Dibër, Shehu: Buka, uji dhe energjia nuk do të mungojnë

Nga Arkiva

• “Mos i fyeni studentët duke i krahasuar me Lulin” 0 14.Dec
• Rama risjell raportin e BB: Ekonomia u rrit nga investimet e fuqishme 1 11.Apr
• Bushati e Stoltenberg diskutojnë rreziqet e sigurisë në një rreze prej 360° 1 10.Dec

Kandidati për kryebashkiak i Dibrës, Sherefedin Shehu zhvilloi një takim me gratë dibrane. Zoti Shehu ka vlerësuar sakrificën e grave dibrane për të përballuar situatën e rëndë ekonomike dhe papunësinë e lartë në këtë bashki.

Sherefedin Shehu tha se pjesa më e madhe e administratës së drejtuar prej tij do të jenë gra.

“Bashkia ka disa mundësi dhe ato mundësi do të shfrytëzohen maksimalisht që ju të keni një mundësi punësimi. Do të nxisim sipërmarrjen, atë që mund të bëjnë gratë këtu edhe administrata e bashkisë do të dominohet nga gratë dhe nga vajzat”, u shpreh Sherefedin Shehu.

Duke u ndalur në mënyrë të veçantë tek familjet në nevojë ekstreme, Shehu tha se Bashkia do të marrë të gjitha masat që të paktën buka, uji dhe furnizimi minimal me energji elektrike të mos mungojë.