Çfarë ndodhi në Kumanovë? Analiza e gazetarit veteran, Filipov

May 11, 2015 15:30

Çfarë ndodhi në Kumanovë? Analiza e gazetarit veteran, Filipov

Situata në Kumanovë është qetësuar tashmë dhe fundi i zhvillimeve tragjike të këtyre ditëve në qytetin e vogël maqedonas i ka lënë vend reflektimit.

Në fjalimin e mbajtur përpara gazetarëve të pranishëm në sallë dhe mbarë vendit, kryeministri Nikolla Gruevski lartësoi punën e efektivëve të policisë që parandaluan, sipas tij, vrasjen e ndoshta 8 mijë vetëve.

Më herët, Ministria e Brendshme u tregua e hapur mjaftueshëm sa për t’u përcjellë reporterëve informacione mbi vrasësit e përshkruar si “pjesëtarë të një prej grupeve më të rrezikshme që veprojnë në rajon”.

Emrin e grupit, ama, ajo nuk e tha. Rrethanat e ngjarjes së rëndë ngrenë pyetje të shumta dhe njëri prej personave që përpiqet të bëjë një analizim sa më të ftohtë të situatës është Kostadin Filipov, i cili ka qenë prej vitesh korrespondent i BNT-së në Europën Juglindore.

Po të mos kishte pasur kaq shumë viktima, ndër të cilët edhe policë, thotë ai, do ta pranoja pa ngurrim se i gjithë ky nuk ka qenë gjë tjetër veçse një inskenim i qeverisë së Gruevskit.

Filipov së pari e drejton gishtin tek “rehabilitimi personal i policisë”, për të vazhduar me atë personal të njërës prej figurave publike më të akuzuara për korrupsion dhe abuzim me pushtetin në vend, kreu i shërbimit sekret, Sasho Mijalkov.

Së treti, ai nënvizon faktin se çdo herë që ekzekutivi maqedonas ka tentuar të ruajë, siç thotë, stabilitetin, komuniteti kombëtar dhe ai rajonal e kanë mbyllur me sukses njërin sy përballë dhunës së brendshme.

Reporteri veteran është i bindur se akuzat e një organizimi të jashtëm, të cilave u mëshojnë me forcë autoritetet maqedonase, janë pa bazë.

Filipov vëren se si përplasjet pozitë-opozitë, që arritën kulmin me protestat e vazhdueshme në rrugë dhe thirrjet për dorëheqjen e qeverisë, koinciduan me këtë sulm.

Bën përshtypje, sipas tij, edhe gjuha e përdorur për Kumanovën nga ministrja e Brendshme, e cila është e mbushur me bindjen dhe nevojën e skicimit të një imazhi sa më të qartë të kërcënimit madhor apo të armiqve famëkeqë, a thua se maqedonasit nuk e gjykonin dot vetë se sulmuesit ishin të armatosur e të rrezikshëm.

Filipov gjen gjithashtu ngjashmëri të mëdha mes gjuhës së përdorur në këtë rast dhe etiketimeve të bëra ndaj liderit opozitar Zaev, të cilin edhe pse nuk e ka quajtur ndonjëherë hapur “terrorist”, qeveria e ka akuzuar dikur se po komplotonte për grusht shteti, e së fundi e ka përshkruar si “kërcënim për stabilitetin e vendit”.

May 11, 2015 15:30
Komento

3 Komente

  1. Zoro May 11, 20:27

    Per cfare terroristesh bejne fjale keta maqedonasit.Ushtria dhe policia maqedonase i ka shkaterruar plotesisht gati te gjitha shtepite e shqiptareve ne lagjen e “Trimave” bashke me shtepite cdo gje qe ndodhej ne to.
    Qellimi eshte i paster, shperngulje e shqiptareve etnik nga vendbanimet e tyre dhe zvendesimi i tyre me kolone sllave kjo e koordinuar edhe me serbet qe u gjenden edhe ata me polici e ushtri ne kufi jo papritur por ne kordinim me njeri tjetrin.
    Cfardo qe te demshperbleje qeveria kriminale e maqedonise demin shpirteror qe ju ka shkaktuar nuk e paguan dot.

    Reply to this comment
  2. roberto May 11, 20:43

    Po te ishte gjalle TRIMI ENVER HOXHA,jo vetem,qe maqedonasit nuk do ndermerrnin nje veprim te tille,por AI do t’i jepte ULTIMATUMIN E FUNDIT:
    -“LARG DUART E PERGJAKURA KUNDER SHQIPTAREVE SE PER 24 ORE JU SULMOVA”!!!

    Reply to this comment
    • Pëllumb zaimi May 11, 21:09

      Gruevsk Berisha i Maqedonisë dhe sali gruevski i Shqipërisë, vëllezër siamezë apo…? Sa të ngjajshme i kanë “komplotet” që organizohen kundër tyre dhe shtetit kur janë apo kanë qënë ata në krye! Duket sikur kanë bërë të njëjtën shkollë dhe kanë mësuar të njëjtët skenarë!

      Reply to this comment
Shiko komentet

Komento

Your e-mail address will not be published.
Required fields are marked*