De Biasi: Kualifikimi në Euro 2016 ishte fitorja e një populli të ribashkuar

April 18, 2016 14:19

De Biasi: Kualifikimi në Euro 2016 ishte fitorja e një populli të ribashkuar

Gianni De Biasi ka thënë se kualifikim i Kombëtares shqiptare në Euro 2016 ka ardhur pas një ribashkimi të popullit shqiptar.

Kur kanë mbetur më pak se dy muaj nga starti i “Francë 2016” vazhdon ende të flitet për kualifikimin e Shqipërisë në këtë eveniment.

Kësaj here ky triumf është trajtuar nga televizioni i njohur “Eurosport”. Në këtë reportazh protagonist ishin disa prej lojtarëve kyç të Kombëtares shqiptare.

Trajneri Gianni De Biasi mendon se Kombëtarja e futbollit ka kryer një mision që shkon përtej “një arritje futbollistike”. Ai ka deklaruar se ky sukses erdhi si rrjedhojë e një bashkimi të fortë nga çdo shqiptar.

“Në jetë duhet të besosh gjithmonë në aftësitë e tuaja. Nëse nuk e bën atëherë është e kotë që shpreson. Kjo ishte fitorja e një populli të ndarë, por të ribashkuar nën një flamur. Ky është një aspekt i mrekullueshëm”, tha trajneri italian.

Më pas pjesë e reportazhit ishin edhe disa nga protagonistët e fushës si Berisha, Cana, Sadiku apo edhe Lenjani të cilët deklaruan se ka Shqipëria ka ndryshuar mentalitet dhe tashmë është një ekip me uri.

“Është diçka e pabesueshme. Kjo ka qenë ëndrra ime e madhe që në fëmijëri. De Biasi ka ndryshuar mentalitetin tonë. Jemi bërë një ekip solid nën drejtimin e tij. Me mençurinë e tij jemi kthyer në një ekip tjetër”, deklaroi Berisha.

Kurse, për kualifikimin e Shqipërisë për herë të parë, ka folur edhe kapiteni Lorik Cana.

“Për ne është një mundësi e madhe pasi kemi mundësi që t’i tregojmë të tjerëve se çfarë jemi të zotët që të bëjmë. Jemi të lumtur për tifozët tanë. Na kanë mbështetur edhe njerëz që nuk ndjekin futboll. Tek kjo kombëtare ato shikonin një motiv për t’u krenuar me Shqipërinë”, tha Cana.

April 18, 2016 14:19
Komento

2 Komente

  1. anticensurë 25642654 April 18, 15:14

    “Kjo ishte fitorja e një populli të ndarë, por të ribashkuar nën një flamur. ”
    uau
    u infektua dhe ky!
    prej pasaportës a do me i ra me top për pare??

    Reply to this comment
  2. gon April 18, 23:21

    Ju lumte trima! Faleminderit De Biasi!

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim

Njoftim