Danimarka ndalon mbajtjen e shamisë në hapësirat publike

May 31, 2018 16:02

Danimarka ndalon mbajtjen e shamisë në hapësirat publike

 

Parlamenti danez miratoi sot një ligj që ndalon mbajtjen e shamisë islamike (burka ose niqab) në hapësirat publike duke pasuar me këtë vendim vende të tjera europiane si Franca dhe Belgjika.

“Çdo person që, në vendet publike, mban një shami që i fsheh fytyrën, dënohet me gjobë”, thuhet në tekstin e miratuar me 75 vota pro dhe 30 kundër.

Projektligji, i hartuar nga qeveria e qendrës së djathtë, u mbështet gjithashtu edhe nga dy forcat e para politike në Parlament, socialdemokratët dhe Partia Popullore Daneze.

Duke nisur nga 1 gushti, datë e hyrjes në fuqi e ligjit të ri, çdo shkelje për ndalimin e mbajtjes së shamisë në vendet publike do të sanksionohet me një gjobë prej 1 000 korona daneze (134 euro).

Nëse shkeljet përsëriten, gjoba mund të arrijë deri në 10 000 korona.

a.s/dita

May 31, 2018 16:02
Komento

1 Koment

  1. Bregu May 31, 17:03

    Shume mire. Europa iu perket europuanve. Arabet e kane vendin ne Arabi, atje lejohet te mbahet e mbuluar fytyra.

    Reply to this comment
Shiko komentet

Komento

Your e-mail address will not be published.
Required fields are marked*