Çfarë ka qenë organizata gjirokastrite “Kundra Bastiljes”?

December 23, 2017 09:11

Çfarë ka qenë organizata gjirokastrite “Kundra Bastiljes”?

Organizata “Kundra Bastiljes” (1920-1924) ka qenë një shoqëri përparimtare e grave të Gjirokastrës që luftoi për emancipimin e tyre.

Me anë të një manifesti të shpallur në nëntor 1920 kërkonte të drejta të barabarta me burrin, daljen e gruas në dritë, arsimimin e saj dhe kushte më të mira jetese.

Në krye të lëvizjes qëndronte mësuesja përparimtare Urani Rumbo (në foto).

Shoqëria u përkrah nga mësuesit Thoma Papapano, Hysni Babameto etj, të cilët me shkrimet e tyre sulmuan me forcë “Bastiljen” e Shqipërisë, domethënë errësirën në të cilën ndodhej gruaja shqiptare.

Veprimtaria e shoqërisë dha rezultate të mira në arsimimin e vajzave, të cilat për herë të parë në vitin mësimor 1923-1924 filluan të ndiqnin mësimet edhe në Liceun e Gjirokastrës.

Ajo pati ndikim edhe në qytete të tjera të Shipërisë.

Veprimtaria e saj u ndërpre nën qeverisjen e Ahmet Zogut.

n.s. / dita

December 23, 2017 09:11
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*