiptare të dëbuar me dhunë, po ashtu si edhe çamët, nga trojet e tyre në viset shqiptare të Maqedonisë Jug-Perëndimore që sot përfshihen nën shtetin Grek. Dihet se në shtetin grek kanë mbetur edhe treva të tjera shqiptare dhe popullsia e tyre është shpërngulur me të njëjtat metoda.

Për të argumentuar mendimin tim po përmend fakte që historia i njeh, por që nga Ne, Shqiptarët: politikanë, media etje po lihen në harresë, ndërsa grekët nuk lenë rast pa shpifur dhe kërkuar me pa të drejtë, madje duke ngritur zërin në instancat më të larta ndërkombëtare. Si shembull: çfarë do Vangjel Dule me kishën tonë në Himarë? Sipas prof.dr.S. Repishtit në studimin e botuar nga Universiteti Europian (Tiranë 2014) me temë “Epiri i Jugut, Camëria” territoret shqiptare që fuqitë e mëdha i dhuruan shtetit grek, janë:

Thesprotia (Çamëria)    1 515 km2

Janina                               4 890 km2

Preveza                            1 077 km2

Kosturi                             1 685 km2

Arta                                 1 612 km2

Gjithsej                          10 779 km2

 

Kurse prof. dr. Selman Sheme, gjeograf, po në këtë studim i nxjerrato në 2 700 km2.

Pouqueville, konsull i Francës në oborrin e Ali Pashës dhe njohës shumë i mirë i realitetit shqiptar në këto treva në shënimet  e tij, me titull: “Udhëtim në Epirin e Veriut” shkruan: “Arritëm në zonën  e Konicë – Grebenesë, fshatrat grekë filluan të rrallohen dhe mbi këto vendbanime nuk ka më fshatra greke. Hymë në  krahinë e Kosturit që është e banuar nga shqiptarë. Ajo është krahina më e qetë e pashallëkut të Janinës, ku mungon 6hasmëria dhe hajdutëria”. Pra në Greqi është një territor shqiptar shumë herë më i madh se ai çam dhe nga këto territore, si edhe Çamëria, në vitet 1922-24 janë dëbuar me dhunë rreth 100 000 shqiptarë (prof. Kalopi Naska – Dokumente për Çamërinë” – Dituria, 1999. Tiranë). Dëbimi me dhunë i kësaj popullsie, me fe myslimane por kombësi shqiptare, ka filluar që me shpalljen e pavarësisë dhe krijimin  e shtetit shqiptar. Ajo mori vrull gjatë luftës Ballkanike, kur u përdor edhe një gjenocid i paparë (shih librin e George Fred Williams, ambasador i Sh.B.A. në Athinë dhe Podgoricë dhe i ngarkuar për këqyrjen e ngjarjeve në territoret shqiptare në këto vite. – (Dielli. Tiranë, 1936). Atëherë, pse pas viteve 1990 e në vazhdim, flitet vetëm për çështje çame dhe jo shqiptare?

 

Mendoj se për këtë kanë luajtur rol disa faktorë:

Së pari, politika e jonë u tregua servile ndaj Athinës dhe për interesat e saj të ngushta e zvogëloi me sa mundi këtë problem

Së dyti, spastrimi përfundimtar i territorit çam është më i freskët dhe ka qenë shumë më i egër se sa i të tjerëve. Në vitet 1923-24 u dëbuan vetëm 5 000 çamë dhe 25 000 të tjerë gjatë dhe pas luftës së dytë botërore. Realisht faktor kohë ka pasur në të dy territoret: dëbimi ka filluar novitet 1922-24 dhe ka vazhduar edhe pas vitit 1944, jo vetëm në territoret çame. Atëherë unë pyes, po të jetë vetëm faktori kohë pse nuk flitet dhe shkruhet, sidomos për dëbimin shqiptarëve të pas Gramozit, që u bë në vitet 1944-47,  dhe sot përbëjnë shumicën qytetit të Maliqit dhe janë shpërndarë kudo nëpër Shqipëri.

Së treti, për mua është, ndofta një ndër kryesorët pas këtyre viteve. Për të ndihmuar studiuesit e këtyre problemeve me rëndësi shumë të madhe, të dhëna me shumë vlerë jep prof. Kaliopi Naska në librin me titull “Dokumente për Çamërinë, Dituria 1999” ku janë përfshirë dokumente të nxjerra nga arkivi i shtetit. Mendoj që titulli nuk i përgjigjet realitetit sepse 1/3 e dokumenteve i përkasin problemit çam, 1/3 territoreve të tjera dhe popullsisë së tyre (Follorinë, Kostur etj.) dhe ajo që mbetet (ose më mirë shumica) janë dokumente që kanë të bëjnë me marrëdhëniet shqiptaro – greke  në vitet 1921 – 1936 (nga Follorina në veri; Hurupishti, tani Argos Orestiko, Grebene dhe Meçova në lindje dhe deri tek Arta në jug).

