Çfarë dihet për Gjirin e Lalëzit?

October 12, 2017 16:15

Çfarë dihet për Gjirin e Lalëzit?

I nderuar lexues!

Gjiri i Lalëzit (njihet ndryshe edhe si Gjiri i Shën Pjetrit) shtrihet në bregdetin shqiptar të Adriatikut midis Kepit të Rodonit (Muzhlit të Skënderbeut) në veri dhe Bishtit të Pallës në jug.

Emrin e ka marrë nga fshati Lalëz që gjendet pranë bregut verilindor të gjirit. Është i hapët nga ana e detit. Gjerësia e hyrjes është 20 km, gjatësia e vijës bregdetare 35 km.

Bregdeti me përjashtim të pjesëve që i përkasin Kepit të Rodonit dhe Bishtit të Pallës është i ulët, me laguna e vende-vende moçalor (laguna e Bishtarakës).

Në gji derdhen Erzeni, përroi i Tarinit dhe ai i Vorbës. Ata depozitojnë sasi të mëdha materialesh të ngurta dhe janë shkaku i ndryshimit të vazhdueshëm të vijës bregdetare të gjirit (e cila përparon në kurriz të detit) dhe e cektësisë së tij.

Gjiri mbrohet mirë nga erërat veriore, por është i hapët ndaj erërave të drejtimeve të tjera.

October 12, 2017 16:15
Komento

1 Koment

  1. Voica October 12, 23:19

    Nuk e lexova shkrimin. Vetëm nga titulli hyra për të bërë direkt një koment.
    Për gjirin e Lalëzit di që më kujton Ilir Metën dhe Sali & Co. Kaq. Këta e mundin gjeografinë.

    Reply to this comment
Shiko komentet

Komento

Your e-mail address will not be published.
Required fields are marked*