“Diplomat”/Prokuroria i kërkon ministrisë së Arsimit regjistrat e Universitetit “Kristal”

March 7, 2018 15:28

“Diplomat”/Prokuroria i kërkon ministrisë së Arsimit regjistrat e Universitetit “Kristal”

 

Prokurorët e Tiranës kanë këqyrur regjistrat e dorëzuar nga universiteti “Kristal”, pasi u mbyll në vitin 2014.

Ky veprim hetimor është zhvilluar për të konfirmuar nëse për shitjen e diplomave, ka apo jo brenda këtij institucioni bashkëpunëtorë ish-pronari i “Kristalit”, Ahmet Muçaj.

Ndërkohë, diploma e sekuestruar gjatë arrestimit të 69-vjeçarit është dërguar në laboratorin e kriminalistikës për të marrë një përgjigje shkencore nëse ky dokument është falsifikuar apo jo.

Diploma ka të dhëna të rreme si nisje të vitit akademik 2010 dhe vit përfundimi 2013, pra pak kohë përpara se universiteti të mbyllej, ndaj ajo që duan të kuptojnë prokurorët është nëse ky dokument lëshohej me ndihmën e ndonjë personi që ka akses në regjistrat e bllokuar apo është tërësisht fals.

Pavarësisht dyshimeve, paraprakisht grupi i hetimit konstaton se numri i amzës së diplomës së blerë nga shtetasja Rudina F. është shkruar me bojë të njomë.

Ndërkohë që firmat e dekanit dhe e kancelarit janë realizuar përmes procesit të skanimit.

Fotokopjimi i firmës së Arben Llojes shton dyshimet se diploma është false dhe e prodhuar në një laborator nga persona të paidentifikuar.

Por që të binden plotësisht për këto pikëpyetje prokurorët dhe oficerët e krimit ekonomiko-financiar duhet të krahasojnë edhe regjistrat që universiteti kristal dorëzoi menjëherë pasi u mbyll, pra në vitin 2014.

“Ne po hetojmë, shpjegoi një burim edhe dy raste të tjera, për të cilat dy qytetarë kanë parapaguar, për të blerë një diplomë, njëri për juridik dhe tjetri për farmaci”. Por si provë kryesore është diploma e shtetases Rudina F. e cila pagoi 2500 euro në dy këste dhe që u infiltrua nga autoritetet.

Ish-pronari Ahmet Muçaj do të dalë të mërkurën para gjykatës për veprën e falsifikimit të dokumenteve dhe korrupsionit pasiv në sektorin privat.

Vepra e fundit rendon mbi të, pasi gjatë referimit fillestar dyshimet i orientonin hetuesit edhe drejt personave të tjerë./TCH

a.s/dita

March 7, 2018 15:28
Komento

2 Komente

  1. Arber I March 7, 16:12

    Prokuroria duhet te kerkoje te gjithe rregjistrat e Universiteteve dhe te vleresoje me specialiste nga shoqeria civile vlefshmerine e Doktoraturave, Profesorateve dhe Akademikeve qe shperblehen me parate e taksapaguesve shqiptare. Edhe ne Shqiperi duhet te marre fund dhenia e Doktoraturave dhe gradave te tjera me te larta pa vepra publike shkencore.

    Reply to this comment
  2. !!!!! March 7, 17:10

    Verifikoni edhe rastet ,kur studentet nuk kane dhene as edhe nje provim ,pa e ditur adresen e ketij fakulteti ,dhe kane blere diplloma me para . Rast flagrant eshte i deputetit te PS Fate Velaj ,ku gjate kohes gjoja te studimeve ,ka punuar dhe ka mare rroge ne Austri. E lehte per tu verifikuar .Ta japin Astriaket ,ne zyrat e siguracioneve fare kollaj e pa siklet .Po kush do ta beje ,qe opozita PD dhe LSI nuk jane kundershtare te vertete me njeri tjetrin e me PS ..Bile Rama e di kete rast ,por ?????

    Reply to this comment
Shiko komentet

Komento

Your e-mail address will not be published.
Required fields are marked*