Së katërti, i pa dukshëm por me rol te madh, është edhe fakti se në tekstet tona shkollore, fatkeqësisht nuk pasqyrohet ky realitet historik(Shiko në tekstin e gjeografisë së shkollave të mesme kapitullin: Trojet shqiptare në Greqi). Janë këto faktorë te cilat kanë bërë që për këto territore të pastra shqiptare dhe popullsinë e tyre, të shkruhet e flitet pothuaj fare. Por, duke vepruar dhe shkruar kështu, opinioni shqiptar dhe sidomos brezi i ri nuk ka se si ta dijë që këto treva dhe ajo e pas Gramozit deri në vitin 1947, janë shqiptare dhe që kanë qenë banuar nga shqiptarë. Dhe më e rëndësishmja është se ata duhet të dinë se ende vazhdojnë të banohen nga shqiptarë te krishterë.

Dihet se grekët në vitin 1921 luftuan me turqit në Azinë e vogël dhe beteja përfundimtare u zhvillua në Smirna (sot Izmir). Në këtë luftë ata u thyen. Për të vendosur paqen midis këtyre dy shteteve, në Lozanë u mblodhën fuqitë mëdha të kohës, ku u bë një marrëveshje.

Në këtë konferencë, u vendos që banorët e krishterë të Turqisë (që nuk ishin grekë por të krishterë të mbeturi që nga koha e perandorisë Romake e mandej të asaj Bizantine në territoret e saj, prandaj dhe quheshin Rumë), të vendoseshin në Greqi dhe banorët myslimanëqë banonin në shtetin grek, të vendoseshin në Turqi(sipas grekëve dhe turqve feja përcaktonte kombësinë),.Në këtë traktat, është shkruar, se nga kjo marrëveshje do bënin përjashtim shtetasit grekë me kombësi shqiptare dhe fe myslimane, të cilët nuk do të shpërnguleshin në Turqi

Që këto troje nuk kanë qenë greke dhe banorët e tyre ishin shqiptarë që banonin atje që nga lashtësia, e pranojnë vetë edhe autoritet larta greke të kohës (Dok.për Çamërinë)

7Kështu, në bisedimet e Lozanës ministri i jashtëm grek Caklamanos ka deklaruar, në seancën e 21 janarit 1923 (procesverbali i konferencës): “Nëse ata (shqiptarët) janë bashkë fetarë me turqit, ata nuk janë aspak bashkatdhetarë të tyre, dhe më tej sipas faqes 13 rreshti fundit i procesverbalit thekson: Greqia ka propozuar të hiqet dorë nga ky akt padrejtësie, sepse ne nuk kemi të drejtë të nxjerrim jashtë popullsi nga një territor ku ata kanë banuar shekuj me radhë. Po  ky person, ka deklaruar përpara nën komisionit për këmbimin popullsive, në seancën e mbajtur më 19 janar të 1923: se “shqiptarët banojnë në një territor të përcaktuar qartë, Epir”( “Dok. për Çamërinë” – fq. 87).

Gjithashtu, edhe vetë Venizellos, kryeministër e  kryetar i delegacionit grek në konferencën  e Lozanës, më 3 shtator 1923 i ka dërguar një letër qeverisë shqiptare nga Legata e Greqisë në Tiranë ku thuhet: “Me anë të letrës së 13 korrikut ju keni pasur mirësinë të kërkoni që qeveria e Greqisë të respektojë angazhimet  marra ndaj Shqipërisë, lidhur me marrëveshjen mbi këmbimin e popullsisë, të vendosur midis Turqisë dhe Greqisë në Lozanë. Jam i ngarkuar dhe është kënaqësi për mua t’i bëj të ditur Shkëlqesisë Suaj se asnjëherë nuk ka qenë qëllimi i qeverisë greke shmangia nga angazhimet solemne të marra në Lozanë, të cilat ajo do t’i respektojë me skrupulozitet, si përsa i përket shqiptarëve myslimanë shtetas të huaj, po ashtu edhe grekë, pasuritë e të cilëve ndodhen në Greqi, njëlloj do të përjashtohen nga këmbimi i parashikuar”.(Dok. për Çamërinë)

Theksojmë se, për këto probleme, Mit’hat Frashëri, në atë kohë ministër fuqiplotë i shtetit shqiptar në Athinë, është shprehur se ka dërguar më se 40 nota proteste dhe se më se 80 herë ka protestuar me gojë.

Por, çfarë ndodhi në të vërtetë? Për ne shqiptarët, e keqja fillon kur bë zbatimi i këtij traktati. Grekët, në kundërshtim me sa kishin deklaruar e firmosur në procesverbalin e saj, bënë të kundërtën. Ata duke përdorur dhunën i detyruan shqiptarët e këtyre trevave që të shpërngulen dhe vendosen shumica në Turqi dhe një pjesë edhe në Shqipëri. Nuk dihet mirë numri i mirë i shqiptarëve të shpërngulur, por mendohet se janë jo më pak se 100 000 vetë. (“Dok. për Çamërinë”).

Nga këta, sipas një letre dërguar nga Mit’hat Frashëri nga Athina, më 15 qershor 1925 (AQSh) F. 251, V. 1925, D. 131, f.82-83,  nga prefekturat e Follorinës dhe Kosturit janë shpërngulur 30 000 – 35 000 banorë, pra aq sa edhe çamë. Pasuria e këtyre shqiptarëve llogaritej në 20 milion franga ar. Po përmendim këtu se shqiptarë ka pasur edhe në Maqedoni (Selanik, Karaferia, Vodenë, Allasonjë, Katerinë…., pasuritë e të cilëve llogariteshin në miliona franga ar…).

Protestave të shqiptarëve të këtyre trevave si dhe të qeverisë shqiptare të kohës, drejtuar gjithë kancelarive të fuqive të mëdha askush nuk ua vuri veshin dhe vazhdoi dëbimi i shqiptarë myslimanë:

  • Të tërë shqiptarët e Prevezës.
  • Të tërë shqiptarët e Janinës.
  • Një pjesë e madhe shqiptarëve të Konicës.
  • Të tërë shqiptarët e Pargës.
  • Një pjesë e banorëve myslimanë shqiptarë nga Çamëria.

 Zhvillimi i ngjarjeve në atë kohë, paraqitet në përmbajtjen e një notë proteste, drejtuar komisionit të përzier, që ishte caktuar nga fuqitë mëdha për të ndjekur zbatimin e traktatit të Lozanës, dhe ushtronte veprimtarinë e tij në Kostandinopojë. Në këtë dokument Z. Mit’hat Frashëri 11.11.1925, shkruan: “Kur duket se, shpërngulja me forcë shqiptarëve myslimanë të Kosturit, Follorinës, Konicës, Janinës po shkon drejt përfundimit dhe refugjatët e krishterë, rumët, prej Azisë së vogël dhe Anadollit, janë sistemuar në pronat zaptuara të shqiptarëve, vërejmë se grekët po vazhdojmë më tej, për të mos lënë këmbë shqiptari në Epir dhe përzënë edhe banorët e Çamërisë”. Më tej ai vazhdon: “Qarkullojnë zëra për heqjen nga Çamëria (Epir), të pesë mijë shqiptarëve, që i detyrohen këmbimit të detyrueshëm”. “ Në rast se këto zëra janë të themelta, unë jam i ngarkuar nga qeveria e ime të protestoj energjikisht pranë Komisionit Mikst. Ky vendim faktikisht, është në kundërshtime me përmbajtjen dhe me frymën e deklaratës së të dërguarve turq e grekë në konferencën e Lozanës, deklaratë e përsëritur përpara Lidhjes së Kombeve nga i dërguari grek, Sh.T. Z. Caklamanos, i njëjti që kishte pranuar të qenët me vend të kërkesës shqiptare në Lozanë” (A.q.sh.F.251.V.1925. D. 131/2 f. 112-113).

 Duhet të theksojmë se në këtë valë, që në vitet 1924-1925, “pastroi, nga elementi mysliman shqiptar krahinat e përmendura më sipër, dhe i shpëtuan përkohësisht shumica e banorëve çamë myslimanë të katër krahinave të saj: Marglliç, Paramithi, Gumenicë dhe Filat (në këtë kohë u dëbuan vetëm 5000 çamë). Mendoj se, në sajë të luftës vetëmohuese të çamëve, që ishte e organizuar me mirë se në trevat e tjera shqiptare, nivelit kulturor më të ngritur të kësaj krahine dhe rolit që luajti Abas Dine, deputet çam, në parlamentin e Greqisë në atë kohë. Kështu, në këtë kohë u arrit që grekët të pranonin se çamët myslimanë ishin me kombësi shqiptare, gjë që e mohuan për ata të trevave të tjera dhe e gjetën pretekst për t’i dëbuar me dhunë.

