Dha gjithçka për Francën, por nesër luan kundër saj, Henry sfidon të kaluarën

July 9, 2018 11:27

Dha gjithçka për Francën, por nesër luan kundër saj, Henry sfidon të kaluarën

 

Francë-Belgjikë është gjysmëfinalja e parë e Kupës së Botës në program të martën në mbrëmje.

Një ndeshje shumë e veçantë specifikisht për Thierry Henry, i cili me transalpinët ka fituar gjithçka Botërorin e 1998 dhe Europianin e dy viteve më vonë dhe ka qenë një lider i Francës që nga viti 1997 e deri në 2010-ën.

Por që prej vitit 2016 ish-sulmuesi është një nga ndihmësit e trajnerit të Belgjikës Roberto Martinez.

Henry do të ketë ndjenja të përziera të martën në mbrëmje dhe kjo është një lojë e fatit.

Francezi për të kaluar në finale e Rusisë duhet të kalojë së pari të kaluarën e tij.

Vetë Henry ka dashur të mos i kushtojë shumë rëndësi këtij fakti duke thënë: “Unë nuk jam trajneri i Belgjikës, por një nga ndihmësit. Që kur kam ardhur u kam thënë njerëzve që të jenë të qetë pasi nuk ka Henry show. Unë jam këtu për të ndihmuar skuadrën dhe trajnerin Martinez”.

Ndërkohë ish-sulmuesi është ngacmuar nga Olivier Giroud, i cili ka thënë: “Më vjen shumë keq që Henry është në anën e gabuar të martën, por jam i lumtur që do ta përshëndes”.

a.s/dita

July 9, 2018 11:27
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*