Kandidatët për BKH testohen për aftësi fizike dhe shkathtësi mendore

February 12, 2020 09:56

Kandidatët për BKH testohen për aftësi fizike dhe shkathtësi mendore

Shtetet e Bashkuara të Amerikës vijojnë të ndjekin dhe monitorojnë procesin e ngritjes së institucioneve të reja të drejtësisë në Shqipëri.

Ambasada e SHBA në Tiranë, njofton në një mesazh në “Facebook”, se kandidatët për drejtor të Byrosë Kombëtare të Hetimit po iu nënshtrohen disa testeve, frymëzuar nga praktikat më të mira të FBI.

“Shtetet e Bashkuara janë të përkushtuara në mbështetjen e përpjekjeve të Shqipërisë për të forcuar sundimin e ligjit përmes proceseve transparente. Nën monitorimin e qeverisë së SHBA, komisioni përzgjedhës i SPAK është tashmë në fazat përfundimtare të përcaktimit të kandidatit më të mirë për Drejtor të Byrosë Kombëtare të Hetimit (BKH). Në përputhje me ligjin e SPAK dhe frymëzuar nga praktikat më e mira të FBI-së, kandidatët e mundshëm duhet të dëshmojnë aftësitë e tyre në një larmi provash. Në 6 shkurt, kandidatët iu nënshtruan një prove të aftësive fizike që përfshinte 300 metra vrapim me shpejtësi, 2.4 kilometra vrap, dhe ushtrime të tjera.

Pas këtij provimi, më 10 shkurt kandidatët morën pjesë në një testim me shkrim me dy pjesë, për të provuar aftësinë e tyre të shkrimit profesional dhe për të sprovuar aftësitë e tyre në shkathtësinë mendore dhe zgjidhjen e problemeve.

Rezultatet nga provimet i shtohen një totali përmbledhës dhe do të përcaktojnë gjashtë kandidatët kryesorë që do të kalojnë në fazën përfundimtare: në testimin poligrafik dhe intervistën finale.

Ky proces transparent dhe objektiv është një hap tjetër drejt vendosjes së sistemit të drejtësisë etik, transparent dhe profesional që qytetarët meritojnë”, thuhet në njoftimin e ambasadës.

o.j/dita

February 12, 2020 09:56
Komento

1 Koment

  1. Llaç shoku Rropi, llaç February 12, 18:51

    Ju lutemi mos i plotësoni faqet boshe të gazetës me fejk njuza me gogola se po ju diktoi Liktori i Parë i Burgajetit do hiqni të zitë e ullirit.

    Reply to this comment
Shiko komentet

Komento

Your e-mail address will not be published.
Required fields are marked*

Njoftim

Njoftim