Për të bërë të qartë problemin për të cilin po shkruajmë se nuk kemi të bëjmë me çështje çame por çështje shqiptare po sjellim disa dokumente, si:

  • 493. Legata shqiptare në Athinë i drejtohet anëtarit të komisionit mikst të këmbimit të popullsisë E.E. Ekstrand: Athinë, 9.prill.1924: Zoti i Deleguar: Në vijim të bisedës sonë të fundit, kam nderin t’u dërgoj bashkëngjitur një listë të fshatrave në prefekturat e Janinës, Kosturit e Follorinës ku, sipas të dhënave të mija, popullsia i përket racës shqiptare. Mendoj se do të ishte me vend të pranohej ky fakt….Fshatra të pastër shqiptare në: dhe përmend emrat e 41 fshatrave……Pranoni Zoti i Nderuar…..AQSH.F251V.1924.D.85.F4-6 (K.Naska. “Dok. për Çamërinë
  • 1324. Legata shqiptare në Athinë i drejtohet ministrit MPJ Tiranë: Athinë, 12.gusht.1924. Ku thuhet se popullsia shqiptare nuk mundi të shprehte dëshirën e vet pasi nuk i pa anëtarët e komisionit mikst: me këtë u morën xhandarët; ata i dëbuan shqiptarët e Follorinës dhe Kosturit, i ndoqën përpara tyre, i nxorën nga shtëpitë dhe flakën ne Azinë e vogël… AQSH.F251V.1924.D.84.F.94-98 (K.Naska. “Dok. për Çamërinë
  • 561. Letër z.Mithat Frashëri drejtuar ministrit MPJ Tiranë. Athinë 12.maj.1925. ….Kjo situatë më jep kurajën të heq edhe një herë akoma vërejtjen e Shkëlqesisë Suaj mbi këto dy pika: 1. Duan bërë hapa energjike për ata të 30.000 Shqiptarë që u përzunë me dru nga Kosturi dhe Follorina ( për këta Shqiptarë, Shkëlqesia e Juaj do gjeni hollësina në më tepër se 50 raporte të mij) …… AQSH.F251, V.1925, D.131.F.297 (K.Naska. “Dok. për Çamërinë
  • Më 6 shtator të atij viti Zoti Mithat, i drejohet ministrit me një tjetër letër, ku ndër të tjera shkruan se:…1. Z. Ekstrand punon çiltazi kundër Shqipërisë dhe që ay u ba shkaku të përzihen nga Kosturi dhe Follorina 35.000 Shqiptarë.F251, V.1925, D.131/1.F.151-53(K.Naska. “Dok. për Çamërinë

 Dihet që pjesa me e madhe e kësaj popullsie u vendos në Turqi kurse një pjesë erdhi këtej, në shtetin shqiptar. Shqiptarët me origjinë nga trevat Follorinë – Kostur – Hurupisht (Argos Orestiko), e deri Konicë e Grebene u vendosen sidomos në Devoll, Bilisht, fushën e Korës (krijuan disa fshatra), Maliq, Lushnjë (qytet, një lagje të tij dhe disa fshatra), Elbasan, Sukth etj. Për sa i takon numrit të tyre sipas hulumtimeve të shoqatës së kësaj popullsie, sot ajo arrin në mbi 100 000 vetë.

Shtroj pyetjen, kjo popullsi që ka të njëjtin fat me çamët, a nuk ka të njëjtat të drejta me ata?

Kjo është e vërteta e shkuar historike. Por, pse mohohet kjo e vërtetë e madhe. Pse ajo nuk ngrihet nga politikanët tanë? Pse, së paku, nuk reflektohet në tekstet tona shkollore? Në Korçë dhe Himarë nuk ka pasur dhe nuk ka asnjë grek dhe pretendohet se ka, dhe madje kanë edhe shkolla. Por si është e vërteta sot në këto treva shqiptare ne Greqi? At Antoni Bellushi shkruan se në 1995 në Follorinë janë ende 9 fshatra që flasin shqip. “Richerche e studi tra gli Arberori Dell’Ellade”.

Arben Llalla në studimin “Demografia e Viseve Shqiptare në Greqinë e Veriut. Tetovë 2013”, ka shëtitur në Greqi dhe nxjerrë të dhëna që shqip flitet ne rreth 30 fshatra të Trakisë Greke. Sipas tij, shumë studiues si Aristidh Kola, Kosta Kazaqi, dhe Evangjelos Gr. Avdhikos, shkruajnë se në Trakinë lindore rreth lumit Evros, banojnë mbi 40.000 shqiptarë. (fq.128), Ata, janë shprehur disa herë nëpërmjet shtypit dhe televizioneve shqiptare, për kujdesin që duhet të ushtrojë shteti grek të cilit i përkasin sot, por edhe nga shteti mëmë Shqipëri për hapjen e shkollave në gjuhën amtare shqipe në komunën e Tiqeros, ngjashëm me të drejtat e shkollimit që minoriteti grek dhe minoritete të tjera i gëzojnë në Shqipëri.

