DHJETË EPIGRAME

May 28, 2017 17:45

DHJETË EPIGRAME

1. Do vijë dita…

Sado koha të vonohet,
patjetër do vijë një ditë,
çdo gënjeshtër do ndëshkohet,
çdo e vërtetë do dalë në dritë!

2. Pa titull

Besnikëria,
një virtyt i artë do të ngelet,
po pabesia,
të shkul nga themelet!

Pa titull

Muza edhe vargu gjallë më mban,
gjithnjë shkrova vargje pa kapistër:
“Një ministër mund ta bësh çoban,
po çobanin s’e bën dot ministër!”

4. Burrë i mençur

Kur u kthye nga kurbeti,
burrë i mençur qe Agimi,
se shurdhit i dhuroi syze,
qorrit-aparat dëgjimi!

5. Premtimet

Kush të premton lugë floriri,
o Arben-o Arben nuri,
do të të lozë nga fiqiri,
se s’të jep as lugë druri!

Poeti dhe ustai

Zihej poeti me ustanë,
me sherr e ndezën gjithë natën,
po gjërat dot nuk i ndanë,
kush penën-kush darën-kush daltën!

7. Kur u ndanë…

Kur u nda “E imja” dhe “E jotja”,
fillimisht njerëzit shpikën portat,
edhe kur hendeku u thellua,
shpikën çelësat edhe kasafortat!

8. Pa titull

Edhe të vërtetës i vënë bisht,
po nga kjo hiç mos u mërzit,
ai bisht do bjeri-sigurisht,
se tek e vërteta bishti s’ngjit!

9. Pa titull

Natyrisht është e vështirë,
fjala të zërë vend vërtet,
duhet të mendohesh mirë,
kujt i flet dhe ku i flet!

10. Pa titull

Askush s’ka të drejtë të thotë,
se Bota e gjithë është rrëmujë,
po të mos kishte idiotë,
të mençurit s’do dilnin mbi ujë!

May 28, 2017 17:45
Komento

Ende pa komente

Ende pa komente!

Je i mirëpritur. Bëhu i pari që komenton këtë artikull. Kujdes etikën.

Komento
Shiko komentet

Komento

Your e-mail address will not be published.
Required fields are marked*