Diplomatja amerikane kërkon falje për komentet për BE

February 8, 2014 11:45

Diplomatja amerikane kërkon falje për komentet për BE

Një diplomate e Departamentit amerikan të Shtetit ka kërkuar falje për komente të pakëndshme që ka bërë lidhur me Bashkimin Evropian, ndërsa bisedonte me një diplomat tjetër amerikan për Ukrainën. Shtetet e Bashkuara po kritikojnë Rusinë për rolin në rrjedhjen e informacionit për bisedën mes dy diplomatëve amerikanë.

Në një inçizim që është postuar në YouTube, duket se janë zërat e Ndihmës Sekretares së Shtetit Victoria Nuland dhe Ambasadorit amerikan në Ukrainë Geoffrey Pyatt.

Pjesëmarrësit në bisedë diskutojnë për përpjekjet ndërkombëtare për të zgjidhur krizën politike në Ukrainë dhe në një moment, zëri që duket se është i zonjës Nuland përdor një shprehje banale, duke sugjeruar që qëndrimi i Bashkimit Evropian duhet shpërfillur.

Zonja Nuland  ndodhet në Ukrainë ku është takuar me Presidentin Viktor Yanukovych lidhur me protestat anti-qeveritare të vendit, por  nuk dihet nëse biseda e saj telefonike u diskutua në takim.

Në Uashington, zëdhënësja e Departamentit të Shtetit Jen Psaki foli dje me gazetarët lidhur me rolin e mundshëm të Rusisë.

“Është një temë që ata e kanë përhapur intensivisht, duke postuar në internet, me mesazhe në Twitter dhe sigurisht ne mendojmë se kjo është një tjetër lëvizje e ulët”.

Zëdhënësja e Departamentit të Shtetit nuk komentoi për burimin e inçizimit megjithëse Shtetet e Bashkuara thonë se Rusia kishte pasur një rol të ndjeshëm në qarkullimin e tij.

Rusia nuk është u është përgjigjur akuzave amerikane.

 

February 8, 2014 11:45
Komento

7 Komente

  1. KAQI February 8, 14:29

    Ku eshte pare kjo qe te pergjohet ndihmes Sekretarja e Shtetit Amerikan!Kjo e drejte eshte eskluzivitet vetem i Dep.Amerikan.Turp per kete gjest qe nxjerr ne pahe fjalorin e pasur te kesaj zonje.Putini duhet te mendohet mire perpara se ta beje kete pergjim se po behet si Saliu yne qe nepermjet qendres ka filluar e nxjerr ne fb.

    Reply to this comment
  2. Eli February 8, 15:23

    O Koce po zonja ka ofenduar nje kontinent te tere o toc!! Pse qenka problemi i Putinit .

    Reply to this comment
  3. xhateli February 8, 16:04

    Po ish-ministrat tanë haxhipordha dhe malindabregu ai kanë kërkuar falje BE-së për fjalët teper tepër fyese dhe të ulta prej katunari që i shqiptuan mu në vatrën e të zotit të shtëpisë, ku qenë ftuar: Hajde, dëgjo pordhët e këtyre tani? dhe zonja ministre e dëgjon këtë pordhë dhe zgërdhihet, sepse sa qe ministre vetëm pordhë shpërndau.Po ata të BE-së pse nuk u ndien

    Reply to this comment
  4. arben February 8, 16:31

    amerikanet kujtojne qe duhet tju shkojne te tjeret sic done ata , kur amerikanet pergjone gjith ken dhe kur i pergjojne ata se cfar thone ju duket habi ja pra keta jane ata zyrtaret qe percojne demokraci neper bote . ketu eshte vetem nje shprehje po ne biseda te tjera cfar thone keta .

    Reply to this comment
  5. qemoli February 8, 18:01

    Une mendoj se kjo eshte nje loje e zgjuar e amerikaneve per te sfumuar sadopak skandalin e pergjimeve te publikuar nga ish agjenti Snowden, per te thene qe nuk pergjojme vetem ne:
    ”shiko se rusia shkon shume me larg, pergjon zv sekretaren e shtetit amerikan”

    Reply to this comment
  6. ARUSHA February 8, 22:30

    kjo ka dhene mendimin real qe ka amerika per europen por edhe amerika ne n je hale me europn dhjet

    Reply to this comment
Shiko komentet

Komento

Your e-mail address will not be published.
Required fields are marked*