Dibër, digjet makina e djalit të kreut të bashkisë

March 3, 2016 11:06

Dibër, digjet makina e djalit të kreut të bashkisë

Makina e djalit të kryetarit të Bashkisë së Dibrës është djegur në orët e para të ditës së enjte. Burime policore lokale bëjnë me dije se ngjarja ka ndodhur rreth orës 01 e 30, në lagjen “Aksioni”, kur automjeti tip “Benz” i klasit “A” dhe targën “AA 330 HM” është përfshirë nga flakët.

Forcat e policisë të mbërritura në vendngjarje, pasi janë shuar flakët kanë verifikuar se makina ishte në pronësi të shtetasit Klodian Xhelili, djali i kryetarit të bashkisë.

Automjeti ishte parkuar përpara oborrit të shtëpisë dhe kanë qenë fqinjët e familjes Xhelili që kanë parë të parët flakën dhe kanë njoftuar familjen.

Agjentët e policisë, pasi kanë kryer ekspertizën e parë kanë arritur në përfundimin se zjarri ka qenë i qëllimshëm dhe kanë nisur hetimet për identifikimin e autorëve.

Dyshimet e para të hetuesve lidhen me punën e të atit të Klodian Xhelilit, kryetari i Bashkisë së Dibrës.

March 3, 2016 11:06
Komento

2 Komente

  1. mesila March 3, 11:53

    na plasi k….

    Reply to this comment
  2. kujt i plasi March 3, 22:39

    hajde se blen babi tjeter.. me te mire se kjo…

    Reply to this comment
Shiko komentet

Komento

Click here to cancel reply.

Your e-mail address will not be published.
Required fields are marked*