Dhunohet kambisti në Peqin, grabitësit me maska ia marrin të gjitha paratë

Nga Arkiva

• Letër e Mitrush Kutelit për Mustafa Greblleshin: Ju rrëfej grabitësin Shuteriqi 10 01.Nov
• Studimi në Porto Riko, “Maria” u mori jetën mbi 4.600 vetëve, jo 64! 0 29.May
• Arrestohet 21-vjeçari, nxori në rrugë të dashurën me foshnjën 8 muajshe për të lypur 1 29.Aug

Tre persona të armatosur dhe të maskuar kanë hyrë në një banesë në Peqin dhe kanë grabitur me dhunë paratë dhe valutën që kishte çifti i bashkëshortëve.

Kryefamiljari i dhunuar dhe i grabitur është një kambist i njohur i qytetit të Peqinit me inicialet L.T, shkruan Ballkan Web.

Ai ka qenë në gjumë sëbashku me bashkëshorten, kur grabitësit janë futur në banesë.

Çifti është kërcënuar me jetë nga tre persona të armatosur, dy prej të cilëve me kallashnikov dhe njëri me pistoletë.

Grabitësit kanë qenë të maskuar dhe kanë arritur t’u marrin të gjitha paratë dhe valutën që kishte në shtëpi kambisti.

Policia ka shkuar menjëherë në vendin e ngjarjes dhe ka marrë në pyetje çiftin në fjalë.

Ndërkaq, zyrtarisht nuk është dhënë asnjë detaj rreth kësaj ngjarjeje që ka ndodhur pas mesnate, rreth orës 01:30 të kësaj të diele, në afërsi të spitalit bashkiak të Peqinit.

s.a/dita