Bazuar në këto fakte, pse ne vëllezërit e tyre të një gjaku heshtim? Apo pse duke menduar se po folëm, greku do te na bëjë gjëmën. Por, çfarë ndodhi pas deklaratave të Kryeministrit tonë në interpelancës me Zotin Dule për kishën “greke” në Himarë. Pse nuk u ndjenë grekët pas deklaratave të tij? Pse nuk vepruan siç kanë vepruar këto 25 vjet? Kuptohet, sepse Ne kishim dhe kemi të drejtë.

 Trajtimi i këtij problemi si ÇESHTJE SHQIPTARE me GREQINE dhe jo thjesht si ÇËSHTJE ÇAME, do bëjë që problemet tona si shqiptarë që kemi me grekët të zgjidhen më plotë, më shpejt dhe më me drejtësi. Fatkeqësisht partia çame, vazhdon t’i përmbahet vetëm problemit të tyre, ky është një faktor kryesor dhe  ka bërë që e njohur të mbetet vetëm çështja çame dhe jo realiteti i plotë i trojeve shqiptare dhe shqiptarëve në trojet e tyre etnike në Greqi.

 

June 6, 2016 10:38
Komento

20 Komente

  1. Vertet Thesproti June 6, 11:23

    Çeshtja Shqiptare. Kjo eshte zgjidhja. Greqia eshte mbeshtetur ne mashtrim, dhe llastim. Nuk eshte me epoka e luftes se ftohte. Nuk ia ka nevojen kush (perveç Rusise dhe Kines). Themelet e shtetit te sotem grek jane arberore-arvanitase. Greket e sotem jane bukeshkale.

    Reply to this comment
  2. Gezim Boçari June 6, 14:39

    Te sakta dhe te argumentuara gjithe sa shkruani por por por te drejtat e çameve kane mbeshtetje fallco nga deputetet e Kuvendit te Shqiperise. Asnje deputet nuk ka sy e faqe te kerkoje te drejtat e çameve ne Greqi, kur ata me ligjet qe miratojne shkelin Kushtetuten dhe ju mohojne pronat shqiptareve ne Shqiperi. Shiko ligjet per legalizimet, dhe ligjin e fundit nr 133 te vitit 2015 . Asnje deputet apo jurist nuk ka forcen juridike qe ta debatoje kete ligj me perfaqesuesit e Shoqates se Pronareve qe ankohen per shkelje te Kushtetutes.

    Reply to this comment
  3. Artan Sejko June 6, 14:44

    Ne dijenine time ne jemi I vetmi komb qe falim historine pasi na kane rrembyer gjeografine.
    Mendoj se autori i shkrimit duhet te shkruaje vazhdimisht deri sa te sensibilizoje opinionin shkencor, ate publik dhe me gjasa edhe ate politik
    Pershendetje

    Reply to this comment
  4. anticensurë 25642654 June 6, 15:15

    “Greket e sotem jane bukeshkale”pak si gabim!!
    shqiptarët,tipat e turkofagosit,andreasit,klizmës që në greqi janë shëndruar më gërk se gërku,ata janë bukshkalë!!ata shkelin mbi gjakun e tyre!!
    gërkut nuk i vë faj!!tradhëtarit po!!
    shiko gjithandej kush janë më antishqiptarët!
    ata “grekë” që flasin shqip,që paraardhësit e tyre kanë folur shqip!!
    greku i vërtetë nuk ka faj kur shqiptari i greqizuar ulëret “poshtë shqiptarët”,”vdekje shqiptarëve”,kur shqiptari është ai që masakron shqiptarët sepse ata janë të një besimi tjetër!!të duket vetja sikur ke të bësh me turrmat kanibale të ISISit!!

    Reply to this comment
    • beni June 6, 17:40

      Feja gjithnje ben politiken,edhe pse thuhet se valla ska te bej me politike!
      Mir eshte qe te integrohen ne kulturen europiane,qe te mos kemi probleme ideologjish mysliman apo i krishtere,vetem keshtu shqiptaret do te behen bashke,ndryshe gjith jeten ata qe luftojn pèr pushtet do ta shfrytezojn fene per interesat e kolltukut si psh,shpetim idrizi me shoke paguhet nga erdogani e amerikanizmi qe ti mbaj pezull e kurre mos integrohen e te punojn per interesä jo te europes por per tej atllantikut e diktatorve orjentale nga te cilet ka vojtur e vazhdon te vuaj shqiperia!

