Dhjetë epigrame dhe vargje të tjerë

May 13, 2017 11:27

Dhjetë epigrame dhe vargje të tjerë

1. Si Diogjeni

Do të dal në mes të ditës,
porsi Diogjen’ i hershëm,
do dal me qiri në dorë,
të gjej një njeri të ndershëm!

2. Të ligut-ose qymyrit!

O qymyr s’të bëj dot mik,
s’kam lindur për vetëmohim,
kur je i ndezur më djeg,
kur je i shuar më nxin!

3. Se më shajnë!

Se më shajnë aq më bën,
aq më bën e s’më prish punë,
se kur më kafshon një qën,
nuk mund ta kafshoj dhe unë!

4. Era e hudhrës!

A e dini ju-o njerëz,
një fjalë plot ëmbëlsirë,
erë e hudhrës e mbyt keq,
dhe parfumin më të mirë!

5. Pa titull

Të shikoj e bëj çudi,
pisllëku si s’të zë frymën,
më vjen keq të të pështy,
jo për ty-po për pështymën!

6. Ti s’meriton…
Nuk ka në Botë një manastir,
ku ti të shkosh e të rrëfehesh,
ti je i gjithi shkretëtirë,
nuk meriton as të urrehesh!

7. Të mirit

E hodhën në kosh të plehut,
t’i merrnin nderin të mirit,
po ai kosh i shëmtuar,
mori vlerën e floririt!

8. Pa titull

Në shtigjet e jetës kudo që të shkosh,
nëse do të paktën shpirtin ta shpëtosh,
dhe në mos besofsh Krisht e Perëndi,
gjej gjëkund një kishë dhe ndiz një qiri!

9. Fale prostitutën!

Fale prostitutën-zemrën e lënduar,
paqe edhe shpresë jepi ti asaj,
po mos e fal mbretin-mbretin e penduar,
që shkoi në thikë mijëra të pafaj!

10. Mos!

Para fukarait,
mos ha mish të pjekur,
atij që do paqe,
mos ja kthe me hekur!

May 13, 2017 11:27
Komento

1 Koment

  1. vjola May 13, 17:40

    Njera me kuptim plot se tjetra . Ju faleminderit

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim