Depozitat në banka? Më mirë paratë “nën dyshek”

May 3, 2016 10:00

Depozitat në banka? Më mirë paratë “nën dyshek”

Interesi mesatar i depozitave në lekë për të gjitha afatet e maturimit zbriti në muajin mars poshtë 1%.

Sipas statistikave të Bankës së Shqipërisë, interesi mesatar zbriti në 0.94%, nga 1.17% në muajin e mëparshëm.

Për depozitat me afat 1 vjeçar, më të preferuara nga kursimtarët, interesi ka zbritur afër 1%, ndërsa dhe për depozitat afatgjatë, (5 vjeçare), interesi ka rënë në rreth 3.5%.

Kursimet një dhe tre mujore japin një kthim afër zeros, përkatësisht 0.49 dhe 0.39%.

Që prej shtatorit 2011, kur Banka e Shqipërisë filloi politikën agresive të lehtësimit monetar, duke orientuar bankat të ulin interesat e depozitave e kredive, kthimi nga kursimet është ulur ndjeshëm.

Në shtator 2011, nga depozitat 12 mujore, mund të merrje një fitim prej 5.9%.

Rritja e tatimit mbi të ardhurat nga interesi nga 10 në 15% nga janari 2015 ka ulur dhe më tej të ardhurat që kursimtarët merrnin nga interesat.

Kjo rënie e interesave ka bërë që depozituesit të tërheqin paratë nga kursimet 1 vjeçare.

Në mars, depozitat me afat të individëve në lekë ranë me 1.7 miliardë lekë, ndërsa me bazë vjetore janë tkurrur me 10%.

Ndërsa për kursimtarët rënia e interesave është një lajm i keq, për të gjithë ata që duan të marrin kredi në lekë, interesat janë më të lira se asnjëherë tjetër.

Statistikat e Bankës së Shqipërisë tregojnë se norma mesatare e interesit të kredisë në lekë (për të gjitha afatet e maturimit) në mars të këtij viti zbriti në 7.3%, një rekord minimumi historik.

 

May 3, 2016 10:00
Komento

1 Koment

  1. Arben May 3, 18:45

    MOS I MBANI PARATE NE BANKA, POR INVESTOJINI NE FLORI OSE PRONA, MUNDESISHT JASHTE SHTETIT, SA ME LARG EDVINIT DHE QEVERRISE SHQIPETARE NE PERGJITHESI.

    KETO JANE PASOJAT E ULJES SE NORMAVE TE INTERESIT.

    KJO BEHET NE MENYRE QE QEVERRIA KRIMINALE SHQIPETARE, TE MOS PAGUAJE INTERESAT PER PARATE QE U KA MARRE SHQIPETAREVE ME ANE TE BONOVE TE THESARIT DUKE VENDOSUR VETE SE SA INTERES DO TE PAGUAJ, SIPAS MIDESE SE SAJ.

    CMIMI I PARASE ESHTE CMIMI TEK ME I RENDESISHEM NE EKONOMINE E LIRE, PASI PARAJA PERBEN 50% TE CDO TRANSAKSIONI.

    VENDOSJA E KETIJ CMIMI, NJESOJ SIC VENDOSTE SISTEMI KOMUNIST KUOTAT E TOLLONAVE, CON PATJETER NE KETE SITUATE KU NJEREZIT I LARGOHEN PARASE NEPER BANKA.

    Reply to this comment
Shiko komentet

Komento

Your e-mail address will not be published.
Required fields are marked*