      Reply to this comment
  5. Kola June 6, 17:11

    Shkrim i qelbur revanshist dhe provokues. Si ceshtje politike ne pergjigje te provokimeve te vazhdueshme greke, ajo ka rendesine e vet. Por kaq dhe asgje me teper. Camet e kane ndyre folene e tyre, si ne Greqi, ashtu edhe ne Shqiperi. Krijimi i partise se cameve ia le ekskluzivitetin e zgjidhjes, kesaj partie dhe mua as me kertcet fare ne zgjidhet apo pirdhet. Ai eshte problem cam, e jo shqiptar.

    Reply to this comment
    • 30vjetoriDurres June 6, 19:41

      o kol,a e ke bo shurren sot?
      po hik o lagaraq,se nuk perfaqeson shqipetaret ti!!

      Reply to this comment
    • Shqipja June 6, 19:44

      Kush je ti more kola I pjerdhur e I dhjerur.
      Camet Jane Shqiptare ashtu si myzeqaret labet kosovaret.
      Eshte ceshtja e te gjithe atyre qe e Kane gjakun Shqiptar.
      Cameria kjo krahine e pasur ne kulture e tradita.me mire qe kane besimin musliman se do te ishim zhdukur Po te ishin ortodoks si camet e tjere qe sot I thone vetes grek apo atyre 300000 shqiptarve ortodokse me maqedoni.
      Vetem kush eshte ne partine e saliut se I sherbet serbit flet me kete gjuhe.
      Roofshin vellezrit tane te nderuar came.jemi me ju.do vonoje por do ta marim Camerine.
      Gazeta dita eshte e drejte ime te flas

      Reply to this comment
    • ajfon4 June 6, 21:09

      Kola-qis, vetem nga komenti nuk eshte zorr qe te kuptohet se 400 milliard dollarshi, qe eshte vlera aktuale e reparacionit nga Greqia ne dem te Camerise Shqiptare pa llogaritur ketu genocidin, ja ka ndezur byçen Athines dhe gjakprishurve si puna jote. Per cdo shqiptar te vertete qe nuk e ha buken me turp, Cameria eshte dhe do mbetet pjese e trungut shqiptar. Per grek-qir si puna jote pastaj eshte nje tjeter mundesi per disa evro me teper te cilat gjithsesi mbeten te lyera me gjakun e pafajshem te te pareve te mij. ,

      Reply to this comment
  6. shqiptar komplet June 6, 18:36

    Kush eshte ky historian I forte. Se kisha degju ndonjere . Qenka me te vertete historian.Ma i forte se Xhufi bile.

    Reply to this comment
  7. Bledi June 6, 20:24

    Njeri ben thirrje per tu armatosur kunder njeri tjetrit, e tjetri per t’ju versulur grekut. Te dhjefsha mu ne politikane qe na rane pjese.

    Reply to this comment
  8. [email protected] June 6, 22:43

    BRAVO I QOFTE ARTIKULL-SHKRUESIT.
    je i nji mendimi me mua,plasa duke bere komente perdite,per te sensibilizuar nji pjese te vellezerve te mi shqiptare.
    Askush nuk kerkon me shume se hakun.
    artikull i persosur dhe i drejte,bravo !

    Reply to this comment
  9. padrino June 6, 23:30

    Shkrim , i sakte koplimente autorit, cdo gje qe shkruan, e bazuar, ne fakte, dhe u referohet dokumenteve te kohes.

    Reply to this comment
  10. Onkezmi June 7, 02:35

    Po te kesh mendje si te Koles dhe kolaqeve,Shqiperia nuk do te ekzistonte.Plehra ka dhe do kete,por duhet ti trgohet vendi.Shkrimi eshte absolut i vertete dhe me finese diplomacie.Tregon per trojet shqiptare,ku derivat i saj eshte dhe ceshtja Came.Lexoje dhe hap sy dhe e vesh,nese do te shikosh dhe mesosh,pa popla nga maja e malit,leshojne dembelet dhe liliputet…

