Debatet për Ligjin e Artit/ Ministria e Kulturës hap thirrje për konsultim publik

March 6, 2018 16:03

Debatet për Ligjin e Artit/ Ministria e Kulturës hap thirrje për konsultim publik

 

Ministria e Kulturës pas zhurmës dhe debateve që shoqëruan disa ndryshime të propozuara në Ligjin për Artin dhe Kulturën, së fundmi ka hapur një platformë online ku mund të përfshihen të gjithë grupet e interesit.

Njoftimi, i cili është bërë publik në faqen e ministrisë sqaron se:

“Pas konsultimeve me ekspertë dhe grupet e interesuara, Ministria e Kulturës, me qëllim përfshirjen e publikut të gjerë në procesin e vendimmarrjes, ka hapur thirrjen për “Konsultim Publik për ndryshime mbi Ligjin për Artin dhe Kulturën, nr. 10352, datë 18.11.2010”, që të këshillohet me të gjithë të interesuarit mbi propozimet për projektligjin”.

Ky shqyrtim me publikun, të cilin mund ta gjeni në web-in zyrtar të Ministrisë së Kulturës ju jep mundësinë që të lini sugjerimet tuaja mbi propozimet në secilën prej 12 faqeve, nen për nen.

Thirrja do të qëndrojë e hapur për një muaj, deri me datë 5 Prill 2018.

Më herët Ministria e Kulturës ka sqaruar se ky projektligj nuk synon ndryshimin e varësisë institucionale, të institucioneve qendrore të artit dhe kulturës, por parashikon lehtësira/ thjeshtëzim në procedurat ligjore për realizimin e veprimtarive artistike kulturore që kryhen me ligjin e artit dhe kulturës.

Nga ligji QKK dhe AQSHF dhe BK do të përfitojnë nga lehtësimi i procedurave si pjesë e varësisë nga MK, pasi me projektligjin e ri për artin dhe kulturën u lehtësohen procedurat e projekteve, çka nënkupton funksionim të dyfishtë, do të kryejnë veprimtarinë e tyre me ligjin e kinematografisë, edhe me ligjin për artin që propozohet sa i përket procedurave ligjore për realizimin e veprimtarive artistike.

Projektligji lehtëson në masën 100% , procedurat ligjore për projektet artistike në institucionet publike që në fushën e tyre të veprimit nuk kanë objekt artin dhe kulturën, ku do të përfitojnë njësitë e qeverisjes vendore dhe institucionet e tjera publike.

a.s/dita

March 6, 2018 16:03
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*