Champions League, Real Madrid 11 herë kampion i Europës

May 28, 2016 23:41

Champions League, Real Madrid 11 herë kampion i Europës

Ata janë “mbretërit e Europës”. Reali i Madridit është shpallur për të 11-n herë kampion në Champions League, duke e fituar trofeun më të rëndësishëm për klube në finalen ndaj Atletico-s pas gjuajtjeve të 11-metërshave, pasi 120 minutat e lojës ishin mbyllur në barazim 1-1.

Sergio Ramos dhe Carrasco ishin autorët e dy golave të shënuar përkatësisht nga një për secilën pjesën. Megjithatë në fund vendimtar ishte sërish Ronaldo. Portugezi ktheu në gol penalltinë e pestë të Realit, ndërsa më parë kishte gabuar për Atletico-n Juanfran.

“Los Blancos” e nisën në mënyrë të shkëlqyer ndeshjen, duke kaluar në avantazh që në minutën e 15 me anë të mbrojtësit Sergio Ramos. Bale devijon topin që vinte nga një goditje dënimi dhe Ramos e dërgon në rrjetë. Lojtarët e Atletico-s pretenduan për pozicion jashtë loje, por gjyqtari nuk ishte i këtij mendimi.

Më pas, Atletico tentoi më shumë drejt portës së Realit, por pa arritur të gjejë golin e barazimit. Ekipi i drejtuar nga Simeone e nisi furishëm pjesën e dytë dhe menjëherë fitoi një 11-metërsh, por sulmuesi francez Griezmann u tregua i pasaktë, duke goditur traversën.

Më pas ndeshja u zhvillua thuajse e barabartë, ku Reali po tregohej i kujdesshëm duke e mbrojtur mirë rezultatin. Por ishte minuta e 79 e takimit, kur Carrasco bëri të heshtin tifozët madrilenë.

Belgu 22-vjeçar e dërgoi topin në rrjetën e Realit pas një krosimi nga krahu i djathtë duke barazuar rezultati. Minutat e mbetura, por edhe shtesa, dy herë nga 15 minuta nuk mjaftuan për të vendosur kampionin dhe u nevojitën goditjet e 11-metërshave.

Juanfran ndëshkoi ekipin e Simeones, duke gabuar penalltinë e katërt për Atletico-n, ndërsa madrilenët ishin perfektë, duke u kurorëzuar me titullin e 11 në Champions, si askush tjetër në Europë.

 

May 28, 2016 23:41
Komento

1 Koment

  1. Totila May 29, 02:54

    Cfare Kupe Kampionesh kur prej 1956-1960 ironia ishte se Reali nuk bente fare ndeshje kualifikuese por ndeshej direkt ne finale .
    Po sivjet rruga e Realit ku ne grup ishte skandaloze me 2 ekipe Krevati .
    Ne 16-she u ndesh me nje eki tjeter krevati ,ne cerek finale me Wolfsburgun dhe ne 1/2 finale me M.Cityn ku ndeshja u percaktua vetem nga nje Autogol .
    Sot 1-1 dhe u zgjidh nga pika e bardhe ,qe eshte fat .

    Reply to this comment
Shiko komentet

Komento

Your e-mail address will not be published.
Required fields are marked*