    Reply to this comment
  11. Amerikani... June 7, 09:35

    Problemi çam eshte nje çeshtje e “vogel” brenda çeshtjes shqiptare me Greqine…Pra problemi jone me greket , eshte çeshtje territori,..dhe kjo nuk eshte axhende e askujt per momentin…Kur te zgjidhet problemi i kufinjve,…atehere mund te flitet per “çeshtje ” çame…”Historia eshte ne formen e globit,…qe perveç te tjerash, duhet shikuar nga te gjitha pikat…”Kolera turke ,shperbleu me prona ate pjese te popullsise se islamizuar, ne kurriz te pjeses tjeter te popullsise…Ky eshte fakt i njohur historik…ku per qudi pronaret e medhenj tokash, rezultojne te jene shumica musulmane…por me “defter” turk…! Shpernguljet e popullsive musulmane qe nga Venizellos deri tek Rankoviçi, jane pasoja te marreveshjeve te fshehta antishqiptare,turko-greko-sllave…!Nga ana tjeter, keto shperngulje, shihen edhe si “larje mekatesh” nga kjo pjese e popullsise…!Vetem kthimi ne identitetin tone Europian, na jep te drejten qe te kerkojme qe te ndreqen te gjitha padrejtesite shekullore qe na jane bere pergjate historise…!

    Reply to this comment
    • .... June 7, 13:26

      Lexo Noel Malcom dhe shume studjues te kohes dhe shume gjera persa i perket tokave e pronave te Cameve Musliman jane te rregjistruara ne rregjistra te rregullt te Turqise per interesat e saj qe te mblidhte taksat. Dhe sa per dijeni shumica e Cameve Musliman nuk ishin pronare tokash por artizan dhe tregtare shume te afte. Keto qe po thua ti , po ben genjeshtrat e Grekut duke perzier te vertetat me genjeshtrat…..Gjithashtu duke llogaritur qe pothuajse i njejte ishte numri i Cameve Ortodokse pronar tokash ne raport me popullsine. Cka do te thote qe pronat kane qene gjthmone te trasheguara dhe pushtimi Grek ne 1913 filloj ASIMILIMIN me metoda te dryshme kundrejt Muslimaneve dhe Ortodokse. Camet jane AUTOKTON. Nji nga keto ishte politika , pikerisht asaj qe ti po ja meshon ‘.larje mekatesh’. Prandaj mbaj gojen o plehr se Camet nuk i kishin BORXH Grekut dhe as kujt tjeter.

      Reply to this comment
  12. Amerikani... June 7, 09:39

    Problemi çam eshte nje çeshtje e “vogel” brenda çeshtjes shqiptare me Greqine…Pra problemi jone me greket , eshte çeshtje territori,..dhe kjo nuk eshte axhende e askujt per momentin…Kur te zgjidhet problemi i kufinjve,…atehere mund te flitet per “çeshtje ” çame…”Historia eshte ne formen e globit,…qe perveç te tjerash, duhet shikuar nga te gjitha pikat…”Kolera turke ,shperbleu me prona ate pjese te popullsise se islamizuar, ne kurriz te pjeses tjeter te popullsise…Ky eshte fakt i njohur historik…ku per qudi pronaret e medhenj tokash, rezultojne te jene shumica musulmane…por me “defter” turk…! Eshte fakt historik, qe kjo pjese e popullsise se shperblyer , ka bashkepunuar me çdo lloj pushtuesi, per te mbrojtur keto privilegje…! Shpernguljet e popullsive musulmane qe nga Venizellos deri tek Rankoviçi, jane pasoja te marreveshjeve te fshehta antishqiptare,turko-greko-sllave…!Nga ana tjeter, keto shperngulje, shihen edhe si “larje mekatesh” nga kjo pjese e popullsise…!Vetem kthimi ne identitetin tone Europian, na jep te drejten qe te kerkojme qe te ndreqen te gjitha padrejtesite shekullore qe na jane bere pergjate historise…!

    Reply to this comment
  13. Lpl. June 7, 09:50

    A keni vrare mendjen ju mislimanet pse brezi jadhtem qe ruajti Turqia deri vone eshte Qind per qind misliman ?Ketu u perdor me shume asimilimi tokat ishin te mira se ne mbrendesi ishin te izoluar nga kjo trysni mislimane male dhe keneta ku jetonin te Krishteret dhe pjesa tjeter e qyteteve qe ishin te banuar nga te Krishteret punonin ne administrate se mislimanet ishin pa shkolle .Nga 1821 deri ne 2912 jane gati 200 vjete kohe e mjaftueshme per te ndryshyar popullsine dhe per tju nderruar identitetin sot edhte e veshtire me asimiluar popuj por atehere ishte e thjeshte fhe procesi i asimilimit zgjaste sa ndryshonte fene sepse u vishte ndryshe pershendete ndryshe pak vite duhen sa ben me mesuar nje gjuhe .Camet jane popullsi e perzier ata shihen ne fytyra se nuk jane vendali nje pjese shihen ne koke edhe emrat i kane si Irakenet nje pjese jane Serbe Vllahe e nje pjese fise te vjetra.Keshtu edhe mislimanet e Maqedonise brezi tjeter masiv te perzier dallohohen ne pamje edhe keta emrat si Irakenet e kurdet lugina presheves Novi pazari Plave Rrezhaje Pofgorice Ulqin Kosova pak te Krishtere mrenda se brezi jashtem ishte i blinduar me mislimane dhe keta ishin shumica dermuese kolon te ardhur me vite pushtimet per kete arsy jane bere per te ndare placke ju kujtoni se kane ardhe me zhvilluar popullin ata te kane marre pronen e vrare e sunduar e detyruar te largohesh .Keshtu edhe Kosova duan edhe kishat e Manastiret mislimanet me zhdukur edhe ate histiri te lavdishme te Krishterimit qe ka mbrojte Serbia .Ushtria nuk edhte shperblyer me prona te plackitura pastaj ata kush ka pase familje e ka terhequr tjetri e ka krijuar me femra vendase . Nuk e kuptoj si nuk ju ben pershtypje pse jane mislimane shumica e brezit kjo idhte politika e gardhit.Keta kane varreza para pushtimit Turk ti hapin te gjejne adenen jo se hyn ne pune por per te qetsuar veten e tyre ta dine kush jane cfare kerkojne dhe mos te vazhdojne si me qene nen pushtimin Turk efhe eshte me forta te gjithe mislimanet bertasin me te madhe ne jemi Ilire ky ndoshta eshte nga Iranii ose iraku e ben me vendali se ne na kane pervetsuar edhe flamurin gati na kane bere edhe pak qe ne ta urrejme edhe historine ky eshte pushtimi i dyte i joni qe po ndoll sot nga mislimanet qe jane mrapambetja e perandorise Turke .Ky gje qe po ndoll sot na ka izoluar me boten dhe po na lene ne mrapambetje te zgjatur vete fakti qe ne si Shqiperi Bosnje Kosove Maqedoni nuk meret kush me ne pa kerkuar paqe dhe pa ndryshuar islamizmin ne mentalitet sepse ne me kete kulture nuk japim garanci per paqe dhe ne do ngrlemi ne vsrferi e injorance te zgjstur asnje nuk na ndihmon ne kete gjenfje qe jane mislimanet se jane ksh i kundert .Kemi Sirine qe jane larguar neqoftese konflikti vazhdon keta nuk kthehen me dhe Sirine e banojne te tjere e behen Sirjane kedhtu ka ndodhur me Shqiperine nuk u kthyen me te larguarit nga pushtimi Turk dhe vendet i zune kolonet qe asnje nuk e permend nuk ka lufte qindra vjecare pa kolone ,vendasit nuk jane larguar kurre as ngaGreket as nga Serbet as atehere qe thuhet ae Serbet Erdhen por mua nga pamja me duken si ne Sqiptaret me tradita dhe kulture te njejte dhe arsyeja tjeter per Serbet se erfhen si cobaj nuk eshte e vertete ata u bene shtetti me i organizuar me drmokraci mbreteri e Krishterim qe ne 1050 nje popull pa kulture organizimit nuk do kishte arritur gjithe ate lavdi keshtu qe ne te ashtuquajturit Shqiptare te shohim me realisht se na sherben te gjejme rrugen e drejte dhe jo ne injorancen tone qe vaxhdon e na mban te zhytur me koke poshte me Shekuj te kerkojme paqe se ata jane te gatshem mos me u marre me me te kaluaren se sjo nuk sherben me ne kete kohe .

    Reply to this comment
  14. Fatherland June 7, 12:31

    Ceshtja came, ceshtja shqiptare, shkurt Ceshtja Kombetare, do NACIONALIZEM!
    Por..A jemi popull Nacionalist?
    Per fat keq JO! Nderrojme emra, nderrojme shtetesi. Sepse komunizmi na beri internacionaliste, ashtu dolem ne Europe ne 1991.
    Zgjidhja e ceshtjes kombetare behet kur populli eshte Nacionalist. Me politiken Globaliste sot kjo ceshtje eshte e mbyllur. Gjithkush mund te pyes vetveten : A zgjidhet ceshtja kombetare shqiptare me Nacionalizem apo me Globalizem?
    Sot Globalizmi kerkon te rrafshoje Nacionalizmin. Mjere ato popuj ku kjo gje realizohet. Nacionalizmi eshte gjaku i popujve. Mungesa e Nacionalizmit ne popull sjell anemine Globalizem, si njeriu me leucemi.

    Reply to this comment
Shiko komentet

Komento

Your e-mail address will not be published.
Required fields are marked*